قورئانا پیرۆز › سورەتا الأنبياء › ئایەتا ١٩
سورەتا الأنبياء · ئایەتا ١٩ ب تەفسیرا کوردی
Al-Anbiya
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
لَوۡ أَرَدۡنَآ أَن نَّتَّخِذَ لَهۡوٗا لَّٱتَّخَذۡنَٰهُ مِن لَّدُنَّآ إِن كُنَّا فَٰعِلِينَ ﴿١٧﴾
ئه‌گه‌ر مه ڤيابا كو تشته‌كێ پێڤه موژيل ببين وه‌كى كوڕى وژنێ ئه‌م بۆ خۆ بدانين، ئه‌م دا وێ چه‌ندێ ژ نك خۆ بۆ خۆ گرين نه ژ نك هه‌وه، مه ئه‌و چه‌نده نه‌كرییه؛ چونكى نابت مه كوڕ يان ژن هه‌بت.
بَلۡ نَقۡذِفُ بِٱلۡحَقِّ عَلَى ٱلۡبَٰطِلِ فَيَدۡمَغُهُۥ فَإِذَا هُوَ زَاهِقٞۚ وَلَكُمُ ٱلۡوَيۡلُ مِمَّا تَصِفُونَ ﴿١٨﴾
به‌لكى ئه‌م حه‌قییێ ئاشكه‌را دكه‌ين ودهاڤێينه نه‌حه‌قییێ، ڤێجا ئه‌و پێ پويچ دبت ودچت ونامينت. وعه‌زاب ل ئاخره‌تێ بۆ هه‌وه -گه‌لی بوتپه‌رێسان- هه‌يه؛ ژ به‌ر وى سالۆخه‌تێ نه‌هه‌ژى يێ هه‌وه بۆ خودايێ خۆ داناى.
وَلَهُۥ مَن فِي ٱلسَّمَٰوَٰتِ وَٱلۡأَرۡضِۚ وَمَنۡ عِندَهُۥ لَا يَسۡتَكۡبِرُونَ عَنۡ عِبَادَتِهِۦ وَلَا يَسۡتَحۡسِرُونَ ﴿١٩﴾
وهه‌ر تشته‌كێ ل عه‌سمانان وعه‌ردى يێ خودێیه، وئه‌و ملياكه‌تێن نێزيكى وى خۆ ژ په‌رستنا وى مه‌زنتر لێ ناكه‌ن وئه‌و ناوه‌ستيێن. ڤێجا چاوا دبت عه‌بده‌كێ وى يان چێكرییه‌كێ وى ببته شريك بۆ وى؟
يُسَبِّحُونَ ٱلَّيۡلَ وَٱلنَّهَارَ لَا يَفۡتُرُونَ ﴿٢٠﴾
ئه‌و هه‌رده‌م نڤێژێ وزكرێ خودێ دكه‌ن، نه ئه‌و لاواز دبن ونه شڕ دبن.
أَمِ ٱتَّخَذُوٓاْ ءَالِهَةٗ مِّنَ ٱلۡأَرۡضِ هُمۡ يُنشِرُونَ ﴿٢١﴾
چاوا بۆ بوتپه‌رێسان چێ دبت ئه‌و هنده‌ك خوداوه‌ندێن بێزار يێن كو نه‌شێن مرییان زێندى بكه‌ن ژ عه‌ردى بۆ خۆ بدانن؟