قورئانا پیرۆز › سورەتا ژمارە ٨١
سورەتا التكوير ب تەفسیرا کوردی
At-Takwir
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِذَا ٱلشَّمۡسُ كُوِّرَتۡ ﴿١﴾
ئه‌گه‌ر ڕۆژ هاته پێچان وڕۆناهییا وێ نه‌ما.
وَإِذَا ٱلنُّجُومُ ٱنكَدَرَتۡ ﴿٢﴾
وئه‌گه‌ر ستێر ڕژيان، وگه‌شاتییا وان چوو.
وَإِذَا ٱلۡجِبَالُ سُيِّرَتۡ ﴿٣﴾
وئه‌گه‌ر چيا ژ سه‌ر عه‌ردى هاتنه برن ووه‌كى تۆزه‌كا هوير لێ هاتن.
وَإِذَا ٱلۡعِشَارُ عُطِّلَتۡ ﴿٤﴾
وئه‌گه‌ر حێشترێن ل سه‌ر زانێ هاتنه هێلان و ژ بيركرن.
وَإِذَا ٱلۡوُحُوشُ حُشِرَتۡ ﴿٥﴾
وئه‌گه‌ر حه‌يوانه‌تێن هۆڤ وكويڤى هاتنه كۆمكرن و ب ناڤێك كه‌فتن؛ دا حه‌قێ وان ژێك بێته ستاندن.
وَإِذَا ٱلۡبِحَارُ سُجِّرَتۡ ﴿٦﴾
وئه‌گه‌ر ده‌ريا وه‌سا تژى بوون حه‌تا دسه‌ردا دچن، ڤێجا دپه‌قن وئاڤا وان ڕادبت.
وَإِذَا ٱلنُّفُوسُ زُوِّجَتۡ ﴿٧﴾
وئه‌گه‌ر نه‌فس د گه‌ل يێن وه‌كى وێ هاتنه كۆمكرن.
وَإِذَا ٱلۡمَوۡءُۥدَةُ سُئِلَتۡ ﴿٨﴾
وئه‌گه‌ر ڕۆژا قيامه‌تێ پسيار ژ وێ كچێ هاته‌كرن يا كو ب ساخى هاتییه ڤه‌شارتن.
بِأَيِّ ذَنۢبٖ قُتِلَتۡ ﴿٩﴾
ب چ گونه‌هـ ئه‌و هاتبوو ڤه‌شارتن؟
وَإِذَا ٱلصُّحُفُ نُشِرَتۡ ﴿١٠﴾
وئه‌گه‌ر كيتابێن كرياران هاتنه به‌رچاڤكرن.
وَإِذَا ٱلسَّمَآءُ كُشِطَتۡ ﴿١١﴾
وئه‌گه‌ر عه‌سمان ژ جهێ وى هاته ڕاكرن.
وَإِذَا ٱلۡجَحِيمُ سُعِّرَتۡ ﴿١٢﴾
وئه‌گه‌ر ئاگر هاته هلكرن وشاراندن.
وَإِذَا ٱلۡجَنَّةُ أُزۡلِفَتۡ ﴿١٣﴾
وئه‌گه‌ر به‌حه‌شت جهێ خۆشییێ بۆ خودانێن وێ يێن ته‌قوادار هاته نێزيككرن.
عَلِمَتۡ نَفۡسٞ مَّآ أَحۡضَرَتۡ ﴿١٤﴾
ئه‌گه‌ر ئه‌و هه‌مى تشت هاتنه كرن، هه‌ر نه‌فسه‌ك دێ باش زانت كانێ چ باشى يان خرابى كرییه.
فَلَآ أُقۡسِمُ بِٱلۡخُنَّسِ ﴿١٥﴾
خودێ ب وان ستێران سويند خوار يێن ب ڕۆژێ ڕۆناهییا وان دئێته ڤه‌شارتن.
ٱلۡجَوَارِ ٱلۡكُنَّسِ ﴿١٦﴾
يێن كو دچن وخۆ ل بورجێن خۆ ڤه‌دشێرن.
وَٱلَّيۡلِ إِذَا عَسۡعَسَ ﴿١٧﴾
و ب شه‌ڤێ ئه‌گه‌ر ب تارییا خۆ ڤه هات.
وَٱلصُّبۡحِ إِذَا تَنَفَّسَ ﴿١٨﴾
و ب سپێدێ ئه‌گه‌ر هات وگه‌ش بوو.
إِنَّهُۥ لَقَوۡلُ رَسُولٖ كَرِيمٖ ﴿١٩﴾
هندى ئه‌ڤ قورئانه‌يه پێغه‌مبه‌ره‌كێ ب قه‌در ئه‌و گه‌هاندییه، كو جبريله -سلاڤ لێ بن.
ذِي قُوَّةٍ عِندَ ذِي ٱلۡعَرۡشِ مَكِينٖ ﴿٢٠﴾
ئه‌وێ خودان هێز ل سه‌ر وى تشتێ فه‌رمان پێ لێ هاتییه‌كرن، خودانێ پێكه‌كا بلند ل نك خودێ.
مُّطَاعٖ ثَمَّ أَمِينٖ ﴿٢١﴾
ملياكه‌ت گوهدارییا وى دكه‌ن، ل سه‌ر وێ وه‌حییا ئه‌و دئينت يێ ده‌سپاك وئه‌مينه.
وَمَا صَاحِبُكُم بِمَجۡنُونٖ ﴿٢٢﴾
وموحه‌ممه‌د ئه‌وێ هوين دنیاسن نه يێ دينه.
وَلَقَدۡ رَءَاهُ بِٱلۡأُفُقِ ٱلۡمُبِينِ ﴿٢٣﴾
و ب ڕاستى موحه‌ممه‌دى جبريل ل ئاسۆيێ مه‌زن ديت.
وَمَا هُوَ عَلَى ٱلۡغَيۡبِ بِضَنِينٖ ﴿٢٤﴾
وئه‌و د گه‌هاندنا وه‌حییێ دا يێ قه‌لس نينه.
وَمَا هُوَ بِقَوۡلِ شَيۡطَٰنٖ رَّجِيمٖ ﴿٢٥﴾
وئه‌ڤ قورئانه گۆتنا شه‌يتانه‌كێ ژ ڕه‌حما خودێ ده‌ركرى نينه، به‌لكى ئه‌و گۆتنا خودێ ووه‌حییا وییه.
فَأَيۡنَ تَذۡهَبُونَ ﴿٢٦﴾
ڤێجا عه‌قلێ هه‌وه دێ هه‌وه كيڤه به‌ت پشتى ڤان هه‌مى ده‌ليلێن ئاشكه‌را هوين دره‌وێ ب قورئانێ دكه‌ن؟
إِنۡ هُوَ إِلَّا ذِكۡرٞ لِّلۡعَٰلَمِينَ ﴿٢٧﴾
هه‌ما ئه‌و بيرئينانه‌كه ژ خودێ بۆ هه‌مى مرۆڤان.
لِمَن شَآءَ مِنكُمۡ أَن يَسۡتَقِيمَ ﴿٢٨﴾
بۆ هه‌چییێ حه‌ز بكه‌ت ژ هه‌وه كو ل سه‌ر حه‌قییێ وباوه‌رییێ خۆ ڕاست بكه‌ت.
وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ ﴿٢٩﴾
وهوين نه‌شێن خۆ ڕاست بكه‌ن، ئه‌گه‌ر حه‌زكرنا خودێ خودايێ هه‌مى چێكرییان ل سه‌ر نه‌بت.