قورئانا پیرۆز › سورەتا الدخان › ئایەتا ٦
سورەتا الدخان · ئایەتا ٦ ب تەفسیرا کوردی
Ad-Dukhan
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فِيهَا يُفۡرَقُ كُلُّ أَمۡرٍ حَكِيمٍ ﴿٤﴾
ل وێ شه‌ڤێ هه‌ر كاره‌كێ موكم يێ هه‌بت ژ ئه‌جه‌ل وڕزقێ وێ سالێ ژ له‌وحێ پاراستى بۆ ملياكه‌تێن نڤيسه‌ر دئێته ئاشكه‌راكرن، ونائێته گوهاڕتن.
أَمۡرٗا مِّنۡ عِندِنَآۚ إِنَّا كُنَّا مُرۡسِلِينَ ﴿٥﴾
ئه‌ڤ كارێ بنه‌جهـ كاره‌كه ژ نك مه، وهه‌ر تشته‌كێ دبت وخودێ ته‌قدير دكه‌ت ووه‌حییێ پێ دهنێرت ب زانين وفه‌رمان وئانه‌هییا وییه. هندى ئه‌مين ئه‌م فڕێكه‌رێن پێغه‌مبه‌راينه بۆ مرۆڤان.
رَحۡمَةٗ مِّن رَّبِّكَۚ إِنَّهُۥ هُوَ ٱلسَّمِيعُ ٱلۡعَلِيمُ ﴿٦﴾
دلۆڤانییه‌ك ژ نك خودايێ ته -ئه‌ى پێغه‌مبه‌ر- بۆ وان يێن پێغه‌مبه‌ر بۆ دئێنه هنارتن. هندى ئه‌وه ئه‌وى گوهـ ل هه‌مى ده‌نگان دبت، وئه‌و ب هه‌مى كارێن ئاشكه‌را وڤه‌شارتى يێ پڕزانايه.
رَبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَآۖ إِن كُنتُم مُّوقِنِينَ ﴿٧﴾
ئافرانده‌رێ عه‌سمانان وعه‌ردى وهه‌ر تشته‌كێ د ناڤبه‌رێ دايه، ئه‌گه‌ر هوين ب وێ چه‌ندێ دخودان باوه‌رن هوين باش بزانن كو ئافرانده‌رێ ڤان چێكرییان خودايێ وان يێ ژ ڕاستايه.
لَآ إِلَٰهَ إِلَّا هُوَ يُحۡيِۦ وَيُمِيتُۖ رَبُّكُمۡ وَرَبُّ ءَابَآئِكُمُ ٱلۡأَوَّلِينَ ﴿٨﴾
ژ وى پێڤه‌تر چو خودا يێن هێژاى په‌رستنێ نينن، ئه‌و يێ ب تنێیه وى چو شريك نينن، ژينێ ومرنێ دده‌ت، خودايێ هه‌وه ويێ بابێن هه‌وه يێن ئێكێيه، ڤێجا هوين په‌رستنا وى بكه‌ن، نه‌یا صه‌نه‌مێن بێ مفا.