قورئانا پیرۆز › سورەتا الأحزاب › ئایەتا ٧٠
سورەتا الأحزاب · ئایەتا ٧٠ ب تەفسیرا کوردی
Al-Ahzab
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
رَبَّنَآ ءَاتِهِمۡ ضِعۡفَيۡنِ مِنَ ٱلۡعَذَابِ وَٱلۡعَنۡهُمۡ لَعۡنٗا كَبِيرٗا ﴿٦٨﴾
خودايێ مه تو دوقات هندى عه‌زابا مه وان عه‌زاب بده، وتو ب دژوارى وان ژ دلۆڤانییا خۆ بێ بار بكه. وئه‌ڤه ده‌ليله كو گوهدارییا ئێكێ دى ژبلی خودێ د بێ ئه‌مرییا خودێ دا، غه‌زه‌با خودێ ب سه‌ر مرۆڤى دا دئينت، وكو هه‌ردو يێ دويكه‌فتنێ دكه‌ت ويێ دويكه‌فتن بۆ دئێته‌كرن دێ د عه‌زابێ دا دپشكدار بن، ڤێجا بلا موسلمان يێ هشيارى خۆ بت.
يَـٰٓأَيُّهَا ٱلَّذِينَ ءَامَنُواْ لَا تَكُونُواْ كَٱلَّذِينَ ءَاذَوۡاْ مُوسَىٰ فَبَرَّأَهُ ٱللَّهُ مِمَّا قَالُواْۚ وَكَانَ عِندَ ٱللَّهِ وَجِيهٗا ﴿٦٩﴾
ئه‌ى گه‌لی ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى، هوين ب چو گۆتن وكرياران پێغه‌مبه‌رێ خودێ نه‌ئێشينن، وهوين وه‌كى وان نه‌بن يێن پێغه‌مبه‌رێ خودێ مووسا ئێشاندى، ڤێجا خودێ ئه‌و ژ وێ دره‌وێ به‌رى كر يا وان د ده‌ر حه‌قا وى دا گۆتى، وئه‌و ل نك خودێ يێ ب قه‌در وقيمه‌ت بوويه.
يَـٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ وَقُولُواْ قَوۡلٗا سَدِيدٗا ﴿٧٠﴾
ئه‌ى گه‌لی ئه‌وێن باوه‌رى ب خودێ ئيناى ودويكه‌فتنا پێغه‌مبه‌رى كرى، هوين ته‌قوایا خودێ بكه‌ن و ژ وى بترسن وبێ ئه‌مرییا وى نه‌كه‌ن، دا هێژاى عه‌زابا وى نه‌بن، وهوين د هه‌مى حالان دا گۆتنه‌كا ڕاست ودورست يا دوير ژ دره‌وێ بێژن.
يُصۡلِحۡ لَكُمۡ أَعۡمَٰلَكُمۡ وَيَغۡفِرۡ لَكُمۡ ذُنُوبَكُمۡۗ وَمَن يُطِعِ ٱللَّهَ وَرَسُولَهُۥ فَقَدۡ فَازَ فَوۡزًا عَظِيمًا ﴿٧١﴾
ئه‌گه‌ر هوين ته‌قوایا خودێ بكه‌ن، وگۆتنه‌كا ڕاست ودورست بێژن، خودێ كارێن هه‌وه دێ بۆ هه‌وه چاك كه‌ت، وگونه‌هێن هه‌وه دێ بۆ هه‌وه ژێ به‌ت. وهه‌چییێ گوهدارییا خودێ وپێغه‌مبه‌رێ وى د فه‌رمانێن وان دا بكه‌ت ب ڕاستى ئه‌و ب سه‌ركه‌فتنه‌كا مه‌زن د دنيايێ وئاخره‌تێ دا ب سه‌ركه‌فت.
إِنَّا عَرَضۡنَا ٱلۡأَمَانَةَ عَلَى ٱلسَّمَٰوَٰتِ وَٱلۡأَرۡضِ وَٱلۡجِبَالِ فَأَبَيۡنَ أَن يَحۡمِلۡنَهَا وَأَشۡفَقۡنَ مِنۡهَا وَحَمَلَهَا ٱلۡإِنسَٰنُۖ إِنَّهُۥ كَانَ ظَلُومٗا جَهُولٗا ﴿٧٢﴾
هندى ئه‌مين مه ئيمانه‌ت -يێ كو خودێ ئێخستییه د ستويێ مرۆڤێن موكه‌لله‌ف دا ژ ئه‌مر ونه‌هییان- بۆ عه‌سمانان وعه‌ردى وچيايان پێشكێش كر، به‌لێ ئه‌و ل به‌ر نه‌هاتن كو وى هلگرن، وئه‌و ترسیان ب دورستى ژ ده‌ر حه‌قى ده‌رنه‌كه‌ڤن، ومرۆڤى ئه‌و هلگرت، ووى د سه‌ر لاوازییا خۆ ڕا پێگيرى پێ كر، هندى ئه‌وه ئه‌و بۆ خۆ گه‌له‌كێ زۆردار ونه‌زان بوویه.