قورئانا پیرۆز › سورەتا الدخان › ئایەتا ٢٣
سورەتا الدخان · ئایەتا ٢٣ ب تەفسیرا کوردی
Ad-Dukhan
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَإِن لَّمۡ تُؤۡمِنُواْ لِي فَٱعۡتَزِلُونِ ﴿٢١﴾
وئه‌گه‌ر هوين باوه‌رییێ ب من نه‌ئينن ژى ڕێكا من به‌رده‌ن، ونه‌خۆشییێ نه‌گه‌هيننه من.
فَدَعَا رَبَّهُۥٓ أَنَّ هَـٰٓؤُلَآءِ قَوۡمٞ مُّجۡرِمُونَ ﴿٢٢﴾
ڤێجا ده‌مێ فيرعه‌ونى وملله‌تێ وى باوه‌رى ب مووساى نه‌ئيناى، مووساى دوعا ژ خودايێ خۆ كر، وگۆت: هندى ئه‌وێن هه‌نه ملله‌ته‌كێ كافرن وشريكان بۆ خودێ چێ دكه‌ن.
فَأَسۡرِ بِعِبَادِي لَيۡلًا إِنَّكُم مُّتَّبَعُونَ ﴿٢٣﴾
ڤێجا تو -ئه‌ى مووسا- ب شه‌ڤ وان به‌نییێن من يێن باوه‌رى ب ته ئيناى ب تنێ ببه، هندى فيرعه‌ون وله‌شكه‌رێ وينه دێ ده‌نه ب دويڤ هه‌وه‌ڤه وهوين دێ ژ وان ڕزگار بن، وئه‌و د ئاڤێ دا دێ خندقن.
وَٱتۡرُكِ ٱلۡبَحۡرَ رَهۡوًاۖ إِنَّهُمۡ جُندٞ مُّغۡرَقُونَ ﴿٢٤﴾
وتو ده‌ريايێ وه‌سا ڕاوه‌ستاى بهێله وه‌كى ده‌مێ ته دايێ، هندى فيرعه‌ون وله‌شكه‌رێ وينه دێ د ده‌ريايێ دا خندقن.
كَمۡ تَرَكُواْ مِن جَنَّـٰتٖ وَعُيُونٖ ﴿٢٥﴾
فيرعه‌ونى وله‌شكه‌رێ وى پشتى خندقين چه‌ند باغ وبيستانێن خۆش، وكانییێن ئاڤێ.