قورئانا پیرۆز › سورەتا الدخان › ئایەتا ١٧
سورەتا الدخان · ئایەتا ١٧ ب تەفسیرا کوردی
Ad-Dukhan
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِنَّا كَاشِفُواْ ٱلۡعَذَابِ قَلِيلًاۚ إِنَّكُمۡ عَآئِدُونَ ﴿١٥﴾
پيچه‌كێ ئه‌م دێ عه‌زابێ ژ سه‌ر هه‌وه ڕاكه‌ين، وهوين دێ بينن كانێ چاوا هوين دێ ل كوفر وسه‌رداچوونێ زڤڕن.
يَوۡمَ نَبۡطِشُ ٱلۡبَطۡشَةَ ٱلۡكُبۡرَىٰٓ إِنَّا مُنتَقِمُونَ ﴿١٦﴾
ڕۆژا ئه‌م ل قيامه‌تێ كافران هه‌مییان ب عه‌زابا مه‌زنتر عه‌زاب دده‌ين، وئه‌و ڕۆژ ئه‌وه يا ئه‌م تۆلێ تێدا ژ وان ڤه‌دكه‌ين.
۞وَلَقَدۡ فَتَنَّا قَبۡلَهُمۡ قَوۡمَ فِرۡعَوۡنَ وَجَآءَهُمۡ رَسُولٞ كَرِيمٌ ﴿١٧﴾
و ب ڕاستى به‌رى ڤان بوتپه‌رێسان مه ملله‌تێ فيرعه‌ونى جه‌ڕباند بوو، وپێغه‌مبه‌ره‌كێ ب قه‌در كو مووسايه سلاڤ لێ بن بۆ وان هاتبوو، ئينا وان ئه‌و دره‌وين ده‌رێخست ڤێجا ئه‌و تێچوون، وئه‌م دێ وێ د گه‌ل دوژمنێن ته ژى كه‌ين -ئه‌ى پێغه‌مبه‌ر- ئه‌گه‌ر ئه‌و باوه‌رییێ نه‌ئينن.
أَنۡ أَدُّوٓاْ إِلَيَّ عِبَادَ ٱللَّهِۖ إِنِّي لَكُمۡ رَسُولٌ أَمِينٞ ﴿١٨﴾
ومووساى گۆته وان: هوين به‌نییێن خودێ ژ ئسرائيلیان بده‌نه د گه‌ل من ووان د گه‌ل من بهنێرن؛ دا ئه‌و په‌رستنا خودێ ب تنێ بكه‌ن، هندى ئه‌زم ئه‌ز بۆ هه‌وه پێغه‌مبه‌ره‌كێ ده‌سپاكم.
وَأَن لَّا تَعۡلُواْ عَلَى ٱللَّهِۖ إِنِّيٓ ءَاتِيكُم بِسُلۡطَٰنٖ مُّبِينٖ ﴿١٩﴾
وهوين خۆ ژ خودێ مه‌زنتر نه‌بينن وپێغه‌مبه‌رێ وى دره‌وين ده‌رنه‌ئێخن، هندى ئه‌زم ئه‌ز ب هێجه‌ته‌كا ئاشكه‌را ڤه ل سه‌ر ڕاستگۆيییا خۆ بۆ هه‌وه هاتيمه.