قورئانا پیرۆز › سورەتا الأنبياء › ئایەتا ٢٥
سورەتا الأنبياء · ئایەتا ٢٥ ب تەفسیرا کوردی
Al-Anbiya
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
لَا يُسۡـَٔلُ عَمَّا يَفۡعَلُ وَهُمۡ يُسۡـَٔلُونَ ﴿٢٣﴾
ژ نيشانێن هندێ دگه‌هينن كو ئه‌و ب تنێ خودانێ ئافراندن وپه‌رستنێيه: ئه‌وه يێ پسيارا وى تشتى ژ وى نائێته‌كرن يێ ئه‌و د ناڤ به‌نییێن خۆ دا دكه‌ت، وهه‌مى چێكرییێن وى پسيار ژێ دئێته‌كرن.
أَمِ ٱتَّخَذُواْ مِن دُونِهِۦٓ ءَالِهَةٗۖ قُلۡ هَاتُواْ بُرۡهَٰنَكُمۡۖ هَٰذَا ذِكۡرُ مَن مَّعِيَ وَذِكۡرُ مَن قَبۡلِيۚ بَلۡ أَكۡثَرُهُمۡ لَا يَعۡلَمُونَ ٱلۡحَقَّۖ فَهُم مُّعۡرِضُونَ ﴿٢٤﴾
ئه‌رێ وان ژبلی خودێ هنده‌ك خوداوه‌ند بۆ خۆ گرتينه مفاى وزيانێ بگه‌هينن وژينێ ومرنێ بده‌ن؟ تو بێژه وان: كانێ ده‌ليل وهێجه‌تا خۆ بينن كو ئه‌وێن هه‌وه بۆ خۆ داناين خودێنه، پانێ نه د قورئانێ دا ونه د كيتابێن به‌رێ دا ده‌ليله‌ك ل سه‌ر وێ نينه، وژبلی نه‌زانين وچاڤلێكرنێ ژ به‌ر تشته‌كێ دى وان شرك نه‌كرییه، وئه‌و پشت دده‌نه حه‌قییێ وباوه‌رییێ پێ نائينن.
وَمَآ أَرۡسَلۡنَا مِن قَبۡلِكَ مِن رَّسُولٍ إِلَّا نُوحِيٓ إِلَيۡهِ أَنَّهُۥ لَآ إِلَٰهَ إِلَّآ أَنَا۠ فَٱعۡبُدُونِ ﴿٢٥﴾
ومه به‌رى ته -ئه‌ى پێغه‌مبه‌ر- پێغه‌مبه‌ره‌ك نه‌هنارتییه ئه‌گه‌ر مه وه‌حى بۆ فڕێ نه‌كربت كو ژ خودێ پێڤه‌تر چو خودايێن ب حه‌ق نينن، ڤێجا هوين ژ دل په‌رستنا وى ب تنێ بكه‌ن.
وَقَالُواْ ٱتَّخَذَ ٱلرَّحۡمَٰنُ وَلَدٗاۗ سُبۡحَٰنَهُۥۚ بَلۡ عِبَادٞ مُّكۡرَمُونَ ﴿٢٦﴾
وبوتپه‌رێسان گۆت: خودايێ ڕه‌حمان زارۆك هه‌نه ده‌مێ وان ژ دره‌و گۆتى فريشته كچێن خودێنه. خودێ ژ وێ چه‌ندێ يێ پاك بت؛ چونكى فريشته به‌نییێن خودێ يێن نێزيكن.
لَا يَسۡبِقُونَهُۥ بِٱلۡقَوۡلِ وَهُم بِأَمۡرِهِۦ يَعۡمَلُونَ ﴿٢٧﴾
وئه‌و ژبلی گوهدارییا وان يا باش تشته‌كێ خودێ فه‌رمانا وان پێ نه‌كرى نابێژن، وحه‌تا ئه‌و ده‌ستويرییێ نه‌ده‌ته وان ئه‌و كاره‌كى ناكه‌ن.