قورئانا پیرۆز › سورەتا ژمارە ٨٨
سورەتا الغاشية ب تەفسیرا کوردی
Al-Ghashiyah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
هَلۡ أَتَىٰكَ حَدِيثُ ٱلۡغَٰشِيَةِ ﴿١﴾
ئه‌رێ به‌حسێ قيامه‌تێ ئه‌وا دێ ب ته‌نگاڤییێن خۆ ڤه ب سه‌ر خه‌لكى دا گرت گه‌هشتییه ته -ئه‌ى پێغه‌مبه‌ر-؟
وُجُوهٞ يَوۡمَئِذٍ خَٰشِعَةٌ ﴿٢﴾
ژ به‌ر عه‌زابێ ڕوییێن كافران وێ ڕۆژێ دشكه‌ستى وڕه‌زيلن.
عَامِلَةٞ نَّاصِبَةٞ ﴿٣﴾
ب كارى ڤه دوه‌ستياينه.
تَصۡلَىٰ نَارًا حَامِيَةٗ ﴿٤﴾
ئاگره‌كێ دژوار وشاراندى دگرت.
تُسۡقَىٰ مِنۡ عَيۡنٍ ءَانِيَةٖ ﴿٥﴾
ژ كانییه‌كا زێده كه‌لاندى دئێنه ئاڤدان.
لَّيۡسَ لَهُمۡ طَعَامٌ إِلَّا مِن ضَرِيعٖ ﴿٦﴾
ژبلی وێ سترییا ب عه‌ردى ڤه نويسياى، كو نه‌خۆشترين وپيسترين خوارنه، خوارنه‌ك بۆ جه‌هنه‌مییان نينه.
لَّا يُسۡمِنُ وَلَا يُغۡنِي مِن جُوعٖ ﴿٧﴾
وئه‌و خوارنه‌كه نه خودانێ خۆ قه‌له‌و دكه‌ت، ونه برسا وى دشكێنت.
وُجُوهٞ يَوۡمَئِذٖ نَّاعِمَةٞ ﴿٨﴾
ڕۆژا قيامه‌تێ ڕوییێن خودان باوه‌ران دگه‌شن و د خۆشییان دانه.
لِّسَعۡيِهَا رَاضِيَةٞ ﴿٩﴾
ژ به‌ر وێ كه‌دا وان د دنيايێ دا كرى ئه‌و ل ئاخره‌تێ دڕازينه.
فِي جَنَّةٍ عَالِيَةٖ ﴿١٠﴾
د به‌حه‌شته‌كا بلند دانه.
لَّا تَسۡمَعُ فِيهَا لَٰغِيَةٗ ﴿١١﴾
گۆتنه‌كا ب تنێ ژى يا بێ مفا تێدا نائێته بهيستن.
فِيهَا عَيۡنٞ جَارِيَةٞ ﴿١٢﴾
كانییه‌كا ئاڤ ژێ دزێت تێدا هه‌يه.
فِيهَا سُرُرٞ مَّرۡفُوعَةٞ ﴿١٣﴾
ته‌ختێن بلند تێدا هەنە.
وَأَكۡوَابٞ مَّوۡضُوعَةٞ ﴿١٤﴾
وكۆپێن داناى بۆ ڤه‌خورانێ.
وَنَمَارِقُ مَصۡفُوفَةٞ ﴿١٥﴾
وباليفكێن ب ڕێزكرى ئێك ب ڕه‌خ ئێكێ ڤه.
وَزَرَابِيُّ مَبۡثُوثَةٌ ﴿١٦﴾
ومه‌حفويرێن ڕائێخستى تێدا هه‌نه.
أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ ﴿١٧﴾
ئه‌رێ ما كافرێن دره‌وپێكه‌ر به‌رێ خۆ ناده‌نه حێشترێ: چاوا ئه‌و ب ڤى ڕه‌نگێ عه‌جێب هاتییه ئافراندن؟
وَإِلَى ٱلسَّمَآءِ كَيۡفَ رُفِعَتۡ ﴿١٨﴾
وعه‌سمان چاوا ب ڤى ڕه‌نگێ جوان هاتییه بلندكرن؟
وَإِلَى ٱلۡجِبَالِ كَيۡفَ نُصِبَتۡ ﴿١٩﴾
وچيا چاوا هاتينه چكلاندن، ڤێجا عه‌رد ب وان هاتییه ڕاگرتن؟
وَإِلَى ٱلۡأَرۡضِ كَيۡفَ سُطِحَتۡ ﴿٢٠﴾
وعه‌رد چاوا هاتییه رائێخستن وخۆشكرن؟
فَذَكِّرۡ إِنَّمَآ أَنتَ مُذَكِّرٞ ﴿٢١﴾
ڤێجا تو -ئه‌ى پێغه‌مبه‌ر- ب وێ يا تو پێ هاتییه هنارتن بيرا وان بينه‌ڤه يێن پشت دده‌ن.
لَّسۡتَ عَلَيۡهِم بِمُصَيۡطِرٍ ﴿٢٢﴾
وتو سه‌را پشتدانا وان ب خه‌م نه‌كه‌ڤه، يا ل سه‌ر ته ئه‌و نينه تو ب ته‌عدايى باوه‌رییێ بكه‌يه د دلێن وان دا.
إِلَّا مَن تَوَلَّىٰ وَكَفَرَ ﴿٢٣﴾
به‌لێ ئه‌وێ پشت دايه بيرئينان وشيره‌تێ وڕژدى ل سه‌ر كوفرا خۆ كرى.
فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ ﴿٢٤﴾
خودێ ب عه‌زابه‌كا دژوار د ئاگرى دا دێ وى عه‌زاب ده‌ت.
إِنَّ إِلَيۡنَآ إِيَابَهُمۡ ﴿٢٥﴾
هندى زڤڕينا وانه پشتى مرنێ بۆ نك مه‌يه.
ثُمَّ إِنَّ عَلَيۡنَا حِسَابَهُم ﴿٢٦﴾
پاشى هندى جزايێ وانه سه‌را كريارێن وان ل سه‌ر مه‌يه.