قورئانا پیرۆز › سورەتا الأنعام › ئایەتا ١٣٠
سورەتا الأنعام · ئایەتا ١٣٠ ب تەفسیرا کوردی
Al-An'am
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَيَوۡمَ يَحۡشُرُهُمۡ جَمِيعٗا يَٰمَعۡشَرَ ٱلۡجِنِّ قَدِ ٱسۡتَكۡثَرۡتُم مِّنَ ٱلۡإِنسِۖ وَقَالَ أَوۡلِيَآؤُهُم مِّنَ ٱلۡإِنسِ رَبَّنَا ٱسۡتَمۡتَعَ بَعۡضُنَا بِبَعۡضٖ وَبَلَغۡنَآ أَجَلَنَا ٱلَّذِيٓ أَجَّلۡتَ لَنَاۚ قَالَ ٱلنَّارُ مَثۡوَىٰكُمۡ خَٰلِدِينَ فِيهَآ إِلَّا مَا شَآءَ ٱللَّهُۚ إِنَّ رَبَّكَ حَكِيمٌ عَلِيمٞ ﴿١٢٨﴾
وتو -ئه‌ى پێغه‌مبه‌ر- به‌حسێ وێ ڕۆژێ بكه يا خودێ تێدا كافران د گه‌ل سه‌ركارێن وان ژ شه‌یتانێن ئه‌جنان كۆم دكه‌ت، ودبێژت: ئه‌ى گه‌لى ئه‌جنان، هه‌وه گه‌له‌ك مرۆڤ د سه‌ر دا بربوون، ودۆستێن وان ژ كافرێن مرۆڤان گۆت: خودايێ مه هنده‌ك ژ مه مفا بۆ خۆ ژ هنده‌كان ديتبوو، وئه‌م گه‌هشتينه وى ده‌مى يێ ته بۆ مه داناى كو ژينا مه يا دنيايێ تێدا ب دويماهى بێت، خودێ گۆته وان: ئاگر جهێ هه‌وه‌يه، يێ كو هوين هه‌ر وهه‌ر دێ لێ مينن، ئه‌و تێ نه‌بت يێ خودێ حه‌زكرى كو هه‌ر وهه‌ر تێدا نه‌بت ژ گونه‌هكارێن ته‌وحيدناس. هندى خودايێ ته‌يه د ڕێڤه‌برن وكارێ خۆ دا يێ كاربنه‌جهه، و ب هه‌مى كريارێن به‌نییێن خۆ يێ پڕزانايه.
وَكَذَٰلِكَ نُوَلِّي بَعۡضَ ٱلظَّـٰلِمِينَ بَعۡضَۢا بِمَا كَانُواْ يَكۡسِبُونَ ﴿١٢٩﴾
ووه‌كى مه شه‌يتانێن ئه‌جنان ل سه‌ر كافرێن مرۆڤان زالكرين، ڤێجا ئه‌و بووينه دۆستێن وان، وه‌سا ئه‌م هنده‌ك زۆدارێن مرۆڤان ژى ل سه‌ر هنده‌كان د دنيايێ دا زال دكه‌ين؛ ژ به‌ر وان گونه‌هێن ئه‌و دكه‌ن.
يَٰمَعۡشَرَ ٱلۡجِنِّ وَٱلۡإِنسِ أَلَمۡ يَأۡتِكُمۡ رُسُلٞ مِّنكُمۡ يَقُصُّونَ عَلَيۡكُمۡ ءَايَٰتِي وَيُنذِرُونَكُمۡ لِقَآءَ يَوۡمِكُمۡ هَٰذَاۚ قَالُواْ شَهِدۡنَا عَلَىٰٓ أَنفُسِنَاۖ وَغَرَّتۡهُمُ ٱلۡحَيَوٰةُ ٱلدُّنۡيَا وَشَهِدُواْ عَلَىٰٓ أَنفُسِهِمۡ أَنَّهُمۡ كَانُواْ كَٰفِرِينَ ﴿١٣٠﴾
گه‌لى بوتپه‌رێسێن ئه‌جنه ومرۆڤان، ئه‌رێ ما چ پێغه‌مبه‌ر ژ ملله‌تێن هه‌وه بۆ هه‌وه نه‌هاتبوون، به‌حسێ وان ئايه‌تێن من يێن ئاشكه‌را بۆ هه‌وه بكه‌ن يێن فه‌رمان وپاشڤه‌برن تێدا هه‌ى، وهه‌وه ژ ديدارا عه‌زابا من ل ڕۆژا قيامه‌تێ بترسينن؟ وان موشركێن مرۆڤ وئه‌جنان گۆت: مه شاهده‌يى ل سه‌ر خۆ دا كو پێغه‌مبه‌رێن ته ئايه‌تێن ته گه‌هاندبوونه مه، وئه‌م ژ ڤێ ڕۆژێ ترساندبووین، به‌لێ مه دره‌و پێ كربوو، وخه‌ملا ژينا دنيايێ ئه‌و موشرك خاپاندن، ووان شاهده‌يى ل سه‌ر خۆ دا كو ئه‌و دكافر بوون ب ته‌وحیدا خودێ، ووان پێغه‌مبه‌رێن وى دره‌وین ده‌رێخستبوون.
ذَٰلِكَ أَن لَّمۡ يَكُن رَّبُّكَ مُهۡلِكَ ٱلۡقُرَىٰ بِظُلۡمٖ وَأَهۡلُهَا غَٰفِلُونَ ﴿١٣١﴾
مه ب هنارتنا پێغه‌مبه‌ران وئينانه خوارا كيتابان چو هێجه‌ت بۆ مرۆڤ وئه‌جنان نه‌هێلان؛ دا كه‌س ژ وان ب زۆردارییا خۆ نه‌ئێته گرتن وهێشتا گازى نه‌گه‌هشتییێ، به‌لكى مه چو هێجه‌ت بۆ ملله‌تان نه‌هێلان، ومه كه‌سه‌ك عه‌زاب نه‌دايه ئه‌گه‌ر به‌رى هنگى مه پێغه‌مبه‌ر بۆ نه‌هنارت بن.
وَلِكُلّٖ دَرَجَٰتٞ مِّمَّا عَمِلُواْۚ وَمَا رَبُّكَ بِغَٰفِلٍ عَمَّا يَعۡمَلُونَ ﴿١٣٢﴾
و بۆ هه‌ر كه‌سه‌كێ د گوهدارییا خودێ دا يان د نه‌گوهدارییا وى دا كارى بكه‌ت هنده‌ك ده‌ره‌جه ل دويڤ كارێ وى هه‌نه، خودێ دێ وى گه‌هينتێ، و سه‌را كارێ وى دێ وى جزا ده‌ت. وخودايێ ته -ئه‌ى پێغه‌مبه‌ر- ژ وى كارێ به‌نییێن وى دكه‌ن يێ بێ ئاگه‌هـ نينه.