قورئانا پیرۆز › سورەتا ژمارە ٨٦
سورەتا الطارق ب تەفسیرا کوردی
At-Tariq
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَٱلسَّمَآءِ وَٱلطَّارِقِ ﴿١﴾
خودایێ مه‌زن سويندێ ب عه‌سمانى دخۆت و ب وێ ستێرا ب شه‌ڤ دئێت.
وَمَآ أَدۡرَىٰكَ مَا ٱلطَّارِقُ ﴿٢﴾
وما تو چ دزانى ئه‌ڤ ستێره چه‌ند يا مه‌زنه؟
ٱلنَّجۡمُ ٱلثَّاقِبُ ﴿٣﴾
ئه‌و ستێره‌كا گه‌ش وڕوهنه.
إِن كُلُّ نَفۡسٖ لَّمَّا عَلَيۡهَا حَافِظٞ ﴿٤﴾
نينه نه‌فسه‌ك ئه‌گه‌ر ملياكه‌ته‌ك زێره‌ڤانییێ لێ نه‌كه‌ت وكريارێن وێ نه‌پارێزت.
فَلۡيَنظُرِ ٱلۡإِنسَٰنُ مِمَّ خُلِقَ ﴿٥﴾
ڤێجا ئه‌و مرۆڤێ باوه‌رییێ ب ڕابوونا پشتى مرنێ نه‌ئينت بلا به‌رێ خۆ بده‌تێ كانێ ئه‌و ژ چ هاتییه ئافراندن؟
خُلِقَ مِن مَّآءٖ دَافِقٖ ﴿٦﴾
ئه‌و ژ چپكه‌كا ئاڤێ يا ب له‌ز دئێته هاڤێتن د مالبچويكى دا يێ هاتییه ئافراندن.
يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ ﴿٧﴾
ئه‌و چپك ژ ناڤبه‌را پشتا زه‌لامى وسنگێ ژنێ ده‌ردكه‌ڤت.
إِنَّهُۥ عَلَىٰ رَجۡعِهِۦ لَقَادِرٞ ﴿٨﴾
هندى ئه‌و خودايه يێ مرۆڤ ئافراندى دشێت پشتى مرنێ دوباره وى زێندى بكه‌ت.
يَوۡمَ تُبۡلَى ٱلسَّرَآئِرُ ﴿٩﴾
ڕۆژا تشتێن ڤه‌شارتى ئاشكه‌را دبن، وتشتێ چاك ژ يێ خراب جودا دبت.
فَمَا لَهُۥ مِن قُوَّةٖ وَلَا نَاصِرٖ ﴿١٠﴾
مرۆڤى چو هێزه‌ك نابت خۆ پێ بپارێزت، ووى چو پشته‌ڤان ژى نابن عه‌زابا خودێ ژ وى دویر بكه‌ت.
وَٱلسَّمَآءِ ذَاتِ ٱلرَّجۡعِ ﴿١١﴾
سويند ب وى عه‌سمانێ بارانێ دوباره دزڤڕينت.
وَٱلۡأَرۡضِ ذَاتِ ٱلصَّدۡعِ ﴿١٢﴾
و ب وى عه‌ردێ شينكاتى ئه‌و شه‌قكرى.
إِنَّهُۥ لَقَوۡلٞ فَصۡلٞ ﴿١٣﴾
هندى قورئانه گۆتنه‌كه ناڤبڕێ دئێخته ناڤبه‌را حه‌قییێ ونه‌حه‌قییێ دا.
وَمَا هُوَ بِٱلۡهَزۡلِ ﴿١٤﴾
وئه‌و تڕانه نينه.
إِنَّهُمۡ يَكِيدُونَ كَيۡدٗا ﴿١٥﴾
هندى ئه‌ون يێن دره‌وێ ب پێغه‌مبه‌رى و ب قورئانێ دكه‌ن، ئه‌و فێلبازییێ وپيلانگێڕییێ دكه‌ن؛ دا ب فێلا خۆ حه‌قییێ پويچ بكه‌ن.
وَأَكِيدُ كَيۡدٗا ﴿١٦﴾
وئه‌ز فێلێ دكه‌م دا حه‌قییێ ب سه‌ر بێخم، ئه‌گه‌ر خۆ كافران بێ نه‌خۆش بت ژى.
فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا ﴿١٧﴾
ڤێجا تو -ئه‌ى پێغه‌مبه‌ر- له‌زێ د داخوازكرنا عه‌زابدانا وان دا نه‌كه، به‌لێ ده‌ليڤێ بده وان وبه‌رێ خۆ بدێ، وله‌زێ نه‌كه، تو دێ بينى چ عه‌زاب وتێچوون دێ ب سه‌ر وان دا ئێت.