surah021سورەتا الأنبياء · ئایەتا ٨٨ ب تەفسیرا کوردی

وَأَدۡخَلۡنَٰهُمۡ فِي رَحۡمَتِنَآۖ إِنَّهُم مِّنَ ٱلصَّـٰلِحِينَ ﴿٨٦﴾

ومه‌ ئه‌و كرنه‌ د دلۆڤانییا خۆ دا، هندى ئه‌ون ئه‌و ژ وان بوون يێن ژ سه‌رڤه‌ و د دل دا دچاك، وگوهدارییا خودێ د ئه‌مر وفه‌رمانێن وى دا كرين.

وَذَا ٱلنُّونِ إِذ ذَّهَبَ مُغَٰضِبٗا فَظَنَّ أَن لَّن نَّقۡدِرَ عَلَيۡهِ فَنَادَىٰ فِي ٱلظُّلُمَٰتِ أَن لَّآ إِلَٰهَ إِلَّآ أَنتَ سُبۡحَٰنَكَ إِنِّي كُنتُ مِنَ ٱلظَّـٰلِمِينَ ﴿٨٧﴾

وتو به‌حسێ سه‌رهاتییا خودانێ نه‌هنگى بكه‌، كو يوونسێ كوڕێ مه‌تتايه‌، خودێ ئه‌و بۆ ملله‌تێ وى هنارتبوو ڤێجا وى گازییا خۆ گه‌هانده‌ وان به‌لێ وان باوه‌رى پێ نه‌ئينا، ئينا وى ژڤان ب عه‌زابێ دا وان به‌لێ ئه‌و ل خۆ نه‌زڤڕين، ووى صه‌بر ل سه‌ر وان نه‌كێشا وه‌كى خودێ فه‌رمان لێكرى، وئه‌و ب عێجزى ڤه‌ ژ ناڤ وان ده‌ركه‌فت، وسنگێ وى ژ نه‌گوهدارییا وان يێ ته‌نگ بوو، ووى هزركر كو خودێ ل وى ناگرت و ل سه‌ر ناكه‌ته‌ به‌رته‌نگى، ئينا خودێ ب گرتنێ وبه‌رته‌نگییا دژوار به‌لا ئينا سه‌رى، و د ده‌ريايێ دا نه‌هنگى ئه‌و داعويرا، ڤێجا وى د تارییا شه‌ڤێ وده‌ريايێ وزكێ نه‌هنگى دا ب تۆبه‌كرن ڤه‌ گازى خودايێ خۆ كر وئعتراف ب زۆردارییا خۆ كر كو وى صه‌بر ل سه‌ر ملله‌تێ خۆ نه‌كێشاى، وگۆت: ژ ته‌ پێڤه‌تر چو خودايێن حه‌ق نينن، پاكى بۆ ته‌ بت، هندى ئه‌ز بووم ئه‌ز ژ زۆرداران بووم.

فَٱسۡتَجَبۡنَا لَهُۥ وَنَجَّيۡنَٰهُ مِنَ ٱلۡغَمِّۚ وَكَذَٰلِكَ نُـۨجِي ٱلۡمُؤۡمِنِينَ ﴿٨٨﴾

ئينا ئه‌م د به‌رسڤا دوعايا وى هاتين، ومه‌ ئه‌و ژ ڤێ نه‌خۆشییا دژوار ڕزگاركر، و ب ڤى ڕه‌نگى ئه‌م خودان باوه‌رێن ڕاستگۆ ڕزگار دكه‌ين.

وَزَكَرِيَّآ إِذۡ نَادَىٰ رَبَّهُۥ رَبِّ لَا تَذَرۡنِي فَرۡدٗا وَأَنتَ خَيۡرُ ٱلۡوَٰرِثِينَ ﴿٨٩﴾

وتو به‌حسێ سه‌رهاتییا زه‌كه‌ريياى بكه‌ ده‌مێ وى گازى خودايێ خۆ كرى كو دوونده‌هێ بده‌تێ پشتى ئه‌و پيربووى وگۆتى: خودايێ من تو من نه‌هێله‌ ئێكانه‌ وبێ دوونده‌هـ، تو ميراتگره‌كى بده‌ من كو پشتى من د ناڤ مرۆڤان دا ب كارێ دينى ڕاببت، وتو چێترينێ وانى يێن دمينن، وتو چێترينێ وانى يێن ب باشى ميراتگرییا من دكه‌ن.

فَٱسۡتَجَبۡنَا لَهُۥ وَوَهَبۡنَا لَهُۥ يَحۡيَىٰ وَأَصۡلَحۡنَا لَهُۥ زَوۡجَهُۥٓۚ إِنَّهُمۡ كَانُواْ يُسَٰرِعُونَ فِي ٱلۡخَيۡرَٰتِ وَيَدۡعُونَنَا رَغَبٗا وَرَهَبٗاۖ وَكَانُواْ لَنَا خَٰشِعِينَ ﴿٩٠﴾

ئينا ئه‌م د به‌رسڤا دوعايا وى هاتين و د سه‌ر پيراتییا وى ڕا مه‌ كوڕێ وى يه‌حيا دايى، ومه‌ ژنكا وى وه‌ لێ كر ب كێر بچويكبوونێ بێت، هندى ئه‌و بوون ئه‌وان له‌ز د هه‌مى باشییان دا دكر، ووان دوعا ژ مه‌ دكرن ودلێ خۆ دبره‌ وێ يا ل نك مه‌ هه‌ى، و ژ عه‌زابا مه‌ دترسیان، وئه‌وان خۆ بۆ مه‌ دشكاند.