قورئانا پیرۆز › سورەتا الأنعام › ئایەتا ١١
سورەتا الأنعام · ئایەتا ١١ ب تەفسیرا کوردی
Al-An'am
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَوۡ جَعَلۡنَٰهُ مَلَكٗا لَّجَعَلۡنَٰهُ رَجُلٗا وَلَلَبَسۡنَا عَلَيۡهِم مَّا يَلۡبِسُونَ ﴿٩﴾
وئه‌گه‌ر مه ئه‌و پێغه‌مبه‌رێ هنارتى بۆ وان كربا فريشته ژى، ئه‌م دا وى ل سه‌ر ڕه‌نگێ مرۆڤه‌كى چێكه‌ين؛ دا ئه‌و بشێن گوهـ ل ده‌نگێ وى ببن و د گه‌ل وى باخڤن؛ چونكى د شيانا وان دا نينه ئه‌و فريشته‌ى ل سه‌ر ڕه‌نگێ وى يێ دورست ببينن، وئه‌گه‌ر ئه‌و فريشته ل سه‌ر ڕه‌نگێ زه‌لامه‌كى بۆ وان بێت مه‌سه‌له ل به‌ر وان دێ ئالۆز بت، كا چاوا مه‌سه‌لا موحه‌ممه‌دى ل به‌ر وان ئالۆز بووى.
وَلَقَدِ ٱسۡتُهۡزِئَ بِرُسُلٖ مِّن قَبۡلِكَ فَحَاقَ بِٱلَّذِينَ سَخِرُواْ مِنۡهُم مَّا كَانُواْ بِهِۦ يَسۡتَهۡزِءُونَ ﴿١٠﴾
وتڕانه‌كرنا ب پێغه‌مبه‌ران نه تشته‌كێ نوییه، به‌لكى كافرێن به‌رێ ژى ئه‌و د گه‌ل پێغه‌مبه‌رێن خۆ كربوو، ئينا ئه‌و عه‌زابا وان تڕانه بۆ خۆ پێ دكر وباوه‌رى پێ نه‌دئينا ب سه‌ر وان دا هات.
قُلۡ سِيرُواْ فِي ٱلۡأَرۡضِ ثُمَّ ٱنظُرُواْ كَيۡفَ كَانَ عَٰقِبَةُ ٱلۡمُكَذِّبِينَ ﴿١١﴾
تو -ئه‌ى پێغه‌مبه‌ر- بێژه وان: هوين د عه‌ردى دا بگه‌ڕیێن پاشى به‌رێ خۆ بده‌نێ كانێ چاوا خودێ دره‌وپێكه‌ر تێبرينه وشه‌رمزاركرينه؟ ڤێجا هوين ژى هشيارى وێ دويماهییێ بن.
قُل لِّمَن مَّا فِي ٱلسَّمَٰوَٰتِ وَٱلۡأَرۡضِۖ قُل لِّلَّهِۚ كَتَبَ عَلَىٰ نَفۡسِهِ ٱلرَّحۡمَةَۚ لَيَجۡمَعَنَّكُمۡ إِلَىٰ يَوۡمِ ٱلۡقِيَٰمَةِ لَا رَيۡبَ فِيهِۚ ٱلَّذِينَ خَسِرُوٓاْ أَنفُسَهُمۡ فَهُمۡ لَا يُؤۡمِنُونَ ﴿١٢﴾
تو -ئه‌ى پێغه‌مبه‌ر- بێژه وان موشركان: ملكێ عه‌سمانان وعه‌ردى وتشتێ د ناڤبه‌رێ دا بۆ كێ يه؟ بێژه: بۆ خودێیه وه‌كى هوين دزانن، ڤێجا هوین په‌رستنا وى بكه‌ن. خودێ دلۆڤانى ل سه‌ر خۆ نڤيسییه ڤێجا ئه‌و له‌زێ د جزادانا به‌نییێن خۆ دا ناكه‌ت. سويند بت ل ڕۆژا ڕابوونێ يا گومان تێدا نه، ئه‌و دێ هه‌وه بۆ حسێبێ كۆم كه‌ت. ئه‌وێن شرك ب خودێ كرى وان خۆ بره هيلاكێ؛ چونكى ئه‌و باوه‌رییێ ب خودێ وپێغه‌مبه‌رێ وى نائينن.
۞وَلَهُۥ مَا سَكَنَ فِي ٱلَّيۡلِ وَٱلنَّهَارِۚ وَهُوَ ٱلسَّمِيعُ ٱلۡعَلِيمُ ﴿١٣﴾
وملكێ هه‌ر تشته‌كێ ل عه‌سمانان وعه‌ردى، بلڤت يان يێ ڕاوه‌ستیاى بت، يێ به‌رزه بت يان يێ ئاشكه‌را بت، بۆ خودێیه، خه‌لك وهه‌ر تشته‌ك ملكێ وییه، وئه‌و گوهدێرێ گۆتنێن به‌نییێن خۆيه، پڕزانايێ ب لڤين ونهێنییێن وانه.