قورئانا پیرۆز › سورەتا ژمارە ٩٥
سورەتا التين ب تەفسیرا کوردی
At-Tin
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَٱلتِّينِ وَٱلزَّيۡتُونِ ﴿١﴾
خودێ ب هژيرێ وزه‌يتوينێ سويند خوار، وئه‌و دو به‌رهه‌مێن ناڤدارن.
وَطُورِ سِينِينَ ﴿٢﴾
و ب چيايێ (طوورێ سينائێ) سويند خوار ئه‌وێ خودێ ل سه‌ر د گه‌ل مووساى ئاخفتى.
وَهَٰذَا ٱلۡبَلَدِ ٱلۡأَمِينِ ﴿٣﴾
و ب ڤى باژێرێ ته‌نا ژ هه‌ر ترسه‌كێ، كو (مه‌كه‌هه) جهێ ئيسلام لێ هاتى سويند خوار.
لَقَدۡ خَلَقۡنَا ٱلۡإِنسَٰنَ فِيٓ أَحۡسَنِ تَقۡوِيمٖ ﴿٤﴾
ب ڕاستى مه مرۆڤ د باشترين ڕه‌نگ دا ئافراندییه.
ثُمَّ رَدَدۡنَٰهُ أَسۡفَلَ سَٰفِلِينَ ﴿٥﴾
پاشى ئه‌گه‌ر ئه‌و گوهدارییا خودێ نه‌كه‌ت ودويكه‌فتنا پێغه‌مبه‌ران نه‌كه‌ت، ئه‌م وى دزڤڕينينه د ئاگرى دا.
إِلَّا ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ فَلَهُمۡ أَجۡرٌ غَيۡرُ مَمۡنُونٖ ﴿٦﴾
به‌لێ ئه‌وێن باوه‌رى ئيناى وچاكى كرين خێره‌كا مه‌زن وبێ ڤه‌بڕين بۆ وان هه‌يه.
فَمَا يُكَذِّبُكَ بَعۡدُ بِٱلدِّينِ ﴿٧﴾
ئه‌و چ تشته به‌رێ ته -ئه‌ى مرۆڤۆ- دده‌ته هندێ كو تو دره‌وێ ب ڕابوونا پشتى مرنێ وجزادانێ بكه‌ى هه‌ر چه‌نده ده‌ليل ل سه‌ر شيانا خودێ ل سه‌ر وێ چه‌ندێ دئاشكه‌رانه؟
أَلَيۡسَ ٱللَّهُ بِأَحۡكَمِ ٱلۡحَٰكِمِينَ ﴿٨﴾
ئه‌رێ ما ئه‌و خودايێ ئه‌ڤ ڕۆژه داناى دا حوكمى تێدا د ناڤبه‌را خه‌لكى دا بكه‌ت موكمترينێ حاكمان نينه د وان هه‌مى تشتان دا يێن وى ئافراندين؟ به‌لێ. ئه‌رێ ڤێجا ما ئه‌و خه‌لكى دێ هێلت بێى فه‌رمانه‌كێ ل وان بكه‌ت، وجزايه‌كى بۆ ده‌سنيشان بكه‌ت؟