قورئانا پیرۆز › سورەتا الأحقاف › ئایەتا ٨
سورەتا الأحقاف · ئایەتا ٨ ب تەفسیرا کوردی
Al-Ahqaf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَإِذَا حُشِرَ ٱلنَّاسُ كَانُواْ لَهُمۡ أَعۡدَآءٗ وَكَانُواْ بِعِبَادَتِهِمۡ كَٰفِرِينَ ﴿٦﴾
وئه‌گه‌ر ل ڕۆژا قيامه‌تێ مرۆڤ بۆ حسێب وجزادانێ هاتنه كۆمكرن ئه‌و خوداوه‌ندێن وان د دنيايێ دا دوعا ژێ دكرن بۆ وان دێ بنه دوژمن، ودێ له‌عنه‌تێ ل وان بارينن وخۆ ژێ به‌رى كه‌ن، ودێ حاشاتییێ كه‌ن كو ئه‌و ب په‌رستنا وان دزانا بووينه.
وَإِذَا تُتۡلَىٰ عَلَيۡهِمۡ ءَايَٰتُنَا بَيِّنَٰتٖ قَالَ ٱلَّذِينَ كَفَرُواْ لِلۡحَقِّ لَمَّا جَآءَهُمۡ هَٰذَا سِحۡرٞ مُّبِينٌ ﴿٧﴾
وئه‌گه‌ر ئايه‌تێن مه بۆ ڤان بوتپه‌رێسان ئاشكه‌را بێنه خواندن، ئه‌وێن كافر بووين ده‌مێ قورئان بۆ هاتى، گۆتن: ئه‌ڤه سێره‌به‌ندییه‌كا ئاشكه‌رايه.
أَمۡ يَقُولُونَ ٱفۡتَرَىٰهُۖ قُلۡ إِنِ ٱفۡتَرَيۡتُهُۥ فَلَا تَمۡلِكُونَ لِي مِنَ ٱللَّهِ شَيۡـًٔاۖ هُوَ أَعۡلَمُ بِمَا تُفِيضُونَ فِيهِۚ كَفَىٰ بِهِۦ شَهِيدَۢا بَيۡنِي وَبَيۡنَكُمۡۖ وَهُوَ ٱلۡغَفُورُ ٱلرَّحِيمُ ﴿٨﴾
يان ئه‌ڤ بوتپه‌رێسه دبێژن: موحه‌ممه‌دى ئه‌ڤ قورئانه ژ نك خۆ چێكرییه؟ تو -ئه‌ى پێغه‌مبه‌ر- بێژه وان: ئه‌گه‌ر من ئه‌و ژ نك خۆ چێكربت و ب دويڤ خودێ ڤه‌نابت، هوين نه‌شێن تشته‌كى ژ عه‌زابا خودێ ژ من پاشڤه‌ببه‌ن، ئه‌گه‌ر وى سه‌را وێ چه‌ندێ ئه‌ز عه‌زاب دام. ئه‌و ژ هه‌ر ئێكى زاناتره ب وى تشتێ هوين د ده‌ر حه‌قا ڤێ قورئانێ دا دبێژن، خودێ به‌سه ل سه‌ر من وهه‌وه شاهد بت وئه‌و باش گونه‌هـ ژێبره بۆ وى یێ تۆبه بكه‌ت، دلۆڤانكاره ب به‌نییێن خۆ یێن خودان باوه‌ر.
قُلۡ مَا كُنتُ بِدۡعٗا مِّنَ ٱلرُّسُلِ وَمَآ أَدۡرِي مَا يُفۡعَلُ بِي وَلَا بِكُمۡۖ إِنۡ أَتَّبِعُ إِلَّا مَا يُوحَىٰٓ إِلَيَّ وَمَآ أَنَا۠ إِلَّا نَذِيرٞ مُّبِينٞ ﴿٩﴾
تو -ئه‌ى پێغه‌مبه‌ر- بێژه بوتپه‌رێسێن ملله‌تێ خۆ: ئه‌ز نه ئێكه‌مين پێغه‌مبه‌رێ خودێمه بۆ مرۆڤان هاتيم، وئه‌ز نزانم كانێ د دنيايێ دا خودێ دێ چ ل من وهه‌وه كه‌ت، و د وى تشتى دا يێ ئه‌ز دكه‌م وفه‌رمانێ پێ ل هه‌وه دكه‌م هه‌ما ئه‌ز دويكه‌فتنا وێ دكه‌م يا خودێ ب وه‌حى بۆ من دهنێرت، وهه‌ما ئه‌ز ئاشكه‌را هه‌وه دترسينم.
قُلۡ أَرَءَيۡتُمۡ إِن كَانَ مِنۡ عِندِ ٱللَّهِ وَكَفَرۡتُم بِهِۦ وَشَهِدَ شَاهِدٞ مِّنۢ بَنِيٓ إِسۡرَـٰٓءِيلَ عَلَىٰ مِثۡلِهِۦ فَـَٔامَنَ وَٱسۡتَكۡبَرۡتُمۡۚ إِنَّ ٱللَّهَ لَا يَهۡدِي ٱلۡقَوۡمَ ٱلظَّـٰلِمِينَ ﴿١٠﴾
تو -ئه‌ى پێغه‌مبه‌ر- بێژه بوتپه‌رێسێن ملله‌تێ خۆ: هوين بێژنه من ئه‌گه‌ر ئه‌ڤ قورئانه ژ نك خودێ بت، وهه‌وه كافرى پێ كر، وشاهده‌كێ وه‌كى عه‌بدللاهێ كوڕێ سه‌لامى ژ ئيسرائيلیان ژى شاهده‌يى ل سه‌ر تشته‌كێ وه‌كى وى دا يێ د ڤێ قورئانێ دا هاتى، كو ئه‌و شاهده‌يیه يا بۆ پێغه‌مبه‌رينییا موحه‌ممه‌دى -سلاڤ لێ بن- د ته‌وراتێ دا هاتییه‌دان، ڤێجا وى باوه‌رى ئينا وكار ب وێ كر يا د ڤێ قورئانێ دا هاتى، وهه‌وه ژ خۆمه‌زنكرن باوه‌رى پێ نه‌ئينا، ئه‌رێ ما ئه‌ڤه مه‌زنترين زۆردارى ودژوارترين كوفر نينه؟ هندى خودێیه به‌رێ وى ملله‌تى ناده‌ته ئيسلامێ يێ ب كوفرێ زۆردارى ل خۆ كرى.