قورئانا پیرۆز › سورەتا ژمارە ٩٦
سورەتا العلق ب تەفسیرا کوردی
Al-Alaq
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ٱقۡرَأۡ بِٱسۡمِ رَبِّكَ ٱلَّذِي خَلَقَ ﴿١﴾
تو -ئه‌ى پێغه‌مبه‌ر- وێ يا بۆ ته هاتییه خوارێ ژ قورئانێ ب ناڤێ خودايێ خۆ يێ د ئافراندنێ دا ئێكانه بخوينه.
خَلَقَ ٱلۡإِنسَٰنَ مِنۡ عَلَقٍ ﴿٢﴾
ئه‌وێ هه‌مى مرۆڤ ژ خوينه‌كا هشك وته‌ڕ ئافراندين.
ٱقۡرَأۡ وَرَبُّكَ ٱلۡأَكۡرَمُ ﴿٣﴾
تو وێ بخوينه يا بۆ ته هاتییه خوارێ، وهندى خودايێ ته‌يه مه‌ردينییا وى يا به‌رفره‌هه.
ٱلَّذِي عَلَّمَ بِٱلۡقَلَمِ ﴿٤﴾
ئه‌وێ به‌نییێن خۆ فێرى نڤيسينا ب قه‌له‌مى كرين.
عَلَّمَ ٱلۡإِنسَٰنَ مَا لَمۡ يَعۡلَمۡ ﴿٥﴾
مرۆڤ فێرى وى تشتى كر يێ كو وى نه‌دزانى.
كَلَّآ إِنَّ ٱلۡإِنسَٰنَ لَيَطۡغَىٰٓ ﴿٦﴾
ب ڕاستى هندى مرۆڤه پێ ل توخويبێن خودێ ددانت.
أَن رَّءَاهُ ٱسۡتَغۡنَىٰٓ ﴿٧﴾
ئه‌گه‌ر خۆ زه‌نگين وبێ منه‌ت ديت.
إِنَّ إِلَىٰ رَبِّكَ ٱلرُّجۡعَىٰٓ ﴿٨﴾
ڤێجا هه‌ر سه‌رداچوويه‌ك بلا بزانت كو دويماهییا وى بۆ نك خودێیه.
أَرَءَيۡتَ ٱلَّذِي يَنۡهَىٰ ﴿٩﴾
ئه‌رێ ته تشته‌كێ عه‌جێبتر ژ سه‌رداچوونا وى كه‌سى ديتییه (كو ئه‌بووجه‌هله) ئه‌وێ به‌نییه‌كێ مه (كو موحه‌ممه‌ده سلاڤ لێ بن) پاشڤه‌دبه‌ت.
عَبۡدًا إِذَا صَلَّىٰٓ ﴿١٠﴾
ده‌مێ دبينت ئه‌و يێ نڤێژێ دكه‌ت.
أَرَءَيۡتَ إِن كَانَ عَلَى ٱلۡهُدَىٰٓ ﴿١١﴾
ئه‌رێ ته ديتییه ئه‌گه‌ر ئه‌و يێ ژ نڤێژێ دئێته پاشڤه‌برن ل سه‌ر هيدايه‌تێ بت ئه‌رێ چاوا ئه‌و وى پاشڤه‌دبه‌ت؟
أَوۡ أَمَرَ بِٱلتَّقۡوَىٰٓ ﴿١٢﴾
يان ئه‌گه‌ر ئه‌و ب ته‌قوادارییێ فه‌رمانێ ل خه‌لكى بكه‌ت ئه‌رێ ئه‌و دێ وى ژ وێ چه‌ندێ پاشڤه‌به‌ت؟
أَرَءَيۡتَ إِن كَذَّبَ وَتَوَلَّىٰٓ ﴿١٣﴾
ئه‌رێ ئه‌گه‌ر ئه‌و گۆتنا وى دره‌و ده‌ربێخت، وپشت بده‌تێ.
أَلَمۡ يَعۡلَم بِأَنَّ ٱللَّهَ يَرَىٰ ﴿١٤﴾
ئه‌رێ ما ئه‌و نزانت كو هندى خودێیه هه‌مى كارێ وى دبينت؟
كَلَّا لَئِن لَّمۡ يَنتَهِ لَنَسۡفَعَۢا بِٱلنَّاصِيَةِ ﴿١٥﴾
نه‌خێر وه نينه وه‌كى ئه‌و هزر دكه‌ت، ئه‌گه‌ر ئه‌و ڤێ خرابییا خۆ به‌س نه‌كه‌ت ئه‌م ب دژوارى دێ ناڤچاڤێن وى گرين ووى هاڤێينه د ئاگرى دا.
نَاصِيَةٖ كَٰذِبَةٍ خَاطِئَةٖ ﴿١٦﴾
ناڤچاڤه‌كا دره‌وين د گۆتنێ دا، وخه‌له‌تكار د كريارێ دا وى هه‌يه.
فَلۡيَدۡعُ نَادِيَهُۥ ﴿١٧﴾
ڤێجا ئه‌ڤ سه‌رداچوويه بلا خه‌لكێ ديوانا خۆ يێن ئه‌و خۆ پێ پشتگه‌رم دكه‌ت ئاماده بكه‌ت.
سَنَدۡعُ ٱلزَّبَانِيَةَ ﴿١٨﴾
ئه‌م ژى دێ گازى ملياكه‌تێن عه‌زابێ كه‌ين.
كَلَّا لَا تُطِعۡهُ وَٱسۡجُدۡۤ وَٱقۡتَرِب۩ ﴿١٩﴾
وه نينه وه‌كى ئه‌بووجه‌هل هزر دكه‌ت، ئه‌و نه‌شێت چو نه‌خۆشییان بگه‌هينته ته -ئه‌ى پێغه‌مبه‌ر- ڤێجا گوهدارییا وى نه‌كه ده‌مێ ئه‌و به‌رێ ته دده‌ته نه‌كرنا نڤێژێ، وتو بۆ خودايێ خۆ هه‌ڕه سوجدێ، و ب كرنا عيباده‌تى خۆ نێزيكى وى بكه.