قورئانا پیرۆز › سورەتا ژمارە ٨٢
سورەتا الانفطار ب تەفسیرا کوردی
Al-Infitar
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِذَا ٱلسَّمَآءُ ٱنفَطَرَتۡ ﴿١﴾
ئه‌گه‌ر عه‌سمان شه‌ق بوو، وسه‌ر وبه‌رێ وى تێك چوو.
وَإِذَا ٱلۡكَوَاكِبُ ٱنتَثَرَتۡ ﴿٢﴾
وئه‌گه‌ر ستێر كه‌فتن.
وَإِذَا ٱلۡبِحَارُ فُجِّرَتۡ ﴿٣﴾
وئه‌گه‌ر ده‌ريا تژى بوون، ڤێجا په‌قين و د سه‌ر دا چوون.
وَإِذَا ٱلۡقُبُورُ بُعۡثِرَتۡ ﴿٤﴾
وئه‌گه‌ر گۆڕ هاتنه ڤه‌كرن ومرى ژێ ده‌ركه‌فتن.
عَلِمَتۡ نَفۡسٞ مَّا قَدَّمَتۡ وَأَخَّرَتۡ ﴿٥﴾
هنگى هه‌ر نه‌فسه‌ك هه‌مى كارێ خۆ دێ زانت، كانێ ل پێشییێ چ كرییه و ل پاشییێ چ كرییه، ودێ پێ ئێته جزادان.
يَـٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ ﴿٦﴾
ئه‌ى مرۆڤێ باوه‌رییێ ب ڕابوونا پشتى مرنێ نائينت، ئه‌و چيه به‌رێ ته دايه هندێ كو تو شركێ ب خودايێ خۆ بكه‌ى يێ كو پێتڤى بوو ته شوكرا وى كربا.
ٱلَّذِي خَلَقَكَ فَسَوَّىٰكَ فَعَدَلَكَ ﴿٧﴾
ئه‌وێ تو ئافراندى ڤێجا تو ڕاست ودورست كرى، دا تو بشێى ب كارێ خۆ ڕاببى.
فِيٓ أَيِّ صُورَةٖ مَّا شَآءَ رَكَّبَكَ ﴿٨﴾
و ب چى ڕه‌نگێ وى ڤياى وى تو ئافراندى؟
كَلَّا بَلۡ تُكَذِّبُونَ بِٱلدِّينِ ﴿٩﴾
وه نينه وه‌كى هوين دبێژن كو د په‌رستنا ئێكێ دى دا ژبلی خودێ هوين دحه‌قن، به‌لكى هوين دره‌وێ ب ڕۆژا حسێب وجزادانێ دكه‌ن.
وَإِنَّ عَلَيۡكُمۡ لَحَٰفِظِينَ ﴿١٠﴾
وهندى هوينن هنده‌ك فريشته‌يێن پارێزڤان و ب قه‌در ل نك خودێ زێرڤانییێ ل هه‌وه دكه‌ن.
كِرَامٗا كَٰتِبِينَ ﴿١١﴾
و ئەو لنک خودێ ب قەدرن وێ ل سه‌ر هه‌وه دنڤيسن يا فه‌رمان ب نڤيسينا وێ ل وان هاتییه‌كرن، تشته‌ك ژ كار ونهێنییێن هه‌وه ژ وان ناچن.
يَعۡلَمُونَ مَا تَفۡعَلُونَ ﴿١٢﴾
ئه‌و دزانن كانێ هوين چ باشى وخرابییان دكه‌ن.
إِنَّ ٱلۡأَبۡرَارَ لَفِي نَعِيمٖ ﴿١٣﴾
هندى ئه‌و ته‌قوادارن يێن كو حه‌قێ خودێ وحه‌قێ به‌نییان ب جهـ دئينن د خۆشییێ دانه.
وَإِنَّ ٱلۡفُجَّارَ لَفِي جَحِيمٖ ﴿١٤﴾
وهندى ئه‌و سه‌رداچووينه يێن ته‌خسيرى د حه‌قێ خودێ ويێ به‌نییان دا كرى ئه‌و د ئاگرى دانه.
يَصۡلَوۡنَهَا يَوۡمَ ٱلدِّينِ ﴿١٥﴾
ڕۆژا جزادانێ گوڕییا وى دگه‌هته وان.
وَمَا هُمۡ عَنۡهَا بِغَآئِبِينَ ﴿١٦﴾
وئه‌و ژ عه‌زابا جه‌هنه‌مێ ددوير نينن نه ژێ ده‌ردكه‌ڤن ونه تێدا دمرن.
وَمَآ أَدۡرَىٰكَ مَا يَوۡمُ ٱلدِّينِ ﴿١٧﴾
وما تو چ دزانى كانێ مه‌زنییا ڕۆژا حسێبێ چه‌نده؟
ثُمَّ مَآ أَدۡرَىٰكَ مَا يَوۡمُ ٱلدِّينِ ﴿١٨﴾
پاشى ما تو چ دزانى مه‌زنییا ڕۆژا حسێبێ چه‌نده؟
يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ ﴿١٩﴾
ڕۆژا حسێبێ كه‌س نه‌شێت مفاى بگه‌هينته كه‌سێ، وفه‌رمان هه‌مى وێ ڕۆژێ يا خودێیه كه‌س نه‌شێته وى، وچو هه‌ڤڕك بۆ وى نابن.