قورئانا پیرۆز › سورەتا ژمارە ٩٢
سورەتا الليل ب تەفسیرا کوردی
Al-Layl
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَٱلَّيۡلِ إِذَا يَغۡشَىٰ ﴿١﴾
خودێ ب شه‌ڤێ سويند خوار ده‌مێ ئه‌و ب تارییا خۆ ڤه ب سه‌ر عه‌ردى وهه‌مى تشتان دا دگرت.
وَٱلنَّهَارِ إِذَا تَجَلَّىٰ ﴿٢﴾
و ب ڕۆژێ ده‌مێ ب ڕۆناهییا خۆ تارییا شه‌ڤێ دبه‌ت.
وَمَا خَلَقَ ٱلذَّكَرَ وَٱلۡأُنثَىٰٓ ﴿٣﴾
و ب ئافراندنا نێر ومێیان.
إِنَّ سَعۡيَكُمۡ لَشَتَّىٰ ﴿٤﴾
هندى كه‌دا هه‌وه‌يه يا ژێك جودايه د ناڤبه‌را كه‌دا بۆ دنيايێ وكه‌دا بۆ ئاخره‌تێ دا.
فَأَمَّا مَنۡ أَعۡطَىٰ وَٱتَّقَىٰ ﴿٥﴾
ڤێجا هه‌چییێ مالێ خۆ خه‌رج كر بت وته‌قوایا خودێ د وێ چه‌ندێ دا كر بت.
وَصَدَّقَ بِٱلۡحُسۡنَىٰ ﴿٦﴾
وباوه‌رى ب حسێبێ وجزادانا ل سه‌ر كرياران ئينا بت.
فَسَنُيَسِّرُهُۥ لِلۡيُسۡرَىٰ ﴿٧﴾
ئه‌م دێ به‌رێ وى ده‌ينه ئه‌گه‌رێن خێرێ وچاكییێ وكارێ وى ل به‌ر ب ساناهى كه‌ين.
وَأَمَّا مَنۢ بَخِلَ وَٱسۡتَغۡنَىٰ ﴿٨﴾
وهه‌چییێ چڕيكى ب مالێ خۆ كربت وخۆ ژ جزادانا خودايێ خۆ بێ منه‌ت كربت.
وَكَذَّبَ بِٱلۡحُسۡنَىٰ ﴿٩﴾
ودره‌و ب حسێب وجزادانێ كربت.
فَسَنُيَسِّرُهُۥ لِلۡعُسۡرَىٰ ﴿١٠﴾
ئه‌م دێ ئه‌گه‌رێن به‌خت ڕه‌شییێ بۆ وى ئاشكه‌را كه‌ين.
وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ ﴿١١﴾
ومالێ وى يێ وى به‌خيلی پێ دكر چو مفايى ناگه‌هينتێ ئه‌گه‌ر ئه‌و كه‌فته د ئاگرى دا.
إِنَّ عَلَيۡنَا لَلۡهُدَىٰ ﴿١٢﴾
هندى ئه‌مين ژ قه‌نجى وحكمه‌تا مه‌يه كو ئه‌م بۆ خه‌لكى وێ ڕێكا وان بگه‌هينته خودێ وبه‌حشتێ ژ ڕێكا سه‌رداچوونێ جودا بكه‌ين.
وَإِنَّ لَنَا لَلۡأٓخِرَةَ وَٱلۡأُولَىٰ ﴿١٣﴾
وهندى ئه‌مين ملكێ ئاخره‌تێ ويێ دنيايێ يێ مه‌يه.
فَأَنذَرۡتُكُمۡ نَارٗا تَلَظَّىٰ ﴿١٤﴾
ڤێجا من هوين هشياركرن و ژ ئاگره‌كى ترساندن يێ گه‌ش دكه‌ت، كو ئاگرێ جه‌هنه‌مێیه.
لَا يَصۡلَىٰهَآ إِلَّا ٱلۡأَشۡقَى ﴿١٥﴾
كه‌س ناچته وى ئاگرى ئه‌و تێ نه‌بت يێ گه‌له‌كێ به‌خت ڕه‌ش نه‌بت.
ٱلَّذِي كَذَّبَ وَتَوَلَّىٰ ﴿١٦﴾
يێ پێغه‌مبه‌رێ خودێ موحه‌ممه‌د -سلاڤ لێ بن- دره‌وين ده‌رێخست بت، وپشت دابته باوه‌رییا ب خودێ وپێغه‌مبه‌رێ وى، وگوهدارییا وان.
وَسَيُجَنَّبُهَا ٱلۡأَتۡقَى ﴿١٧﴾
وئه‌و دێ ژێ ئێته دويركرن يێ گه‌له‌كێ ب ته‌قوا بت.
ٱلَّذِي يُؤۡتِي مَالَهُۥ يَتَزَكَّىٰ ﴿١٨﴾
ئه‌وێ پێخه‌مه‌ت خێرێ مالێ خۆ خه‌رج دكه‌ت.
وَمَا لِأَحَدٍ عِندَهُۥ مِن نِّعۡمَةٖ تُجۡزَىٰٓ ﴿١٩﴾
وئه‌و دانا وى بۆ خێرێ نه ژ به‌ر هندێیه دا ئه‌و قه‌نجییه‌كا وى بزڤڕينت يێ باشییه‌ك د گه‌ل وى كربت.
إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ ﴿٢٠﴾
به‌لكى مه‌خسه‌دا وى پێ ئه‌وه خودايێ وى يێ بلندتر ژ وى ڕازى ببت.
وَلَسَوۡفَ يَرۡضَىٰ ﴿٢١﴾
وپاشى د به‌حه‌شتێ دا خودێ وى تشتى دێ ده‌تێ يێ ئه‌و پێ ڕازى ببت.