قورئانا پیرۆز › سورەتا الأنعام › ئایەتا ٧
سورەتا الأنعام · ئایەتا ٧ ب تەفسیرا کوردی
Al-An'am
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَقَدۡ كَذَّبُواْ بِٱلۡحَقِّ لَمَّا جَآءَهُمۡ فَسَوۡفَ يَأۡتِيهِمۡ أَنۢبَـٰٓؤُاْ مَا كَانُواْ بِهِۦ يَسۡتَهۡزِءُونَ ﴿٥﴾
ب ڕاستى وان كافران دره‌و ب وێ ڕاستییێ كر يا موحه‌ممه‌د سلاڤ لێ بن بۆ وان پێ هاتى، ووان ژ نه‌زانین وخڕیان تڕانه بۆ خۆ ب گازیكه‌رێن وى كرن، ڤێجا پاشى ئه‌و دێ بينن كو يا وان تڕانه پێ دكرن ئه‌وه حه‌قى وڕاستى، وخودێ دره‌وا وان دره‌وكه‌ران بۆ وان دێ ئاشكه‌را كه‌ت، وئه‌و دێ وان سه‌را جزا ده‌ت.
أَلَمۡ يَرَوۡاْ كَمۡ أَهۡلَكۡنَا مِن قَبۡلِهِم مِّن قَرۡنٖ مَّكَّنَّـٰهُمۡ فِي ٱلۡأَرۡضِ مَا لَمۡ نُمَكِّن لَّكُمۡ وَأَرۡسَلۡنَا ٱلسَّمَآءَ عَلَيۡهِم مِّدۡرَارٗا وَجَعَلۡنَا ٱلۡأَنۡهَٰرَ تَجۡرِي مِن تَحۡتِهِمۡ فَأَهۡلَكۡنَٰهُم بِذُنُوبِهِمۡ وَأَنشَأۡنَا مِنۢ بَعۡدِهِمۡ قَرۡنًا ءَاخَرِينَ ﴿٦﴾
ئه‌رێ ما ئه‌وێن هه يێن كوفرێ ب ته‌وحيدا خودێ دكه‌ن وباوه‌رییێ نائينن كو ئه‌و ب تنێ هێژاى په‌رستنێیه، ودره‌وێ ب پێغه‌مبه‌رێ وى موحه‌ممه‌دى سلاڤ لێ بن دكه‌ن، ئه‌رێ ما ئه‌و نابينن كانێ چ هيلاك ب سه‌رێ وان ملله‌تێن به‌رى وان يێن كو دره‌و ب حه‌قییێ كرى هاتییه، مه ئه‌و تشت د عه‌ردى دا كر بوو د ده‌ستێن وان دا يێ مه نه‌كرییه د ده‌ستێن هه‌وه دا گه‌لى كافران، ومه ب باراندنا بارانێ وچوونا ڕويباران د بن خانییێن وان ڕا قه‌نجى د گه‌ل وان كر، ئينا وان باوه‌رى پێ نه‌ئينا وپێغه‌مبه‌ر دره‌وين ده‌رێخستن، ڤێجا ژ به‌ر گونه‌هێن وان مه ئه‌و تێ برن، ومه هنده‌ك ملله‌تێن دى پشتى وان دانانه عه‌ردى؛ دا ئه‌و وى ئاڤا كه‌ن.
وَلَوۡ نَزَّلۡنَا عَلَيۡكَ كِتَٰبٗا فِي قِرۡطَاسٖ فَلَمَسُوهُ بِأَيۡدِيهِمۡ لَقَالَ ٱلَّذِينَ كَفَرُوٓاْ إِنۡ هَٰذَآ إِلَّا سِحۡرٞ مُّبِينٞ ﴿٧﴾
وئه‌گه‌ر مه كيتابه‌كا نڤيسى د ده‌فته‌ره‌كێ دا بۆ ته -ئه‌ى پێغه‌مبه‌ر- ژ عه‌سمانى ئينابا خوارێ وڤان كافران ئه‌و ب ده‌ستێن خۆ گرتبا ئه‌و دا بێژن: ئه‌ڤا تو پێ هاتى -ئه‌ى پێغه‌مبه‌ر- سێره‌به‌ندییه‌كا ئاشكه‌رايه.
وَقَالُواْ لَوۡلَآ أُنزِلَ عَلَيۡهِ مَلَكٞۖ وَلَوۡ أَنزَلۡنَا مَلَكٗا لَّقُضِيَ ٱلۡأَمۡرُ ثُمَّ لَا يُنظَرُونَ ﴿٨﴾
وڤان بوتپه‌رێسان گۆت: بلا خودێ ملیاكه‌ته‌ك ژ عه‌سمانى بۆ موحه‌ممه‌دى ئينابا خوارێ؛ دا وى پێغه‌مبه‌رينییا وى ڕاست ده‌رێخستبا، وئه‌گه‌ر مه ملیاكه‌ته‌ك ژ عه‌سمانى ئينابا خوارێ وه‌كى ئه‌و داخواز دكه‌ن، مه‌سه‌له دا ب دويماهى ئێت وئه‌و دا تێچن، وده‌ليڤه بۆ وان نه‌دهاته دان؛ چونكى د زانينا خودێ دا هه‌يه كو ئه‌و باوه‌رییێ نائينن.
وَلَوۡ جَعَلۡنَٰهُ مَلَكٗا لَّجَعَلۡنَٰهُ رَجُلٗا وَلَلَبَسۡنَا عَلَيۡهِم مَّا يَلۡبِسُونَ ﴿٩﴾
وئه‌گه‌ر مه ئه‌و پێغه‌مبه‌رێ هنارتى بۆ وان كربا فريشته ژى، ئه‌م دا وى ل سه‌ر ڕه‌نگێ مرۆڤه‌كى چێكه‌ين؛ دا ئه‌و بشێن گوهـ ل ده‌نگێ وى ببن و د گه‌ل وى باخڤن؛ چونكى د شيانا وان دا نينه ئه‌و فريشته‌ى ل سه‌ر ڕه‌نگێ وى يێ دورست ببينن، وئه‌گه‌ر ئه‌و فريشته ل سه‌ر ڕه‌نگێ زه‌لامه‌كى بۆ وان بێت مه‌سه‌له ل به‌ر وان دێ ئالۆز بت، كا چاوا مه‌سه‌لا موحه‌ممه‌دى ل به‌ر وان ئالۆز بووى.