قورئانا پیرۆز › سورەتا ژمارە ٩٣
سورەتا الضحى ب تەفسیرا کوردی
Ad-Duha
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَٱلضُّحَىٰ ﴿١﴾
خودێ ب ڕۆژێ هه‌مییێ سويند خوار.
وَٱلَّيۡلِ إِذَا سَجَىٰ ﴿٢﴾
و ب شه‌ڤێ ئه‌گه‌ر ڕاوه‌ستا وتارییا وێ دژوار بوو. وهه‌ر تشته‌كێ خودێ حه‌ز بكه‌ت ئه‌و سويند پێ دخۆت، به‌لێ بۆ مرۆڤان چێ نابت ژبلی خودێ ب تشته‌كێ دى سويند بخۆن؛ چونكى سويندا نه ب خودێ بت شركه.
مَا وَدَّعَكَ رَبُّكَ وَمَا قَلَىٰ ﴿٣﴾
خودايێ ته -ئه‌ى پێغه‌مبه‌ر- تو نه‌هێلاى، ده‌مێ وى وه‌حى ڤه‌هێلاى ووى كه‌رب ژ ته ڤه‌نه‌بوويه.
وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ ﴿٤﴾
وئاخره‌ت بۆ ته ژ دنيايێ چێتره.
وَلَسَوۡفَ يُعۡطِيكَ رَبُّكَ فَتَرۡضَىٰٓ ﴿٥﴾
وپاشى ل ئاخره‌تێ خودايێ ته -ئه‌ى پێغه‌مبه‌ر- هند قه‌نجییان دێ ده‌ته ته، كو تو پێ ڕازى ببى.
أَلَمۡ يَجِدۡكَ يَتِيمٗا فَـَٔاوَىٰ ﴿٦﴾
ئه‌رێ ما وى به‌رێ تو ئێتيم نه‌ديتبووى، ڤێجا وى تو حه‌واندى وچاڤدێرى ل ته كر.
وَوَجَدَكَ ضَآلّٗا فَهَدَىٰ ﴿٧﴾
ووى تو نه‌ديتبووى ته چو ژ كيتابێ وباوه‌رییێ نه‌دزانى، ڤێجا وى ئه‌و نيشا ته دا يێ ته نه‌دزانى، وبه‌رێ ته دا باشترين كرياران؟
وَوَجَدَكَ عَآئِلٗا فَأَغۡنَىٰ ﴿٨﴾
ووى تو فه‌قير نه‌ديتبووى، ڤێجا وى ڕزقێ ته دا ته، ودلێ ته ب قه‌ناعه‌تێ وصه‌برێ ده‌وله‌مه‌ند كر؟
فَأَمَّا ٱلۡيَتِيمَ فَلَا تَقۡهَرۡ ﴿٩﴾
ڤێجا هندى ئێتيمه تو سه‌ره‌ده‌رییه‌كا خراب د گه‌ل نه‌كه.
وَأَمَّا ٱلسَّآئِلَ فَلَا تَنۡهَرۡ ﴿١٠﴾
وهندى خازۆكه تو وى پاشڤه‌نه‌به، وخوارنێ بدێ، وهه‌وجه‌يییا وى بۆ ب جهـ بينه.
وَأَمَّا بِنِعۡمَةِ رَبِّكَ فَحَدِّثۡ ﴿١١﴾
وهندى قه‌نجییا خودايێ ته‌يه يا وى د گه‌ل ته كرى تو به‌حس ژێ بكه.