قورئانا پیرۆز › سورەتا الأنفال › ئایەتا ١١
سورەتا الأنفال · ئایەتا ١١ ب تەفسیرا کوردی
Al-Anfal
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِذۡ تَسۡتَغِيثُونَ رَبَّكُمۡ فَٱسۡتَجَابَ لَكُمۡ أَنِّي مُمِدُّكُم بِأَلۡفٖ مِّنَ ٱلۡمَلَـٰٓئِكَةِ مُرۡدِفِينَ ﴿٩﴾
وهوين وێ قه‌نجییا خودێ ل ڕۆژا (به‌درێ) د گه‌ل هه‌وه كرى ل بيرا خۆ بينن، ده‌مێ هه‌وه سه‌ركه‌فتنا ل سه‌ر دوژمنى خواستى، ئينا خودێ داخوازا هه‌وه ب جهـ ئينا ده‌مێ گۆتى: ئه‌ز ب هزار ملیاكه‌تێن ژ عه‌سمانى ڤه دئێن دێ پشتا هه‌وه گرم، ئه‌و هنده‌ك ب دويڤ هنده‌كان دا دێ ئێنه خوار.
وَمَا جَعَلَهُ ٱللَّهُ إِلَّا بُشۡرَىٰ وَلِتَطۡمَئِنَّ بِهِۦ قُلُوبُكُمۡۚ وَمَا ٱلنَّصۡرُ إِلَّا مِنۡ عِندِ ٱللَّهِۚ إِنَّ ٱللَّهَ عَزِيزٌ حَكِيمٌ ﴿١٠﴾
وئه‌و پشته‌ڤانى بۆ هه‌وه خودێ كربوو مزگينییه‌ك بۆ سه‌ركه‌فتنێ، ودا دلێن هه‌وه پێ ڕحه‌ت وته‌نا ببن، ودا هه‌وه باوه‌رى ب سه‌ركه‌فتنا خودێ هه‌بت، وهندى سه‌ركه‌فتنه هه‌ما ژ نك خودێ ب تنێیه، وئه‌و نه ب هێز وزيره‌كییا هه‌وه‌يه. هندى خودێیه د ملكێ خۆ دا يێ زاله، وئه‌و د شريعه‌ت وڕێڤه‌برنا خۆ دا يێ كار بنه‌جهه.
إِذۡ يُغَشِّيكُمُ ٱلنُّعَاسَ أَمَنَةٗ مِّنۡهُ وَيُنَزِّلُ عَلَيۡكُم مِّنَ ٱلسَّمَآءِ مَآءٗ لِّيُطَهِّرَكُم بِهِۦ وَيُذۡهِبَ عَنكُمۡ رِجۡزَ ٱلشَّيۡطَٰنِ وَلِيَرۡبِطَ عَلَىٰ قُلُوبِكُمۡ وَيُثَبِّتَ بِهِ ٱلۡأَقۡدَامَ ﴿١١﴾
ده‌مێ بۆ ته‌ناهییا ژ دوژمنى خودێ نقرۆسك ب سه‌ر هه‌وه دا هنارتى، وئه‌و ژ عه‌وران ئاڤه‌كا پاقژ ب سه‌ر هه‌وه دا دهنێرت؛ دا هه‌وه پێ ژ پيساتییێن ئاشكه‌را پاقژ بكه‌ت، ودا ئه‌و دودلى وهزرێن شه‌يتانى ژ دلێن هه‌وه بينته ده‌ر، ودا دلێن هه‌وه ل ده‌مێ شه‌ڕى ب صه‌برێ موكم بكه‌ت، ودا ئه‌و ب ته‌ڕكرنا خيزى پییێن خودان باوه‌ران ل عه‌ردى موكم بكه‌ت حه‌تا ئه‌و نه‌ته‌حسن.
إِذۡ يُوحِي رَبُّكَ إِلَى ٱلۡمَلَـٰٓئِكَةِ أَنِّي مَعَكُمۡ فَثَبِّتُواْ ٱلَّذِينَ ءَامَنُواْۚ سَأُلۡقِي فِي قُلُوبِ ٱلَّذِينَ كَفَرُواْ ٱلرُّعۡبَ فَٱضۡرِبُواْ فَوۡقَ ٱلۡأَعۡنَاقِ وَٱضۡرِبُواْ مِنۡهُمۡ كُلَّ بَنَانٖ ﴿١٢﴾
ده‌مێ خودايێ ته -ئه‌ى پێغه‌مبه‌ر- وه‌حى بۆ وان فريشته‌يان هنارتى يێن وى پشته‌ڤانییا خودان باوه‌ران ل ڕۆژا (به‌درێ) پێ كرى، كو ئه‌زێ د گه‌ل هه‌وه، ئه‌ز هاريكارى وپشته‌ڤانییا هه‌وه دكه‌م، ڤێجا هوين وان يێن باوه‌رى ئيناى ب هێز بێخن، ئه‌ز دێ ترسه‌كا دژوار وشكه‌ستنێ هاڤێمه دلێن وان يێن باوه‌رى نه‌ئيناى، ڤێجا هوين -گه‌لى خودان باوه‌ران- ل سه‌رێ كافران بده‌ن، و ل هه‌مى گه‌هـ ولايێن وان بده‌ن.
ذَٰلِكَ بِأَنَّهُمۡ شَآقُّواْ ٱللَّهَ وَرَسُولَهُۥۚ وَمَن يُشَاقِقِ ٱللَّهَ وَرَسُولَهُۥ فَإِنَّ ٱللَّهَ شَدِيدُ ٱلۡعِقَابِ ﴿١٣﴾
ئه‌ڤا هه يا كو ب سه‌رێ كافران هاتى ژ لێدانا سه‌ر وگه‌ه وستويان؛ ژ به‌ر نه‌گوهدارییا وانه بۆ ئه‌مرێ خودێ وپێغه‌مبه‌رێ وى، وهه‌چییێ بێ ئه‌مرییا خودێ وپێغه‌مبه‌رێ وى بكه‌ت، هندى خودێیه ل دنيايێ وئاخره‌تێ دێ جزایه‌كێ دژوار ده‌ته وى.