قورئانا پیرۆز › سورەتا الأنعام › ئایەتا ٤٤
سورەتا الأنعام · ئایەتا ٤٤ ب تەفسیرا کوردی
Al-An'am
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَقَدۡ أَرۡسَلۡنَآ إِلَىٰٓ أُمَمٖ مِّن قَبۡلِكَ فَأَخَذۡنَٰهُم بِٱلۡبَأۡسَآءِ وَٱلضَّرَّآءِ لَعَلَّهُمۡ يَتَضَرَّعُونَ ﴿٤٢﴾
و ب ڕاستى مه بۆ ملله‌تێن به‌رى ته ژى -ئه‌ى پێغه‌مبه‌ر- هنده‌ك پێغه‌مبه‌ر هنارتبوون دا ئه‌و به‌رێ وان بده‌نه خودێ، ئينا وان ئه‌و دره‌وين ده‌رێخستن، ڤێجا مه د مالێ وان دا ئه‌و ب فه‌قيريێ وته‌نگاڤییێ، و د له‌شێن وان دا ب نه‌خۆشییێ ونساخییێ جه‌رباندن؛ ب وێ هيڤییێ كو ئه‌و خۆ بۆ خودايێ خۆ بشكێنن، وپه‌رستنا وى ب تنێ بكه‌ن.
فَلَوۡلَآ إِذۡ جَآءَهُم بَأۡسُنَا تَضَرَّعُواْ وَلَٰكِن قَسَتۡ قُلُوبُهُمۡ وَزَيَّنَ لَهُمُ ٱلشَّيۡطَٰنُ مَا كَانُواْ يَعۡمَلُونَ ﴿٤٣﴾
ڤێجا ما چ بوو ده‌مێ نه‌خۆشییا مه گه‌هشتییه ڤان ملله‌تێن دره‌وپێكه‌ر، ئه‌گه‌ر وان خۆ بۆ مه شكاندبا، به‌لێ دلێن وان ڕه‌ق بوون، وشه‌يتانى ئه‌و گونه‌هێن وان كرين ل به‌ر وان شرينكرن.
فَلَمَّا نَسُواْ مَا ذُكِّرُواْ بِهِۦ فَتَحۡنَا عَلَيۡهِمۡ أَبۡوَٰبَ كُلِّ شَيۡءٍ حَتَّىٰٓ إِذَا فَرِحُواْ بِمَآ أُوتُوٓاْ أَخَذۡنَٰهُم بَغۡتَةٗ فَإِذَا هُم مُّبۡلِسُونَ ﴿٤٤﴾
ڤێجا ده‌مێ وان پشت دايه پێگيرییا ب فه‌رمانێن خودێ، مه ده‌رگه‌هێن هه‌ر ڕزقه‌كێ هه‌ى ل سه‌ر وان ڤه‌كرن، ڤێجا ل شوینا نه‌خۆشییێ مه ژیارا وان خۆش كر، و ل شوینا ته‌نگاڤییێ مه له‌شێن وان ساخله‌مكرن؛ دا پتر وان د سه‌ر دا ببه‌ین، حه‌تا ده‌مێ ئه‌و هێڕ وبه‌طران بووين، ووان كه‌يف ب وێ قه‌نجییێ هاتى يا مه دايێ، ژ نشكه‌كێ ڤه مه ئه‌و ب عه‌زابێ گرتن، ئێدى ئه‌و ژ هه‌ر خێره‌كێ بێ هيڤى بوون.
فَقُطِعَ دَابِرُ ٱلۡقَوۡمِ ٱلَّذِينَ ظَلَمُواْۚ وَٱلۡحَمۡدُ لِلَّهِ رَبِّ ٱلۡعَٰلَمِينَ ﴿٤٥﴾
ڤێجا ده‌مێ ڤان ملله‌تان كافرى ب خودێ كرى وپێغه‌مبه‌رێن وى دره‌وين ده‌رێخستين ئه‌و ژ ڕه‌ه وڕيشالان هاتنه ئينانه‌ده‌ر، وكه‌سه‌ك ژ وان نه‌ما. ومه‌دح وسوپاسى بۆ خودێ بن -ئافرانده‌ر وخودانێ هه‌ر تشته‌كێ هه‌ى- ل سه‌ر پشته‌ڤانییا وى بۆ خۆشتڤییێن وى وتێبرنا وى بۆ نه‌يارێن وان.
قُلۡ أَرَءَيۡتُمۡ إِنۡ أَخَذَ ٱللَّهُ سَمۡعَكُمۡ وَأَبۡصَٰرَكُمۡ وَخَتَمَ عَلَىٰ قُلُوبِكُم مَّنۡ إِلَٰهٌ غَيۡرُ ٱللَّهِ يَأۡتِيكُم بِهِۗ ٱنظُرۡ كَيۡفَ نُصَرِّفُ ٱلۡأٓيَٰتِ ثُمَّ هُمۡ يَصۡدِفُونَ ﴿٤٦﴾
تو -ئه‌ى پێغه‌مبه‌ر- بێژه وان موشركان: بێژنه من ئه‌گه‌ر خودێ گوهێن هه‌وه ببه‌ت وهه‌وه كه‌ڕ بكه‌ت، وچاڤێن هه‌وه ببه‌ت وهه‌وه كۆره بكه‌ت، و ل سه‌ر دلێن هه‌وه خه‌تم بكه‌ت ڤێجا ئێدى هوين د چو گۆتنان نه‌گه‌هن، ئه‌رێ ژ بلى خودێ چ خودایه‌ك هه‌يه وێ ل هه‌وه بزڤڕينته‌ڤه؟! تو -ئه‌ى پێغه‌مبه‌ر- به‌رێ خۆ بدێ چاوا ئه‌م ئايه‌تان ل سه‌ر هه‌مى ڕه‌نگان بۆ وان دئينين، پاشى ئه‌و پشتى وێ چه‌ندێ پشت دده‌نه مفا ژێ وه‌رگرتنێ.