قورئانا پیرۆز › سورەتا الأنبياء › ئایەتا ٣٨
سورەتا الأنبياء · ئایەتا ٣٨ ب تەفسیرا کوردی
Al-Anbiya
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَإِذَا رَءَاكَ ٱلَّذِينَ كَفَرُوٓاْ إِن يَتَّخِذُونَكَ إِلَّا هُزُوًا أَهَٰذَا ٱلَّذِي يَذۡكُرُ ءَالِهَتَكُمۡ وَهُم بِذِكۡرِ ٱلرَّحۡمَٰنِ هُمۡ كَٰفِرُونَ ﴿٣٦﴾
وئه‌گه‌ر كافران تو ديتى -ئه‌ى پێغه‌مبه‌ر- ئه‌و ته بۆ خۆ دكه‌نه پێتڕانك وئيشاره‌تان دده‌نه ته وهنده‌ك دبێژنه هنده‌كان: ئه‌رێ ئه‌ڤ زه‌لامه‌يه گۆتنێن سه‌قه‌ت دبێژته خوداوه‌ندێن هه‌وه؟ ووان كوفر ب خودايێ ڕه‌حمان وقه‌نجییێن وى كر، وباوه‌رى ب وێ نه‌ئينا يا وى ئينايه خوارێ ژ قورئانێ وهيدايه‌تێ.
خُلِقَ ٱلۡإِنسَٰنُ مِنۡ عَجَلٖۚ سَأُوْرِيكُمۡ ءَايَٰتِي فَلَا تَسۡتَعۡجِلُونِ ﴿٣٧﴾
مرۆڤ له‌زله‌زۆك يێ هاتییه ئافراندن، ئه‌و له‌زێ د تشتان دا دكه‌ت وحه‌ز دكه‌ت ئه‌و تشت زوى چێ ببن. وقوره‌يشییان له‌ز د هاتنا عه‌زابێ دا كر ودگۆت: بۆچى ئه‌و ب سه‌رێ مه نائێت؟! ئينا خودێ ئه‌و ژ هندێ ترساندن كو ئه‌و دێ وێ عه‌زابێ نيشا وان ده‌ت يا ئه‌و له‌زێ لێ دكه‌ن، ڤێجا بلا ئه‌و له‌زێ لێ نه‌كه‌ن.
وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ ﴿٣٨﴾
وكافر بۆ تڕانه‌پێكرن وله‌زكرنا د هاتنا عه‌زابێ دا دبێژن: ئه‌ى موحه‌ممه‌د، ئه‌و تشتێ تو گه‌فان پێ ل مه دكه‌ى كه‌نگى دێ ئێت، ئه‌گه‌ر تو ودويكه‌فتییێن خۆ دڕاستگۆنه؟
لَوۡ يَعۡلَمُ ٱلَّذِينَ كَفَرُواْ حِينَ لَا يَكُفُّونَ عَن وُجُوهِهِمُ ٱلنَّارَ وَلَا عَن ظُهُورِهِمۡ وَلَا هُمۡ يُنصَرُونَ ﴿٣٩﴾
ئه‌گه‌ر ئه‌ڤ كافره بزانن دێ چ ب سه‌رێ وان ئێت، ده‌مێ ئه‌و نه‌شێن ئاگرى ژ به‌ر وپشتێن خۆ بده‌نه پاش، وئه‌و كه‌سێ نابينن پشته‌ڤانییا وان بكه‌ت، ئه‌و ل سه‌ر كوفرا خۆ نه‌دمان، وله‌ز د هاتنا عه‌زابێ دا نه‌دكر.
بَلۡ تَأۡتِيهِم بَغۡتَةٗ فَتَبۡهَتُهُمۡ فَلَا يَسۡتَطِيعُونَ رَدَّهَا وَلَا هُمۡ يُنظَرُونَ ﴿٤٠﴾
وقيامه‌ت ژ نشكه‌كێ ڤه دێ ب سه‌ر وان دا ئێت، ڤێجا ئه‌و هنگى دێ حێبه‌تى بن، وگه‌له‌ك دێ ترسن، وئه‌و نه‌شێن عه‌زابێ ژ خۆ پاشڤه‌ببه‌ن، وده‌ليڤه ژى بۆ وان نائێته‌دان كو ئه‌و عوزرا خۆ ڤه‌خوازن.