قورئانا پیرۆز › سورەتا الأنبياء › ئایەتا ٨٠
سورەتا الأنبياء · ئایەتا ٨٠ ب تەفسیرا کوردی
Al-Anbiya
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَدَاوُۥدَ وَسُلَيۡمَٰنَ إِذۡ يَحۡكُمَانِ فِي ٱلۡحَرۡثِ إِذۡ نَفَشَتۡ فِيهِ غَنَمُ ٱلۡقَوۡمِ وَكُنَّا لِحُكۡمِهِمۡ شَٰهِدِينَ ﴿٧٨﴾
وتو -ئه‌ى پێغه‌مبه‌ر- به‌حسێ پێغه‌مبه‌رێ خودێ داوودى وكوڕێ وى سوله‌يمانى بكه، ده‌مێ وان حوكم د وێ مه‌سه‌لێ دا كرى يا دو هه‌ڤڕكان ئينايه نك وان، په‌زێ ئێك ژ وان ب شه‌ڤ چوو بوو ناڤ بيستانێ يێ دى، وخراب كربوو، ئينا داوودى حوكم كر كو په‌ز بۆ خودانێ بيستانى بت به‌رانبه‌ر مالێ وى يێ خراب بووى؛ چونكى بهايێ هه‌ر دووان هندى ئێك بوو، وئه‌م بۆ حوكمێ وان شاهد بووين، وچو ل به‌ر مه يێ به‌رزه نه‌بوو.
فَفَهَّمۡنَٰهَا سُلَيۡمَٰنَۚ وَكُلًّا ءَاتَيۡنَا حُكۡمٗا وَعِلۡمٗاۚ وَسَخَّرۡنَا مَعَ دَاوُۥدَ ٱلۡجِبَالَ يُسَبِّحۡنَ وَٱلطَّيۡرَۚ وَكُنَّا فَٰعِلِينَ ﴿٧٩﴾
ئينا مه سوله‌يمان تێگه‌هاند كو مه‌صلحه‌تا هه‌ردو لايان د گه‌ل دادییێ ب جهـ بينت، ڤێجا وى حوكم كر كو خودانێ په‌زى بيستانێ يێ دى دورست بكه‌ت و ل وى ده‌مێ ئه‌و بيستانى چێ دكه‌ت په‌زێ وى ل نك خودانێ بيستانى بت دا مفاى بۆ خۆ ژ شير وهرییا وى ببينت، پاشى په‌ز بۆ خودانێ خۆ بزڤڕته‌ڤه وبيستان بۆ خودانێ خۆ؛ چونكى بهايێ وان هندى ئێكه، وهه‌ر دووان داوودى وسوله‌يمانى مه حوكم وزانين دايێ، ومه منه‌ت ل داوودى كر كو چيا وته‌يران د گه‌ل وى ته‌سبيحا خودێ دكر، وئه‌م بووين مه ئه‌و چه‌نده كرى.
وَعَلَّمۡنَٰهُ صَنۡعَةَ لَبُوسٖ لَّكُمۡ لِتُحۡصِنَكُم مِّنۢ بَأۡسِكُمۡۖ فَهَلۡ أَنتُمۡ شَٰكِرُونَ ﴿٨٠﴾
وخودێ -ب تايبه‌تى- داوود فێرى چێكرنا كومزرییێن خه‌له‌ك خه‌له‌ك كر، كو له‌ش ب ساناهى د ناڤ دا بلڤت؛ دا ئه‌و كومزرى شه‌ڕكه‌ران ژ دربێن چه‌كى بپارێزت، ئه‌رێ ڤێجا هوين دێ شوكرا خودێ كه‌ن سه‌را وێ قه‌نجییا وى د ڕێكا به‌نییێ خۆ داوودى ڕا ل هه‌وه كرى؟
وَلِسُلَيۡمَٰنَ ٱلرِّيحَ عَاصِفَةٗ تَجۡرِي بِأَمۡرِهِۦٓ إِلَى ٱلۡأَرۡضِ ٱلَّتِي بَٰرَكۡنَا فِيهَاۚ وَكُنَّا بِكُلِّ شَيۡءٍ عَٰلِمِينَ ﴿٨١﴾
ومه با بۆ سوله‌يمانى بنده‌ست كر خۆش دهات وئه‌و ويێن د گه‌ل وى د گه‌ل خۆ دبرن، ئه‌و با ب فه‌رمانا وى دچوو عه‌ردێ (به‌يتولمه‌قدسێ) ل (شامێ) يێ كو مه به‌ره‌كه‌ت ئێخستییێ، و ب ڕاستى زانينا مه دۆر ل هه‌مى تشتان گرتییه.
وَمِنَ ٱلشَّيَٰطِينِ مَن يَغُوصُونَ لَهُۥ وَيَعۡمَلُونَ عَمَلٗا دُونَ ذَٰلِكَۖ وَكُنَّا لَهُمۡ حَٰفِظِينَ ﴿٨٢﴾
ومه ژ شه‌يتانان هنده‌ك شه‌يتان بنده‌ستى سوله‌يمانى كربوون وان ئه‌و كار بۆ وى دكرن يێن كه‌سێ دى ژبلی وان نه‌دشيا بكه‌ت، ڤێجا ئه‌و دچوونه د بنێ ده‌ريايێ دا ودوڕ وگه‌وهه‌ر بۆ وى ژێ دئينانه ده‌رێ، ووان ئه‌و كار بۆ وى دكر يێ وى ژێ خواستبا، ووان نه‌دشيا د تشته‌كى دا بێ ئه‌مرییا وى بكه‌ن، خودێ ب هێز وشيانا خۆ ئه‌و بۆ وى پاراستن.