قورئانا پیرۆز › سورەتا ژمارە ٩١
سورەتا الشمس ب تەفسیرا کوردی
Ash-Shams
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَٱلشَّمۡسِ وَضُحَىٰهَا ﴿١﴾
خودێ ب ڕۆژێ وڕۆناهییا وێ ل تێشته‌گه‌هێ سويند خوار.
وَٱلۡقَمَرِ إِذَا تَلَىٰهَا ﴿٢﴾
و ب هه‌يڤێ ده‌مێ ب هه‌لاتن وئاڤابوونێ ب دويڤ دا دئێت.
وَٱلنَّهَارِ إِذَا جَلَّىٰهَا ﴿٣﴾
و ب ڕۆژێ ده‌مێ تارییێ دبه‌ت وگه‌ش دكه‌ت.
وَٱلَّيۡلِ إِذَا يَغۡشَىٰهَا ﴿٤﴾
و ب شه‌ڤێ ده‌مێ عه‌ردى ڤه‌دگرت وهه‌مییێ تارى دكه‌ت.
وَٱلسَّمَآءِ وَمَا بَنَىٰهَا ﴿٥﴾
و ب عه‌سمانى وئاڤاهییێ وى يێ موكم.
وَٱلۡأَرۡضِ وَمَا طَحَىٰهَا ﴿٦﴾
و ب عه‌ردى وڕائێخستنا وى.
وَنَفۡسٖ وَمَا سَوَّىٰهَا ﴿٧﴾
وهه‌ر نه‌فسه‌كێ ودورستكرنا خودێ بۆ وێ دا ب كارێ خۆ ڕاببت.
فَأَلۡهَمَهَا فُجُورَهَا وَتَقۡوَىٰهَا ﴿٨﴾
وى ڕێكا خرابییێ وباشییێ بۆ ديار كر.
قَدۡ أَفۡلَحَ مَن زَكَّىٰهَا ﴿٩﴾
ب ڕاستى ئه‌و ب سه‌ركه‌فت يێ نه‌فسا خۆ پاڤژ كربت و ب خێرێ ب خودان كربت.
وَقَدۡ خَابَ مَن دَسَّىٰهَا ﴿١٠﴾
وئه‌وى زيان كر يێ نه‌فسا خۆ د بن گونه‌هان ڕا ڤه‌شارت بت.
كَذَّبَتۡ ثَمُودُ بِطَغۡوَىٰهَآ ﴿١١﴾
ثه‌موودییان ژ به‌ر زێده سه‌رداچوونا خۆ پێغه‌مبه‌رێ خۆ دره‌وين ده‌رێخست.
إِذِ ٱنۢبَعَثَ أَشۡقَىٰهَا ﴿١٢﴾
ده‌مێ ئه‌وێ ژ هه‌مییان بێ به‌ختتر ژ وان ڕابووى دا حێشترێ ڤه‌كوژت.
فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا ﴿١٣﴾
ئينا پێغه‌مبه‌رێ خودێ صالحى -سلاڤ لێ بن- گۆته وان: هشيارى وێ حێشترێ بن يا خودێ بۆ هه‌وه هنارتى دا ببته نيشان، هوين ب خرابى ده‌ست نه‌كه‌نێ، وته‌عدايییێ ل ئاڤدانا وێ نه‌كه‌ن، ڕۆژه‌كێ ئاڤ بۆ وێیه وڕۆژه‌كێ بۆ هه‌وه‌يه. ئينا ئه‌ڤ چه‌نده ل به‌ر وان ب زه‌حمه‌ت كه‌فت.
فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا ﴿١٤﴾
ڤێجا وان ئه‌و د وێ گه‌فێ دا دره‌وين ده‌رئێخست يا وى ل وان كرى، ووان ئه‌و ڤه‌كوشت، ئينا ژ به‌ر تاوانا وان خودايێ وان عه‌زاب ب سه‌ر وان داگرت، وئه‌و ل سه‌ر وان ڕاستكر وكه‌س ژ وان ژێ خلاس نه‌بوو.
وَلَا يَخَافُ عُقۡبَٰهَا ﴿١٥﴾
وخودێ ژ دويماهییا وێ عه‌زابێ ناترست يا وى ب سه‌ر وان دا ئيناى.