قورئانا پیرۆز › سورەتا الأنبياء › ئایەتا ٩٢
سورەتا الأنبياء · ئایەتا ٩٢ ب تەفسیرا کوردی
Al-Anbiya
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَٱسۡتَجَبۡنَا لَهُۥ وَوَهَبۡنَا لَهُۥ يَحۡيَىٰ وَأَصۡلَحۡنَا لَهُۥ زَوۡجَهُۥٓۚ إِنَّهُمۡ كَانُواْ يُسَٰرِعُونَ فِي ٱلۡخَيۡرَٰتِ وَيَدۡعُونَنَا رَغَبٗا وَرَهَبٗاۖ وَكَانُواْ لَنَا خَٰشِعِينَ ﴿٩٠﴾
ئينا ئه‌م د به‌رسڤا دوعايا وى هاتين و د سه‌ر پيراتییا وى ڕا مه كوڕێ وى يه‌حيا دايى، ومه ژنكا وى وه لێ كر ب كێر بچويكبوونێ بێت، هندى ئه‌و بوون ئه‌وان له‌ز د هه‌مى باشییان دا دكر، ووان دوعا ژ مه دكرن ودلێ خۆ دبره وێ يا ل نك مه هه‌ى، و ژ عه‌زابا مه دترسیان، وئه‌وان خۆ بۆ مه دشكاند.
وَٱلَّتِيٓ أَحۡصَنَتۡ فَرۡجَهَا فَنَفَخۡنَا فِيهَا مِن رُّوحِنَا وَجَعَلۡنَٰهَا وَٱبۡنَهَآ ءَايَةٗ لِّلۡعَٰلَمِينَ ﴿٩١﴾
وتو -ئه‌ى پێغه‌مبه‌ر- به‌حسێ سه‌رهاتییا مه‌ريه‌ما كچا عمرانى بكه ئه‌وا نامويسا خۆ ژ حه‌رامییێ پاراستى، و د هه‌مى ژيانا خۆ دا چو كرێتى نه‌كرين، ئينا خودێ جبريل -سلاڤ لێ بن- هنارته نك وێ، ووى پف كره به‌ريكا كراسێ وێ، و ب وێ پفكرنێ خودێ عيسا -سلاڤ لێ بن- ئافراند، ڤێجا ئه‌و -بێى كو وێ زه‌لام هه‌بت- ب وى گران بوو، ڤێجا ب وێ چه‌ندێ ئه‌و وكوڕێ وێ بوونه نيشانه‌ك ل سه‌ر شيانا خودێ، وعيبره‌ته‌ك بۆ مرۆڤان حه‌تا ڕۆژا قيامه‌تێ.
إِنَّ هَٰذِهِۦٓ أُمَّتُكُمۡ أُمَّةٗ وَٰحِدَةٗ وَأَنَا۠ رَبُّكُمۡ فَٱعۡبُدُونِ ﴿٩٢﴾
ئه‌ڤ پێغه‌مبه‌ره هه‌مى دينێ وان ئێك دين بوو، كو ئيسلامه، وئيسلام خۆ ب ده‌ست ڤه به‌ردانه بۆ خودێ وكرنا عيباده‌تییه بۆ وى ب تنێ، وخودايێ مه‌زن ئه‌وه خودايێ خه‌لكى هه‌مییێ ڤێجا هوين -گه‌لی مرۆڤان- په‌رستنا وى ب تنێ بكه‌ن.
وَتَقَطَّعُوٓاْ أَمۡرَهُم بَيۡنَهُمۡۖ كُلٌّ إِلَيۡنَا رَٰجِعُونَ ﴿٩٣﴾
به‌لێ ئه‌و د گه‌ل پێغه‌مبه‌رێن خۆ ب هه‌ڤڕكى چوون، وگه‌له‌ك ژ دويكه‌فتییێن وان پێغه‌مبه‌ران د دينى دا ژێك جودا بوون وبوونه پارت وده‌سته‌ك، ڤێجا وان عيباده‌تێ مرۆڤان ودلچوونان كر، وئه‌و هه‌مى دێ زڤڕنه نك مه، وحسێب د گه‌ل وان سه‌را كريارێن وان دێ ئێته‌كرن.
فَمَن يَعۡمَلۡ مِنَ ٱلصَّـٰلِحَٰتِ وَهُوَ مُؤۡمِنٞ فَلَا كُفۡرَانَ لِسَعۡيِهِۦ وَإِنَّا لَهُۥ كَٰتِبُونَ ﴿٩٤﴾
ڤێجا هه‌چییێ پێگيرییێ ب باوه‌رى ئينانا ب خودێ وپێغه‌مبه‌رێ وى بكه‌ت، و ژ به‌ر گوهدارى وپه‌رستنا خودێ وى كارێ چاك بكه‌ت يێ د شيانا وى دا بت، ئه‌وى كارێ وى نائێته ڤه‌شارتن، وخێرا وى به‌رزه نابت، ووى كارێ وى كرى ئه‌و د كيتابا خۆ دا دێ بينت ڕۆژا پشتى مرنێ ڕادبته‌ڤه.