چێترینێ ڤێ ئوممەتێ درەو و خیانەت ل نك نەبوو

عَنْ عِمْرَانَ بْنِ حُصَيْنٍ رضي الله عنه، قَالَ: قَالَ النَّبِيُّﷺ : «خَيْرُكُمْ قَرْنِي، ثُمَّ الَّذِينَ يَلُونَهُمْ، ثُمَّ الَّذِينَ يَلُونَهُمْ -قَالَ عِمْرَانُ: لاَ أَدْرِي أَذَكَرَ النَّبِيُّﷺ بَعْدُ قَرْنَيْنِ، أَوْ ثَلاَثَةً- ثمَّ يكونُ بَعْدَهُمْ قَوْمٌ يَشْهَدُونَ وَلاَ يُسْتَشْهَدُونَ، ويَخُونُونَ وَلاَ يُؤْتَمَنُونَ، وَيَنْذِرُونَ وَلاَ يَفُونَ، وَيَظْهَرُ فِيهِمُ السِّمَنُ».

وەرگێڕانا کوردی

عمرانێ كوڕێ حوصه‌ینى -خودێ ژێ رازى بت- دبێژت: پێغه‌مبه‌رى -سلاڤ لێ بن- گۆت: چێترینێ هه‌وه‌ خه‌لكێ ده‌مێ منن، پاشى ئه‌وێن د دویڤ دا دئێن، پاشى ئه‌وێن د دویڤ دا دئێن، -عمران دبێژت: ڤێجا ئه‌ز نزانم كانێ پێغه‌مبه‌رى سلاڤ لێ بن ئه‌و دو جاران یان سێ جاران گۆت- پاشى هنده‌ك پشتى وان دئێن شاهده‌ییێ دده‌ن و شاهده‌یى ژ وان نائێته‌ خواستن، و خیانه‌تێ دكه‌ن و باوه‌رییا خه‌لكى پێ نائێت، و نه‌زران دده‌ن و ب جهـ نائینن، و قه‌له‌وى د ناڤ وان دا ئاشكه‌را دبت.