قورئانا پیرۆز › سورەتا الأحزاب › ئایەتا ٧
سورەتا الأحزاب · ئایەتا ٧ ب تەفسیرا کوردی
Al-Ahzab
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ٱدۡعُوهُمۡ لِأٓبَآئِهِمۡ هُوَ أَقۡسَطُ عِندَ ٱللَّهِۚ فَإِن لَّمۡ تَعۡلَمُوٓاْ ءَابَآءَهُمۡ فَإِخۡوَٰنُكُمۡ فِي ٱلدِّينِ وَمَوَٰلِيكُمۡۚ وَلَيۡسَ عَلَيۡكُمۡ جُنَاحٞ فِيمَآ أَخۡطَأۡتُم بِهِۦ وَلَٰكِن مَّا تَعَمَّدَتۡ قُلُوبُكُمۡۚ وَكَانَ ٱللَّهُ غَفُورٗا رَّحِيمًا ﴿٥﴾
وى عه‌يالێ هوين بۆ خۆ ب خودان دكه‌ن هوين وان بۆ بابێن وان پال بده‌ن، ئه‌و ل نك خودێ ڕاستتر ودورستتره، ڤێجا ئه‌گه‌ر هوين بابێن وان يێن ژ ڕاستى نه‌نیاسن هوين ب براينییا دينى يا هه‌وه دگه‌هينته ئێك وان باخێڤن، هندى ئه‌ون ئه‌و د دينى دا برايێن هه‌وه‌نه ومه‌ولايێن هه‌ونه، وچو گونه‌هـ ل سه‌ر هه‌وه نينه د وى تشتى دا يێ هه‌وه بێ ده‌ستى كرى وهوين خه‌له‌ت بووين، به‌لێ خودێ وێ ل هه‌وه دگرت يا هوين ژ قه‌ستى دكه‌ن. وخودێ گونه‌هـ ژێبر ودلۆڤانكار بوويه بۆ وى يێ تۆبه بكه‌ت.
ٱلنَّبِيُّ أَوۡلَىٰ بِٱلۡمُؤۡمِنِينَ مِنۡ أَنفُسِهِمۡۖ وَأَزۡوَٰجُهُۥٓ أُمَّهَٰتُهُمۡۗ وَأُوْلُواْ ٱلۡأَرۡحَامِ بَعۡضُهُمۡ أَوۡلَىٰ بِبَعۡضٖ فِي كِتَٰبِ ٱللَّهِ مِنَ ٱلۡمُؤۡمِنِينَ وَٱلۡمُهَٰجِرِينَ إِلَّآ أَن تَفۡعَلُوٓاْ إِلَىٰٓ أَوۡلِيَآئِكُم مَّعۡرُوفٗاۚ كَانَ ذَٰلِكَ فِي ٱلۡكِتَٰبِ مَسۡطُورٗا ﴿٦﴾
موحه‌ممه‌د پێغه‌مبه‌ر -سلاڤ لێ بن- ب خودان باوه‌ران حه‌قتره، وئه‌و بۆ وان د مه‌سه‌لێن دين ودنيايێ دا ژ وان خۆ ب خۆ نێزيكتره بۆ وان، وحه‌رامبوونا ژنكێن پێغه‌مبه‌رى -سلاڤ لێ بن- بۆ وان وه‌كى حه‌رامبوونا ده‌یكێن وانه، وچێ نابت پشتى پێغه‌مبه‌رى -سلاڤ لێ بن- ژنكێن وى بێنه ماره‌كرن. و د شريعه‌تێ خودێ دا بۆ ميراتگرییا د ناڤبه‌را موسلمانان دا مرۆڤاينى ژ باوه‌رییێ ومشه‌ختبوونێ حه‌قتره (و ل ده‌سپێكا ئيسلامێ موسلمانان ب ڕێكا باوه‌رییێ ومشه‌ختبوونێ ميراتگرییا ئێك ودو دكر، پاشى ب ئايه‌تا ميراتى ئه‌ڤ حوكمه هاته نه‌سخه‌كرن) ئه‌و تێ نه‌بت كو هوين -گه‌لی موسلمانان- ب ڕێكا وه‌صيه‌تێ قه‌نجییه‌كێ د گه‌ل مرۆڤێن خۆ يێن نه‌ميراتگر بكه‌ن، ئه‌ڤ حوكمێ ژێگۆتى د له‌وحێ پاراستى دا يێ داناى ونڤيسى بوويه, ڤێجا فه‌ره ل سه‌ر هه‌وه هوين كارى پێ بكه‌ن. وئه‌ڤ ئايه‌ته هندێ دگه‌هينت كو واجبه ل سه‌ر موسلمانى پتر حه‌ز ژ پێغه‌مبه‌رى بكه‌ت ژ خۆ ب خۆ ژى، وب دورستى گوهدارییا وى بكه‌ت، وڕێزێ ل ده‌یكێن موسلمانان بگرت، وئه‌و هندێ دگه‌هينت كو هه‌چییێ گۆتنه‌كا كرێت د ده‌ر حه‌قا وان دا بێژت دێ زيانێ گه‌هینته خۆ.
وَإِذۡ أَخَذۡنَا مِنَ ٱلنَّبِيِّـۧنَ مِيثَٰقَهُمۡ وَمِنكَ وَمِن نُّوحٖ وَإِبۡرَٰهِيمَ وَمُوسَىٰ وَعِيسَى ٱبۡنِ مَرۡيَمَۖ وَأَخَذۡنَا مِنۡهُم مِّيثَٰقًا غَلِيظٗا ﴿٧﴾
وتو به‌حس بكه ده‌مێ مه په‌يمانا موكم ژ پێغه‌مبه‌ران وه‌رگرتى كو ئه‌و په‌ياما مه بگه‌هينن، ومه په‌يمان ژ ته و ژ نووحى وئيبراهيمى ومووساى وعيسايێ كوڕێ مه‌ريه‌مێ وه‌رگرت، ومه په‌يمانا موكم ژ وان وه‌گرت كو په‌ياما مه بگه‌هينن.
لِّيَسۡـَٔلَ ٱلصَّـٰدِقِينَ عَن صِدۡقِهِمۡۚ وَأَعَدَّ لِلۡكَٰفِرِينَ عَذَابًا أَلِيمٗا ﴿٨﴾
(خودێ ئه‌و په‌يمان ژ پێغه‌مبه‌ران وه‌رگرت) دا ئه‌و پسيارێ ژ پێغه‌مبه‌ران بكه‌ت كانێ ملله‌تێن وان چ به‌رسڤ دايه وان، ڤێجا دا خودێ به‌حه‌شتێ بكه‌ته جزايێ خودان باوه‌ران، ووى عه‌زابه‌كا دژوار د جه‌هنه‌مێ دا بۆ كافران ل ڕۆژا قيامه‌تێ ئاماده‌كرییه.
يَـٰٓأَيُّهَا ٱلَّذِينَ ءَامَنُواْ ٱذۡكُرُواْ نِعۡمَةَ ٱللَّهِ عَلَيۡكُمۡ إِذۡ جَآءَتۡكُمۡ جُنُودٞ فَأَرۡسَلۡنَا عَلَيۡهِمۡ رِيحٗا وَجُنُودٗا لَّمۡ تَرَوۡهَاۚ وَكَانَ ٱللَّهُ بِمَا تَعۡمَلُونَ بَصِيرًا ﴿٩﴾
گه‌لی خودان باوه‌ران هوين وێ قه‌نجییا خودێ ل بيرا خۆ بينن يا وى ل (مه‌دينێ) د گه‌ل هه‌وه كرى ده‌مێ غه‌زايا ئه‌حزاب -كو غه‌زايا خه‌نده‌كێ بوو- چێبووى، ده‌مێ بوتپه‌رێسان ژ ده‌رڤه‌ى (مه‌دينێ) ب سه‌ر هه‌وه دا گرتى، وجوهى ودوڕییان ژى ل (مه‌دينێ) وده‌ور وبه‌رێن وێ، ڤێجا وان دۆر ل هه‌وه گرت، ئينا مه بايه‌كێ دژوار ب سه‌ر وان پارتان دا هنارت خيڤه‌تێن وان هلكێشان وقازانێن وان هاڤێتن، ومه هنده‌ك ملياكه‌ت ژ عه‌سمانى فڕێكرنه وان هه‌وه ئه‌و نه‌دديتن، ئينا ترس كه‌فته دلێن وان. وخودێ ب كارێ هوين دكه‌ن يێ بينه‌ر بوويه.