قورئانا پیرۆز › سورەتا الأنبياء › ئایەتا ٥
سورەتا الأنبياء · ئایەتا ٥ ب تەفسیرا کوردی
Al-Anbiya
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
لَاهِيَةٗ قُلُوبُهُمۡۗ وَأَسَرُّواْ ٱلنَّجۡوَى ٱلَّذِينَ ظَلَمُواْ هَلۡ هَٰذَآ إِلَّا بَشَرٞ مِّثۡلُكُمۡۖ أَفَتَأۡتُونَ ٱلسِّحۡرَ وَأَنتُمۡ تُبۡصِرُونَ ﴿٣﴾
دلێن وان ژ قورئانا پيرۆز دبێ ئاگه‌هن، و ب خۆشى ونه‌حه‌قییێن دنيايێ ڤه دموژيلن، ئه‌و د وێ ناگه‌هن يا د قورئانێ دا هاتى. به‌لكى زۆردارێن قوره‌يشییان ل سه‌ر كاره‌كێ ڤه‌شارتى كۆم بوون: كو ئه‌و وى تشتى د ناڤ خه‌لكى دا به‌لاڤ كه‌ن يێ ئه‌و پێ ژ باوه‌رى ئينانا ب موحه‌ممه‌دى -سلاڤ لێ بن- بێنه پاشڤه‌برن، كو بێژن: ئه‌و ژى وه‌كى هه‌وه مرۆڤه، و ب چو تشتان يێ ژ هه‌وه جودا نينه، وئه‌و قورئانا ئه‌و پێ هاتى سێره‌به‌ندییه، ڤێجا چاوا هوين دئێنه نك ودويكه‌فتنا وى دكه‌ن، وهوين يێ دبينن ئه‌و ژى مرۆڤه‌كێ وه‌كى هه‌وه‌يه؟
قَالَ رَبِّي يَعۡلَمُ ٱلۡقَوۡلَ فِي ٱلسَّمَآءِ وَٱلۡأَرۡضِۖ وَهُوَ ٱلسَّمِيعُ ٱلۡعَلِيمُ ﴿٤﴾
پێغه‌مبه‌رى -سلاڤ لێ بن- مه‌سه‌له بۆ خودايێ خۆ زڤڕاند وگۆت: خودايێ من گۆتنا ل عه‌سمانى وعه‌ردى دزانت، وئه‌و وێ گۆتنا هوين ڤه‌دشێرن دزانت، وئه‌و گوهدێرێ گۆتنێن هه‌وه‌يه، يێ پڕزانايه ب حالێ هه‌وه. و د ڤێ ئايه‌تێ دا گه‌فه‌ك بۆ وان هه‌يه.
بَلۡ قَالُوٓاْ أَضۡغَٰثُ أَحۡلَٰمِۭ بَلِ ٱفۡتَرَىٰهُ بَلۡ هُوَ شَاعِرٞ فَلۡيَأۡتِنَا بِـَٔايَةٖ كَمَآ أُرۡسِلَ ٱلۡأَوَّلُونَ ﴿٥﴾
به‌لكى كافران باوه‌رى ب قورئانێ نه‌ئينا ڤێجا هنده‌ك ژ وان گۆت: ئه‌و هنده‌ك خه‌ونێن تێكه‌لن وچو ڕاستى بۆ نينن، وهنده‌كان گۆت: ئه‌و هنده‌ك گۆتنێن چێكرى ودره‌ون وئه‌و نه وه‌حییه، وهنده‌كان گۆت: هندى موحه‌ممه‌ده شاعره، وئه‌ڤا ئه‌و پێ هاتى شعره، وئه‌گه‌ر وى ژ مه بڤێت ئه‌م باوه‌رییێ پێ بينين پا دێ بلا موعجزه‌یه‌كا به‌رچاڤ وه‌كى حێشترا صالحى، وئايه‌تێن مووساى وعيساى، وئه‌و تشتێن به‌رى وى پێغه‌مبه‌ر پێ هاتين بۆ مه بينت.
مَآ ءَامَنَتۡ قَبۡلَهُم مِّن قَرۡيَةٍ أَهۡلَكۡنَٰهَآۖ أَفَهُمۡ يُؤۡمِنُونَ ﴿٦﴾
به‌رى كافرێن (مه‌كه‌هێ) چو گونده‌كێ خه‌لكێ وى داخوازا موعجزه‌يان ژ پێغه‌مبه‌رێ خۆ كرى وداخوازا وان بۆ ب جهـ هاتى باوه‌رى نه‌ئينايه، به‌لكى وان دره‌وا پێ كرییه، ڤێجا مه ئه‌و يێن تێبرين، ئه‌رێ ڤێجا كافرێن (مه‌كه‌هێ) دێ باوه‌رییێ ئينن ئه‌گه‌ر ئه‌و موعجزه‌يێن وان داخوازكرين ب جهـ هاتن؟ نه‌خێر ئه‌و باوه‌رییێ نائينن.
وَمَآ أَرۡسَلۡنَا قَبۡلَكَ إِلَّا رِجَالٗا نُّوحِيٓ إِلَيۡهِمۡۖ فَسۡـَٔلُوٓاْ أَهۡلَ ٱلذِّكۡرِ إِن كُنتُمۡ لَا تَعۡلَمُونَ ﴿٧﴾
وبه‌رى ته -ئه‌ى پێغه‌مبه‌ر- ژبلی هنده‌ك زه‌لامان ژ مرۆڤان مه كه‌س نه‌هنارتییه، ومه چو ملياكه‌ت نه‌هنارتينه، ڤێجا هوين -گه‌لی كافرێن مه‌كه‌هێ- پسيارا زانايێن كيتابێن به‌رێ بكه‌ن، ئه‌گه‌ر هوين ب وێ چه‌ندێ دنه‌زانن.