قورئانا پیرۆز › سورەتا الأنعام › ئایەتا ٢٧
سورەتا الأنعام · ئایەتا ٢٧ ب تەفسیرا کوردی
Al-An'am
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَمِنۡهُم مَّن يَسۡتَمِعُ إِلَيۡكَۖ وَجَعَلۡنَا عَلَىٰ قُلُوبِهِمۡ أَكِنَّةً أَن يَفۡقَهُوهُ وَفِيٓ ءَاذَانِهِمۡ وَقۡرٗاۚ وَإِن يَرَوۡاْ كُلَّ ءَايَةٖ لَّا يُؤۡمِنُواْ بِهَاۖ حَتَّىٰٓ إِذَا جَآءُوكَ يُجَٰدِلُونَكَ يَقُولُ ٱلَّذِينَ كَفَرُوٓاْ إِنۡ هَٰذَآ إِلَّآ أَسَٰطِيرُ ٱلۡأَوَّلِينَ ﴿٢٥﴾
و ژ وان موشركان هنده‌ك هه‌نه گوهێ خۆ دده‌نه ته -ئه‌ى پێغه‌مبه‌ر- ده‌مێ تو قورئانێ دخوینى، به‌لێ ئه‌وا تو دبێژى ناگه‌هته دلێن وان؛ چونكى ژ به‌ر دويكه‌فتنا وان بۆ دلچوونان مه په‌رده ل سه‌ر دلێن وان داناينه؛ دا ئه‌و د قورئانێ نه‌گه‌هن، ومه كه‌ڕاتى وگرانى د گوهێن وان دا دانايه ڤێجا ئه‌و د تشته‌كى ناگه‌هن، وئه‌گه‌ر ئه‌و وان هه‌مى ئايه‌تێن پێغه‌مبه‌رينییا موحه‌ممه‌دى دورست ده‌رتێخن ببينن ژى ئه‌و باوه‌رییێ پێ نائينن، حه‌تا ده‌مێ ئه‌و دئێنه نك ته -ئه‌ى پێغه‌مبه‌ر- پشتى ئه‌و وان ئايه‌تێن ڕاستگۆيیا ته ئاشكه‌را دكه‌ن دبینن، ئه‌و هه‌ڤڕكییێ د گه‌ل ته دكه‌ن، ئه‌وێن كافرى ب ئايه‌تێن خودێ كرى دبێژن: ئه‌ڤ تشتێ مه گوهـ لێ دبت هه‌ما ئه‌و ئه‌فسانه وچيرۆكێن دره‌ون يێن خه‌لكێ به‌رێ ڤه‌دگێڕان.
وَهُمۡ يَنۡهَوۡنَ عَنۡهُ وَيَنۡـَٔوۡنَ عَنۡهُۖ وَإِن يُهۡلِكُونَ إِلَّآ أَنفُسَهُمۡ وَمَا يَشۡعُرُونَ ﴿٢٦﴾
وئه‌و موشركێن هه خه‌لكى ژ گوهدان ودويكه‌فتنا موحه‌ممه‌دى سلاڤ لێ بن دده‌نه پاش، وئه‌و ب خۆ ژى خۆ ژێ دوير دكه‌ن، وئه‌و ب ڤى كارێ خۆ ژ خۆ پێڤه‌تر كه‌سێ تێ نابه‌ن، وئه‌و پێ ناحه‌سیێن كو ئه‌و یێ خۆ دبه‌نه هیلاكێ.
وَلَوۡ تَرَىٰٓ إِذۡ وُقِفُواْ عَلَى ٱلنَّارِ فَقَالُواْ يَٰلَيۡتَنَا نُرَدُّ وَلَا نُكَذِّبَ بِـَٔايَٰتِ رَبِّنَا وَنَكُونَ مِنَ ٱلۡمُؤۡمِنِينَ ﴿٢٧﴾
وئه‌گه‌ر تو -ئه‌ى پێغه‌مبه‌ر- وان موشركان ل ڕۆژا قيامه‌تێ ببينى تشته‌كێ مه‌زن تو دێ بينى، ده‌مێ ئه‌و ل به‌ر ئاگرى دئێنه ڕاوه‌ستاندن، وئه‌و وان قه‌يد وزنجيرێن تێدا هه‌ین دبينن، وڤێ ترس وسه‌همێ ئه‌و ب چاڤێن خۆ دبينن، ڤێجا هنگى ئه‌و دبێژن: خوزى ئه‌م بۆ دنيايێ بێينه زڤڕاندن؛ دا ئه‌م باوه‌رییێ ب ئايه‌تێن خودێ بينين، وببينه ژ خودان باوه‌ران.
بَلۡ بَدَا لَهُم مَّا كَانُواْ يُخۡفُونَ مِن قَبۡلُۖ وَلَوۡ رُدُّواْ لَعَادُواْ لِمَا نُهُواْ عَنۡهُ وَإِنَّهُمۡ لَكَٰذِبُونَ ﴿٢٨﴾
مه‌سه‌له نه وه‌يه، به‌لكى ڕۆژا قيامه‌تێ ئه‌و بۆ وان ئاشكه‌را بوو یا وان د دل دا دزانى كو ئه‌وا پێغه‌مبه‌ر پێ هاتین ڕاستییه، هه‌ر چه‌نده وان ئه‌و ئاشكه‌را نه‌دكر ژى. وئه‌گه‌ر وه‌سا چێ ببا كو ئه‌و بۆ دنيايێ هاتبانه زڤڕاندن وده‌ليڤه بۆ هاتبا دان ژى، ئه‌و دا ل كوفر ودره‌وپێكرنێ زڤڕنه‌ڤه. وئه‌و د گۆتنا خۆ دا ددره‌وينن ده‌مێ دبێژن: ئه‌گه‌ر ئه‌م زڤڕیباینه دنیایێ دا باوه‌رییێ ئینین.
وَقَالُوٓاْ إِنۡ هِيَ إِلَّا حَيَاتُنَا ٱلدُّنۡيَا وَمَا نَحۡنُ بِمَبۡعُوثِينَ ﴿٢٩﴾
ووان موشركێن هه یێن باوه‌رى ب ڕابوونا پشتى مرنێ نه‌ئيناى گۆت: هه‌ما ژيان ئه‌ڤ ژیانه‌يه يا ئه‌م تێدا، وپشتى مرنێ ئه‌م نائێينه ڕاكرن.