قورئانا پیرۆز › سورەتا الأحزاب › ئایەتا ٣٩
سورەتا الأحزاب · ئایەتا ٣٩ ب تەفسیرا کوردی
Al-Ahzab
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَإِذۡ تَقُولُ لِلَّذِيٓ أَنۡعَمَ ٱللَّهُ عَلَيۡهِ وَأَنۡعَمۡتَ عَلَيۡهِ أَمۡسِكۡ عَلَيۡكَ زَوۡجَكَ وَٱتَّقِ ٱللَّهَ وَتُخۡفِي فِي نَفۡسِكَ مَا ٱللَّهُ مُبۡدِيهِ وَتَخۡشَى ٱلنَّاسَ وَٱللَّهُ أَحَقُّ أَن تَخۡشَىٰهُۖ فَلَمَّا قَضَىٰ زَيۡدٞ مِّنۡهَا وَطَرٗا زَوَّجۡنَٰكَهَا لِكَيۡ لَا يَكُونَ عَلَى ٱلۡمُؤۡمِنِينَ حَرَجٞ فِيٓ أَزۡوَٰجِ أَدۡعِيَآئِهِمۡ إِذَا قَضَوۡاْ مِنۡهُنَّ وَطَرٗاۚ وَكَانَ أَمۡرُ ٱللَّهِ مَفۡعُولٗا ﴿٣٧﴾
وده‌مێ ته دگۆته وى يێ خودێ قه‌نجى ب ئيسلامێ د گه‌ل كرى -كو زه‌يدێ كوڕێ حارثه‌يه ئه‌وێ پێغه‌مبه‌رى سلاڤ لێ بن ئازاكرى وكرییه كوڕێ خۆ- وته قه‌نجى ب ئازادكرنێ د گه‌ل كرى: تو ئه‌ى زه‌ید، ژنا خۆ زه‌ينه‌با كچا جه‌حشى بگره وبه‌رنه‌ده، وته‌قوایا خودێ بكه. وتو -ئه‌ى پێغه‌مبه‌ر- وى تشتى د دلێ خۆ دا ڤه‌دشێرى يێ خودێ بۆ ته ب ڕێكا وه‌حییێ هنارتى كو زه‌يد دێ ژنا خۆ به‌رده‌ت، وتو دێ وێ ماره‌كه‌ى، وخودێ دێ وێ ئاشكه‌را كه‌ت يا تو ڤه‌دشێرى، وتو ژ دوڕوییان دترسى كو ئه‌و بێژن: موحه‌ممه‌دى ژنا كوڕێ خۆ ماره‌كر، وخودێ هێژاتره كو تو ژێ بترسى، ڤێجا ده‌مێ زه‌يدى پێتڤییا خۆ پێ قه‌تاندى، ووى ئه‌و به‌رداى، وعددێن وێ ب دويماهى هاتين، مه ئه‌و ل ته ماره‌كر؛ دا تو ببییه جهێ چاڤلێكرنێ د مه‌سه‌لا ڕاكرنا ڤى عه‌ده‌تى دا كو چێ نابت زه‌لام ژنا كوڕێ خۆ يێ (ته‌به‌نى)يێ ماره بكه‌ت ئه‌گه‌ر وى ئه‌و به‌ردا، ودا چو گونه‌هـ وته‌نگاڤى ل سه‌ر خودان باوه‌ران نه‌مينت كو ئه‌و ژنێن وان كوڕێن خۆ ماره بكه‌ن يێن وان ب خودانكرين ئه‌گه‌ر ئه‌و هاتنه‌به‌ردان. وكارێ خودێ يێ كرى بوويه، چو مانع وئاسته‌نگ بۆ نابن. و (ته‌به‌نى) عه‌ده‌تێ جاهللیه‌تێ بوو، پاشى ئه‌و ب ڤێ ئایه‌تێ: (أدعوهم لآبائهم) هاته‌ڕاكرن.
مَّا كَانَ عَلَى ٱلنَّبِيِّ مِنۡ حَرَجٖ فِيمَا فَرَضَ ٱللَّهُ لَهُۥۖ سُنَّةَ ٱللَّهِ فِي ٱلَّذِينَ خَلَوۡاْ مِن قَبۡلُۚ وَكَانَ أَمۡرُ ٱللَّهِ قَدَرٗا مَّقۡدُورًا ﴿٣٨﴾
چو گونه‌هـ ل سه‌ر موحه‌ممه‌د پێغه‌مبه‌رى -سلاڤ لێ بن- نه‌بوويه د وى تشتى دا يێ خودێ بۆ وى حه‌لال كرى كو ئه‌و ژنا وى كه‌سى ماره بكه‌ت يێ وى ب خودانكرى پشتى ئه‌و هاتییه به‌ردان، وه‌كى وى بۆ پێغه‌مبه‌رێن به‌رى وى حه‌لال كرى، سوننه‌تا خودێیه د وان دا يێن به‌رێ چووين، وكارێ خودێ قه‌ده‌ره‌كا پێكهاتى بوويه دڤێت هه‌ر بێت.
ٱلَّذِينَ يُبَلِّغُونَ رِسَٰلَٰتِ ٱللَّهِ وَيَخۡشَوۡنَهُۥ وَلَا يَخۡشَوۡنَ أَحَدًا إِلَّا ٱللَّهَۗ وَكَفَىٰ بِٱللَّهِ حَسِيبٗا ﴿٣٩﴾
پاشى خودێ به‌حسێ پێغه‌مبه‌رێن بۆرین كر و مه‌دحێن وان كر وگۆت ئه‌و ئه‌ون یێن په‌يامێن خودێ دگه‌هيننه مرۆڤان، و ژ خودێ ب تنێ دترسن، و ژبلی وى ئه‌و ژ كه‌سێ دى ناترسن. وخودێ به‌سه حسێبێ د گه‌ل به‌نییێن خۆ بكه‌ت سه‌را هه‌مى كريارێن وان، وزێره‌ڤان بت ل سه‌ر وان.
مَّا كَانَ مُحَمَّدٌ أَبَآ أَحَدٖ مِّن رِّجَالِكُمۡ وَلَٰكِن رَّسُولَ ٱللَّهِ وَخَاتَمَ ٱلنَّبِيِّـۧنَۗ وَكَانَ ٱللَّهُ بِكُلِّ شَيۡءٍ عَلِيمٗا ﴿٤٠﴾
موحه‌ممه‌د بابێ چو زه‌لامێن هه‌وه نه‌بوو، به‌لێ ئه‌و پێغه‌مبه‌رێ خودێیه ودويماهییێ پێغه‌مبه‌رانه، ڤێجا پشتى وى حه‌تا ڕۆژا قيامه‌تێ چو پێغه‌مبه‌رينى نابت. وخودێ ب هه‌ر تشته‌كى ژ كريارێن هه‌وه يێ پڕزانا بوويه، چو ل به‌ر وى به‌رزه نابت.
يَـٰٓأَيُّهَا ٱلَّذِينَ ءَامَنُواْ ٱذۡكُرُواْ ٱللَّهَ ذِكۡرٗا كَثِيرٗا ﴿٤١﴾
ئه‌ى گه‌لی ئه‌وێن باوه‌رى ب خودێ ئيناى ودويكه‌فتنا پێغه‌مبه‌رى كرى، وكار ب شریعه‌تێ وى كرى، هوين ب دل وئه‌زمانێ خۆ گه‌له‌ك خودێ ل بيرا خۆ بينن.