قورئانا پیرۆز › سورەتا الأحقاف › ئایەتا ٤
سورەتا الأحقاف · ئایەتا ٤ ب تەفسیرا کوردی
Al-Ahqaf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
تَنزِيلُ ٱلۡكِتَٰبِ مِنَ ٱللَّهِ ٱلۡعَزِيزِ ٱلۡحَكِيمِ ﴿٢﴾
ئه‌ڤ قورئانه ئينانه خوارا خودايێ زاله يێ كو كه‌س نه‌شێتێ، يێ كاربنه‌جهـ د كار وكريارێن خۆ دا.
مَا خَلَقۡنَا ٱلسَّمَٰوَٰتِ وَٱلۡأَرۡضَ وَمَا بَيۡنَهُمَآ إِلَّا بِٱلۡحَقِّ وَأَجَلٖ مُّسَمّٗىۚ وَٱلَّذِينَ كَفَرُواْ عَمَّآ أُنذِرُواْ مُعۡرِضُونَ ﴿٣﴾
عه‌سمان وعه‌رد وهه‌ر تشته‌كێ د ناڤبه‌رێ دا مه ب حه‌قییێ ئافراندينه، نه‌كو ژ قه‌ستا وبێ ئه‌گه‌ر؛ به‌لكى دا خه‌لك مه‌زنییا ئافرانده‌رێ وان بزانن وپه‌رستنا وى ب تنێ بكه‌ن، ودا بزانن كو ئه‌و دشێت خه‌لكى پشتى مرنێ جاره‌كا دى ڕاكه‌ته‌ڤه، ودا ئه‌و حه‌قییێ ودادییێ د ناڤبه‌را خۆ دا ب جهـ بينن، وحه‌تا ده‌مه‌كێ ده‌سنيشانكرى ل نك وى. وئه‌وێن كوفر ب ته‌وحيدا خودێ كرى پشت دده‌نه وى تشتێ قورئانێ ئه‌و پێ ترساندين، هزرا خۆ تێدا ناكه‌ن ووجه‌كێ بۆ خۆ ژێ وه‌رناگرن.
قُلۡ أَرَءَيۡتُم مَّا تَدۡعُونَ مِن دُونِ ٱللَّهِ أَرُونِي مَاذَا خَلَقُواْ مِنَ ٱلۡأَرۡضِ أَمۡ لَهُمۡ شِرۡكٞ فِي ٱلسَّمَٰوَٰتِۖ ٱئۡتُونِي بِكِتَٰبٖ مِّن قَبۡلِ هَٰذَآ أَوۡ أَثَٰرَةٖ مِّنۡ عِلۡمٍ إِن كُنتُمۡ صَٰدِقِينَ ﴿٤﴾
تو -ئه‌ى پێغه‌مبه‌ر- بێژه ڤان كافران: ئه‌رێ بێژنه من ئه‌و صه‌نه‌م وخوداوه‌ندێن هوين ژبلی خودێ په‌رستنێ بۆ دكه‌ن ئه‌وان چ ژ عه‌ردى ئافراندییه، يان وان پشكدارییه‌ك د گه‌ل خودێ د ئافراندنا عه‌سمانان دا هه‌يه؟ كانێ هوين كيتابه‌كا ژ نك خودێ هاتى به‌رى ڤێ قورئانێ يان پاشمايه‌كى ژ زانينێ بۆ من بينن، ئه‌گه‌ر هوين د ڤێ گۆتنا خۆ دا دڕاستگۆنه.
وَمَنۡ أَضَلُّ مِمَّن يَدۡعُواْ مِن دُونِ ٱللَّهِ مَن لَّا يَسۡتَجِيبُ لَهُۥٓ إِلَىٰ يَوۡمِ ٱلۡقِيَٰمَةِ وَهُمۡ عَن دُعَآئِهِمۡ غَٰفِلُونَ ﴿٥﴾
كه‌س ژ وى ڕێ به‌رزه‌تر نينه يێ ژبلی خودێ گازى هنده‌ك خوداوه‌ندێن د به‌رسڤا وى نه‌ئێن بكه‌ت؛ چونكى ئه‌و دمرينه يان دار وبه‌رن، ژ به‌ر هندێ ئه‌و ژ گازییا وان دبێ ئاگه‌هن، و ژ بێزارییا خۆ ئه‌و نه‌شێن نه مفاى بگه‌هيننه وان نه زيانێ.
وَإِذَا حُشِرَ ٱلنَّاسُ كَانُواْ لَهُمۡ أَعۡدَآءٗ وَكَانُواْ بِعِبَادَتِهِمۡ كَٰفِرِينَ ﴿٦﴾
وئه‌گه‌ر ل ڕۆژا قيامه‌تێ مرۆڤ بۆ حسێب وجزادانێ هاتنه كۆمكرن ئه‌و خوداوه‌ندێن وان د دنيايێ دا دوعا ژێ دكرن بۆ وان دێ بنه دوژمن، ودێ له‌عنه‌تێ ل وان بارينن وخۆ ژێ به‌رى كه‌ن، ودێ حاشاتییێ كه‌ن كو ئه‌و ب په‌رستنا وان دزانا بووينه.