قورئانا پیرۆز › سورەتا الأنبياء › ئایەتا ٦٦
سورەتا الأنبياء · ئایەتا ٦٦ ب تەفسیرا کوردی
Al-Anbiya
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَرَجَعُوٓاْ إِلَىٰٓ أَنفُسِهِمۡ فَقَالُوٓاْ إِنَّكُمۡ أَنتُمُ ٱلظَّـٰلِمُونَ ﴿٦٤﴾
ئينا مه‌سه‌له كه‌فته له‌پێن وان، وسه‌رداچوونا وان بۆ وان ئاشكه‌را بوو؛ چاوا ئه‌و په‌رستنا وان دكه‌ن وئه‌و دبێزارن، ئه‌و نه‌دشێن خرابییێ ژ خۆ پاشڤه‌ببه‌ن، ونه‌دشێن به‌رسڤا پسياركه‌رێ خۆ بده‌ن؟ ووان ئعتراف ب زۆردارى وشركێ ل سه‌ر خۆ دا.
ثُمَّ نُكِسُواْ عَلَىٰ رُءُوسِهِمۡ لَقَدۡ عَلِمۡتَ مَا هَـٰٓؤُلَآءِ يَنطِقُونَ ﴿٦٥﴾
پاشى پشتى ئه‌و هاتينه ڕاوه‌ستاندن هه‌ر زوى هه‌ڤڕكییا وان زڤڕى ڤه، وئه‌و ل نه‌حه‌قییێ ڤه‌گه‌ڕيان، ووان به‌رانبه‌ر ئيبراهيمى ئه‌و هێجه‌ت بۆ خۆ گرت يا كو دبته هێجه‌ت ل سه‌ر وان، وان گۆت: چاوا پسيارا وان بكه‌ين، وتو دزانى ئه‌و نائاخڤن؟
قَالَ أَفَتَعۡبُدُونَ مِن دُونِ ٱللَّهِ مَا لَا يَنفَعُكُمۡ شَيۡـٔٗا وَلَا يَضُرُّكُمۡ ﴿٦٦﴾
ئيبراهيمى گۆت: چاوا هوين په‌رستنا وان صه‌نه‌مان دكه‌ن يێن ئه‌گه‌ر په‌رستنا وان هاته‌كرن ئه‌و چو مفاى ناگه‌هينن، وئه‌گه‌ر په‌رستنا وان هاته هێلان ژى ئه‌و چو زيانێ ناگه‌هينن؟
أُفّٖ لَّكُمۡ وَلِمَا تَعۡبُدُونَ مِن دُونِ ٱللَّهِۚ أَفَلَا تَعۡقِلُونَ ﴿٦٧﴾
نه هوين بن ونه ئه‌و صه‌نه‌مێن هوين ژبلی خودێ دپه‌رێسن، ئه‌رێ ما هوين ب عه‌قل ناكه‌ڤن ونزانن چ كاره‌كێ كرێته هوين ل سه‌ر؟
قَالُواْ حَرِّقُوهُ وَٱنصُرُوٓاْ ءَالِهَتَكُمۡ إِن كُنتُمۡ فَٰعِلِينَ ﴿٦٨﴾
ده‌مێ هێجه‌تا وان پويچ بووى وحه‌قى ئاشكه‌را بووى وان ده‌ست هاڤێته حوكم وده‌سهه‌لاتا خۆ، ووان گۆت: هوين ئيبراهيمى ب ئاگرى بسۆژن؛ وه‌ك تۆلڤه‌كرن بۆ خوداوه‌ندێن خۆ يێن هه‌وه پشته‌ڤانى بۆ كرى، ئينا وان ئاگره‌كێ مه‌زن هلكرێ وئه‌و هاڤێته تێدا.