قورئانا پیرۆز › سورەتا ژمارە ١٠٢
سورەتا التكاثر ب تەفسیرا کوردی
At-Takathur
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أَلۡهَىٰكُمُ ٱلتَّكَاثُرُ ﴿١﴾
شانازیبرنا ب گه‌له‌كییا مال وعه‌يالی هوين ژ عيباده‌تێ خودێ موژيل كرن.
حَتَّىٰ زُرۡتُمُ ٱلۡمَقَابِرَ ﴿٢﴾
وهوين ب هندێ ڤه موژيل بوون حه‌تا هوين چووينه گۆڕستانان، وهاتينه ڤه‌شارتن.
كَلَّا سَوۡفَ تَعۡلَمُونَ ﴿٣﴾
دڤێت ڤى تشتى هوين هنده موژيل نه‌كربان، پاشى هوين دێ زانن كو ئاخره‌ت بۆ هه‌وه چێتره.
ثُمَّ كَلَّا سَوۡفَ تَعۡلَمُونَ ﴿٤﴾
وهشيار بن، پاشى هوين دويماهییا ڤێ موژيلاهییا خۆ دێ زانن.
كَلَّا لَوۡ تَعۡلَمُونَ عِلۡمَ ٱلۡيَقِينِ ﴿٥﴾
دڤێت ڤى تشتى هوين هنده موژيل نه‌كربان، ئه‌گه‌ر هوين ب دورستى بزانن هوين دا خۆ ده‌نه پاش، ودا له‌زێ بۆ ڕزگاركرنا خۆ كه‌ن.
لَتَرَوُنَّ ٱلۡجَحِيمَ ﴿٦﴾
هوين جه‌هنه‌مێ دێ بينن.
ثُمَّ لَتَرَوُنَّهَا عَيۡنَ ٱلۡيَقِينِ ﴿٧﴾
پاشى بێ گومان هوين دێ وێ بينن.
ثُمَّ لَتُسۡـَٔلُنَّ يَوۡمَئِذٍ عَنِ ٱلنَّعِيمِ ﴿٨﴾
پاشى ڕۆژا قيامه‌تێ پسيارا هه‌مى ڕه‌نگێن خۆشییێ دێ ژ هه‌وه ئێته‌كرن.