قورئانا پیرۆز › سورەتا الذاريات › ئایەتا ٤٨
سورەتا الذاريات · ئایەتا ٤٨ ب تەفسیرا کوردی
Adh-Dhariyat
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَقَوۡمَ نُوحٖ مِّن قَبۡلُۖ إِنَّهُمۡ كَانُواْ قَوۡمٗا فَٰسِقِينَ ﴿٤٦﴾
وبه‌رى ڤان مه ملله‌تێ نووحى تێبربوو، هندى ئه‌و بوون ئه‌و ملله‌ته‌ك بوون ژ ئه‌مرێ خودێ ده‌ركه‌فتبوون.
وَٱلسَّمَآءَ بَنَيۡنَٰهَا بِأَيۡيْدٖ وَإِنَّا لَمُوسِعُونَ ﴿٤٧﴾
ومه عه‌سمان ئافراند وموكم كر، ومه ب هێز وشيانه‌كا مه‌زن ئه‌و بۆ عه‌ردى كره بان، وهندى ئه‌مين ئه‌م ڕه‌خێن وى فره‌هـ دكه‌ين.
وَٱلۡأَرۡضَ فَرَشۡنَٰهَا فَنِعۡمَ ٱلۡمَٰهِدُونَ ﴿٤٨﴾
ومه عه‌رد بۆ خه‌لكى ڕائێخست دا ئه‌و ل سه‌ر بژين، وئه‌م چ باش ڕاخستڤانين.
وَمِن كُلِّ شَيۡءٍ خَلَقۡنَا زَوۡجَيۡنِ لَعَلَّكُمۡ تَذَكَّرُونَ ﴿٤٩﴾
و ژ هه‌ر تشته‌كێ هه‌ى مه جۆته‌كێ ژێك جودا ئافراندییه؛ دا هوين بيرا خۆ ل شيانا خودێ بيننه‌ڤه، وعيبره‌ته‌كێ بۆ خۆ ژێ وه‌ربگرن.
فَفِرُّوٓاْ إِلَى ٱللَّهِۖ إِنِّي لَكُم مِّنۡهُ نَذِيرٞ مُّبِينٞ ﴿٥٠﴾
ڤێجا هوين -ئه‌ى گه‌لی مرۆڤان- ب باوه‌رى ئينانا ب خودێ وپێغه‌مبه‌رێ وى ژ عه‌زابا خۆدێ بڕه‌ڤنه به‌ر ره‌حما وى، هندى ئه‌زم ئه‌ز ئاشكه‌را هه‌وه دترسينم. وده‌مێ پێغه‌مبه‌ر سلاڤ لێ بن ژ تشته‌كى بێهن ته‌نگ ببا ڕادبوو نڤێژ دكر، وئه‌ڤه‌يه ڕه‌ڤينا بۆ نك خودێ.