قورئانا پیرۆز › سورەتا الأنعام › ئایەتا ٨٢
سورەتا الأنعام · ئایەتا ٨٢ ب تەفسیرا کوردی
Al-An'am
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَحَآجَّهُۥ قَوۡمُهُۥۚ قَالَ أَتُحَـٰٓجُّوٓنِّي فِي ٱللَّهِ وَقَدۡ هَدَىٰنِۚ وَلَآ أَخَافُ مَا تُشۡرِكُونَ بِهِۦٓ إِلَّآ أَن يَشَآءَ رَبِّي شَيۡـٔٗاۚ وَسِعَ رَبِّي كُلَّ شَيۡءٍ عِلۡمًاۚ أَفَلَا تَتَذَكَّرُونَ ﴿٨٠﴾
وملله‌تێ وى د ته‌وحيدا خودێ دا هه‌ڤڕكى د گه‌ل وى كر، وى گۆت: ئه‌رێ هوين د ته‌وحيدا خودێ دا هه‌ڤڕكییێ د گه‌ل من دكه‌ن، ووى به‌رێ من يێ دايه زانينا ته‌وحيدا خۆ، ڤێجا ئه‌گه‌ر هوين من ب خوداوه‌ندێن خۆ دترسينن كو ئه‌و زيانێ بگه‌هيننه من ئه‌ز ژ وان ناترسم وئه‌و چو زيانێ ناگه‌هيننه من، ب وى تشتى نه‌بت يێ خودايێ من حه‌ز كرى كو بگه‌هته من. خودايێ من هه‌مى تشت ب زانينا خۆ ڤه‌گرتينه، ئه‌رێ ڤێجا ما هوين بيرا خۆ لێ نائيننه‌ڤه دا بزانن ئه‌و ب تنێیه يێ هێژاى په‌رستنێ؟
وَكَيۡفَ أَخَافُ مَآ أَشۡرَكۡتُمۡ وَلَا تَخَافُونَ أَنَّكُمۡ أَشۡرَكۡتُم بِٱللَّهِ مَا لَمۡ يُنَزِّلۡ بِهِۦ عَلَيۡكُمۡ سُلۡطَٰنٗاۚ فَأَيُّ ٱلۡفَرِيقَيۡنِ أَحَقُّ بِٱلۡأَمۡنِۖ إِن كُنتُمۡ تَعۡلَمُونَ ﴿٨١﴾
وچاوا ئه‌ز ژ صه‌نه‌مێن هه‌وه بترسم وهوين ژ خودايێ من ناترسن يێ هوين ئافراندين، وئه‌و صه‌نه‌م ژى ئافراندين يێن هوين وان بۆ وى د عيباده‌تى دا دكه‌نه هه‌ڤپشك، بێى كو هه‌وه هێجه‌ته‌ك ل سه‌ر وێ چه‌ندێ هه‌بت؟ ڤێجا كى ژ هه‌ردو ده‌سته‌كان: ده‌سته‌كا بوتپه‌رێسان وده‌سته‌كا خودانێن ته‌وحيدێ پتر هێژايى ته‌ناهییێ وسلامه‌تییا ژ عه‌زابا خودێیه؟ ئه‌گه‌ر هوين ڕاستییا گۆتنا من دزانن بێژنه من.
ٱلَّذِينَ ءَامَنُواْ وَلَمۡ يَلۡبِسُوٓاْ إِيمَٰنَهُم بِظُلۡمٍ أُوْلَـٰٓئِكَ لَهُمُ ٱلۡأَمۡنُ وَهُم مُّهۡتَدُونَ ﴿٨٢﴾
ئه‌وێن باوه‌رى ب خودێ وپێغه‌مبه‌رێ وى ئيناى، وكار ب شریعه‌تێ وى كرى، وچو شرك تێكه‌لى باوه‌ریيا خۆ نه‌كرى، ته‌ناهى وسلامه‌تى بۆ وانه، وئه‌و ئه‌ون يێن به‌رێ وان بۆ ڕێكا حه‌ق هاتییه‌دان.
وَتِلۡكَ حُجَّتُنَآ ءَاتَيۡنَٰهَآ إِبۡرَٰهِيمَ عَلَىٰ قَوۡمِهِۦۚ نَرۡفَعُ دَرَجَٰتٖ مَّن نَّشَآءُۗ إِنَّ رَبَّكَ حَكِيمٌ عَلِيمٞ ﴿٨٣﴾
وئه‌و هيجه‌تا ئيبراهيمى سلاڤ لێ بن هه‌ڤڕكى پێ د گه‌ل ملله‌تێ خۆ كرى، ئه‌و هێجه‌ت بوو يا مه به‌رێ وى دايێ حه‌تا وى ئه‌و پێ بێ ده‌نگ كرين. يێ مه بڤێت ژ به‌نییێن خۆ ئه‌م ده‌ره‌جێن وى د دنيايێ وئاخره‌تێ دا بلند دكه‌ين. هندى خودايێ ته‌يه د ڕێڤه‌برنا چێكرییێن خۆ دا يێ كاربنه‌جهه، و ب وان يێ پڕزانايه.
وَوَهَبۡنَا لَهُۥٓ إِسۡحَٰقَ وَيَعۡقُوبَۚ كُلًّا هَدَيۡنَاۚ وَنُوحًا هَدَيۡنَا مِن قَبۡلُۖ وَمِن ذُرِّيَّتِهِۦ دَاوُۥدَ وَسُلَيۡمَٰنَ وَأَيُّوبَ وَيُوسُفَ وَمُوسَىٰ وَهَٰرُونَۚ وَكَذَٰلِكَ نَجۡزِي ٱلۡمُحۡسِنِينَ ﴿٨٤﴾
ومه منه‌ت ل ئيبراهيمى سلاڤ لێ بن كر، كو مه ئيسحاق كره كوڕێ وى ويه‌عقووب كره نه‌ڤییێ وى، ومه به‌رێ هه‌ر دووان دا ڕێكا ڕاست، وهه‌ر وه‌سا مه -به‌رى ئیبراهیم وئیسحاق ویه‌عقووبى- به‌رێ نووحى ژى دابوو ڕێكا ڕاست، و ژ دوونده‌ها نووحى مه به‌رێ داوود وسوله‌يمان وئه‌ييووب ويووسف ومووسا وهاروونى ژى سلاڤ لێ بن دابوو حه‌قییێ، وكا چاوا مه جزايێ ڤان پێغه‌مبه‌ران ژ به‌ر قه‌نجییا وان دايێ وه‌سا ئه‌م جزايێ هه‌ر قه‌نجيكاره‌كى دده‌ينێ.