قورئانا پیرۆز › سورەتا الأحزاب › ئایەتا ٣٥
سورەتا الأحزاب · ئایەتا ٣٥ ب تەفسیرا کوردی
Al-Ahzab
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَقَرۡنَ فِي بُيُوتِكُنَّ وَلَا تَبَرَّجۡنَ تَبَرُّجَ ٱلۡجَٰهِلِيَّةِ ٱلۡأُولَىٰۖ وَأَقِمۡنَ ٱلصَّلَوٰةَ وَءَاتِينَ ٱلزَّكَوٰةَ وَأَطِعۡنَ ٱللَّهَ وَرَسُولَهُۥٓۚ إِنَّمَا يُرِيدُ ٱللَّهُ لِيُذۡهِبَ عَنكُمُ ٱلرِّجۡسَ أَهۡلَ ٱلۡبَيۡتِ وَيُطَهِّرَكُمۡ تَطۡهِيرٗا ﴿٣٣﴾
وهوين د مالێن خۆ دا ڕوينن، وئه‌گه‌ر بۆ كاره‌كێ پێتڤى نه‌بت ژ مالێن خۆ ده‌رنه‌كه‌ڤن، وهوين خه‌ملا خۆ به‌رچاڤ نه‌كه‌ن، وه‌كى ل ده‌مێ جاهليه‌تا ئێكێ به‌رى هاتنا ئيسلامێ ژنان دكر، وئه‌و گۆتنه‌كه بۆ ژنێن خودان باوه‌ر ل هه‌مى ده‌مان، وهوين -گه‌لى ژنكێن پێغه‌مبه‌رى- نڤێژێ ب دورستى و ل ده‌مێن وان بكه‌ن، وزه‌كاتێ وه‌كى خودێ گۆتى بده‌ن، وگوهدارییا خودێ وپێغه‌مبه‌رێ وى بكه‌ن، هه‌ما خودێ ئه‌ڤ شيره‌ته ل هه‌وه كر؛ دا هه‌وه پاقژ وبژوين بكه‌ت، وپيسی وخرابییێ ژ هه‌وه بنه‌مالا پێغه‌مبه‌رى -وژنێن وى ژى ژ وانن- دوير بكه‌ت، ودا نه‌فسێن هه‌وه زێده پاقژ بكه‌ت.
وَٱذۡكُرۡنَ مَا يُتۡلَىٰ فِي بُيُوتِكُنَّ مِنۡ ءَايَٰتِ ٱللَّهِ وَٱلۡحِكۡمَةِۚ إِنَّ ٱللَّهَ كَانَ لَطِيفًا خَبِيرًا ﴿٣٤﴾
وهوين بيرا خۆ ل وێ قورئانێ وحه‌ديسا پێغه‌مبه‌رى سلاڤ لێ بن بينن ئه‌وا د مالێن هه‌وه دا دئێته خواندن، وكارى پێ بكه‌ن، و ب دورستى بهايێ وێ بزانن، وئه‌و ژ قه‌نجییێن خودێیه ل سه‌ر هه‌وه، هندى خودێیه قه‌نجى ل هه‌وه كرییه كو مالێن هه‌وه كرينه ئه‌و جهـ يێن ئايه‌ت وسوننه‌ت لێ دئێته خواندن، ويێ شاره‌زا بوويه ب هه‌وه كو هوين بۆ پێغه‌مبه‌رێ خۆ سلاڤ لێ بن هلبژارتين.
إِنَّ ٱلۡمُسۡلِمِينَ وَٱلۡمُسۡلِمَٰتِ وَٱلۡمُؤۡمِنِينَ وَٱلۡمُؤۡمِنَٰتِ وَٱلۡقَٰنِتِينَ وَٱلۡقَٰنِتَٰتِ وَٱلصَّـٰدِقِينَ وَٱلصَّـٰدِقَٰتِ وَٱلصَّـٰبِرِينَ وَٱلصَّـٰبِرَٰتِ وَٱلۡخَٰشِعِينَ وَٱلۡخَٰشِعَٰتِ وَٱلۡمُتَصَدِّقِينَ وَٱلۡمُتَصَدِّقَٰتِ وَٱلصَّـٰٓئِمِينَ وَٱلصَّـٰٓئِمَٰتِ وَٱلۡحَٰفِظِينَ فُرُوجَهُمۡ وَٱلۡحَٰفِظَٰتِ وَٱلذَّـٰكِرِينَ ٱللَّهَ كَثِيرٗا وَٱلذَّـٰكِرَٰتِ أَعَدَّ ٱللَّهُ لَهُم مَّغۡفِرَةٗ وَأَجۡرًا عَظِيمٗا ﴿٣٥﴾
هندى ئه‌و زه‌لام وژنكن يێن خۆ ب ده‌ست ئه‌مرێ خودێ ڤه به‌رداى، ويێن باوه‌رى ب خودێ وپێغه‌مبه‌رێ وى ئيناى، ويێن گوهدارییا خودێ كرى، ويێن د گۆتنێن خۆ دا دڕاستگۆ، ويێن صه‌برێ ل سه‌ر ئه‌مرێ خودێ ونه‌خۆشییان دكێشن، ويێن ژ خودێ دترسن، ويێن خێركه‌ر، ويێن ڕۆژيگر، ويێن نامويسا خۆ ژ زنایێ وكرێتییێ دپارێزن، ويێن ب دل وئه‌زمانى خودێ ل بيرا خۆ دئينن، خودێ گونه‌هـ ژێبرن وخێره‌كا مه‌زن، كو به‌حه‌شته، بۆ ڤان ئاماده كرییه.
وَمَا كَانَ لِمُؤۡمِنٖ وَلَا مُؤۡمِنَةٍ إِذَا قَضَى ٱللَّهُ وَرَسُولُهُۥٓ أَمۡرًا أَن يَكُونَ لَهُمُ ٱلۡخِيَرَةُ مِنۡ أَمۡرِهِمۡۗ وَمَن يَعۡصِ ٱللَّهَ وَرَسُولَهُۥ فَقَدۡ ضَلَّ ضَلَٰلٗا مُّبِينٗا ﴿٣٦﴾
وئه‌گه‌ر خودێ وپێغه‌مبه‌رێ وى حوكمه‌ك دا، چێ نابت بۆ مێره‌كێ خودان باوه‌ر يان ژنه‌كا خودان باوه‌ر كو ب وى حوكمى نه‌كه‌ت، وحوكمه‌كێ دى بۆ خۆ هلبژێرت. وهه‌چییێ گوهدارییا خودێ وپێغه‌مبه‌رێ وى نه‌كه‌ت ب ڕاستى ئه‌و ژ ڕێكا دورست دوير كه‌فت دويركه‌فتنه‌كا ئاشكه‌را.
وَإِذۡ تَقُولُ لِلَّذِيٓ أَنۡعَمَ ٱللَّهُ عَلَيۡهِ وَأَنۡعَمۡتَ عَلَيۡهِ أَمۡسِكۡ عَلَيۡكَ زَوۡجَكَ وَٱتَّقِ ٱللَّهَ وَتُخۡفِي فِي نَفۡسِكَ مَا ٱللَّهُ مُبۡدِيهِ وَتَخۡشَى ٱلنَّاسَ وَٱللَّهُ أَحَقُّ أَن تَخۡشَىٰهُۖ فَلَمَّا قَضَىٰ زَيۡدٞ مِّنۡهَا وَطَرٗا زَوَّجۡنَٰكَهَا لِكَيۡ لَا يَكُونَ عَلَى ٱلۡمُؤۡمِنِينَ حَرَجٞ فِيٓ أَزۡوَٰجِ أَدۡعِيَآئِهِمۡ إِذَا قَضَوۡاْ مِنۡهُنَّ وَطَرٗاۚ وَكَانَ أَمۡرُ ٱللَّهِ مَفۡعُولٗا ﴿٣٧﴾
وده‌مێ ته دگۆته وى يێ خودێ قه‌نجى ب ئيسلامێ د گه‌ل كرى -كو زه‌يدێ كوڕێ حارثه‌يه ئه‌وێ پێغه‌مبه‌رى سلاڤ لێ بن ئازاكرى وكرییه كوڕێ خۆ- وته قه‌نجى ب ئازادكرنێ د گه‌ل كرى: تو ئه‌ى زه‌ید، ژنا خۆ زه‌ينه‌با كچا جه‌حشى بگره وبه‌رنه‌ده، وته‌قوایا خودێ بكه. وتو -ئه‌ى پێغه‌مبه‌ر- وى تشتى د دلێ خۆ دا ڤه‌دشێرى يێ خودێ بۆ ته ب ڕێكا وه‌حییێ هنارتى كو زه‌يد دێ ژنا خۆ به‌رده‌ت، وتو دێ وێ ماره‌كه‌ى، وخودێ دێ وێ ئاشكه‌را كه‌ت يا تو ڤه‌دشێرى، وتو ژ دوڕوییان دترسى كو ئه‌و بێژن: موحه‌ممه‌دى ژنا كوڕێ خۆ ماره‌كر، وخودێ هێژاتره كو تو ژێ بترسى، ڤێجا ده‌مێ زه‌يدى پێتڤییا خۆ پێ قه‌تاندى، ووى ئه‌و به‌رداى، وعددێن وێ ب دويماهى هاتين، مه ئه‌و ل ته ماره‌كر؛ دا تو ببییه جهێ چاڤلێكرنێ د مه‌سه‌لا ڕاكرنا ڤى عه‌ده‌تى دا كو چێ نابت زه‌لام ژنا كوڕێ خۆ يێ (ته‌به‌نى)يێ ماره بكه‌ت ئه‌گه‌ر وى ئه‌و به‌ردا، ودا چو گونه‌هـ وته‌نگاڤى ل سه‌ر خودان باوه‌ران نه‌مينت كو ئه‌و ژنێن وان كوڕێن خۆ ماره بكه‌ن يێن وان ب خودانكرين ئه‌گه‌ر ئه‌و هاتنه‌به‌ردان. وكارێ خودێ يێ كرى بوويه، چو مانع وئاسته‌نگ بۆ نابن. و (ته‌به‌نى) عه‌ده‌تێ جاهللیه‌تێ بوو، پاشى ئه‌و ب ڤێ ئایه‌تێ: (أدعوهم لآبائهم) هاته‌ڕاكرن.