قورئانا پیرۆز › سورەتا الأنبياء › ئایەتا ٥٧
سورەتا الأنبياء · ئایەتا ٥٧ ب تەفسیرا کوردی
Al-Anbiya
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قَالُوٓاْ أَجِئۡتَنَا بِٱلۡحَقِّ أَمۡ أَنتَ مِنَ ٱللَّـٰعِبِينَ ﴿٥٥﴾
وان گۆت: ئه‌رێ ئه‌ڤ گۆتنا تو بۆ مه پێ هاتى حه‌قى ومجدییه، يان ژى تو ب ڤێ گۆتنا خۆ وه‌كى وییى يێ يارییان دكه‌ت؟
قَالَ بَل رَّبُّكُمۡ رَبُّ ٱلسَّمَٰوَٰتِ وَٱلۡأَرۡضِ ٱلَّذِي فَطَرَهُنَّ وَأَنَا۠ عَلَىٰ ذَٰلِكُم مِّنَ ٱلشَّـٰهِدِينَ ﴿٥٦﴾
ئيبراهيمى -سلاڤ لێ بن- گۆته وان: خودايێ هه‌وه يێ ئه‌ز به‌رێ هه‌وه دده‌مه په‌رستنا وى، خودايێ عه‌سمانان وعه‌ردییه، ئه‌وه يێ ئه‌و ئافراندين، وئه‌ز ل سه‌ر وێ چه‌ندێ ژ شاهدانم.
وَتَٱللَّهِ لَأَكِيدَنَّ أَصۡنَٰمَكُم بَعۡدَ أَن تُوَلُّواْ مُدۡبِرِينَ ﴿٥٧﴾
وئه‌ز ب خودێ كه‌مه ئه‌ز دێ صه‌نه‌مێن هه‌وه شكێنم پشتى هوين دچن وپشت دده‌نێ.
فَجَعَلَهُمۡ جُذَٰذًا إِلَّا كَبِيرٗا لَّهُمۡ لَعَلَّهُمۡ إِلَيۡهِ يَرۡجِعُونَ ﴿٥٨﴾
ئينا ئيبراهيمى صه‌نه‌م شكاندن وپرت پرتكرن، ووى صه‌نه‌مێ مه‌زن هێلا؛ دا ملله‌تێ وى لێ بزڤڕن وپسيارێ ژێ بكه‌ن، ڤێجا دا لاوازى وبێزارییا وان بۆ ملله‌تێ وى ديار ببت، وهێجه‌ته‌ك بۆ وى ل سه‌ر وان په‌يدا ببت.
قَالُواْ مَن فَعَلَ هَٰذَا بِـَٔالِهَتِنَآ إِنَّهُۥ لَمِنَ ٱلظَّـٰلِمِينَ ﴿٥٩﴾
وملله‌تێ وى زڤڕين، ووان صه‌نه‌مێن خۆ شكه‌ستى وڕه‌زيل ديتن، ئينا هنده‌ك ژ وان پسيار ژ هنده‌كان كر: كێ ئه‌ڤه د گه‌ل خوداوه‌ندێن مه كرییه؟ هندى ئه‌وه ئه‌و يێ زۆرداره.