قورئانا پیرۆز › سورەتا الأنفال › ئایەتا ٢٥
سورەتا الأنفال · ئایەتا ٢٥ ب تەفسیرا کوردی
Al-Anfal
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَوۡ عَلِمَ ٱللَّهُ فِيهِمۡ خَيۡرٗا لَّأَسۡمَعَهُمۡۖ وَلَوۡ أَسۡمَعَهُمۡ لَتَوَلَّواْ وَّهُم مُّعۡرِضُونَ ﴿٢٣﴾
وئه‌گه‌ر خودێ زانيبا خێره‌ك د ڤان دا هه‌يه، دا وه ل وان كه‌ت كو وان گوهـ ل شيره‌تێن قورئانێ ببا و د ده‌ليلێن خودێ گه‌هشتبان، به‌لێ وى زانى كو چو خێر د ڤان دا نينه وكو ئه‌و باوه‌رییێ نائينن، وئه‌گه‌ر خۆ وى وه ل وان كربا كو وان گوهـ لێ ببا ژى ژ هه‌ڤڕكى ئه‌و دا چن پشتا خۆ ده‌نه باوه‌رییێ پشتى تێ دگه‌هشتن ژى، ووان ب چو ڕه‌نگان به‌رێ خۆ نه‌ددا حه‌قییێ.
يَـٰٓأَيُّهَا ٱلَّذِينَ ءَامَنُواْ ٱسۡتَجِيبُواْ لِلَّهِ وَلِلرَّسُولِ إِذَا دَعَاكُمۡ لِمَا يُحۡيِيكُمۡۖ وَٱعۡلَمُوٓاْ أَنَّ ٱللَّهَ يَحُولُ بَيۡنَ ٱلۡمَرۡءِ وَقَلۡبِهِۦ وَأَنَّهُۥٓ إِلَيۡهِ تُحۡشَرُونَ ﴿٢٤﴾
ئه‌ى ئه‌وێن باوه‌رى ب خودێ وپێغه‌مبه‌رى وئیسلامێ ئيناى، ب گوهدارییێ هوین د به‌رسڤا خودێ وپيغه‌مبه‌رى وه‌رن، ئه‌گه‌ر وان هوين بۆ وێ حه‌قییێ گازيكرن يا هوين پێ زێندى ببن، و د گوهدانا هه‌وه دا چاكییا دنيا وئاخره‌تا هه‌وه هه‌يه، وهوين -گه‌لى خودان باوه‌ران- بزانن هندى خودێیه ئه‌وه هه‌مى تشتان ب ڕێڤه دبه‌ت، وئه‌وه يێ دشێت بكه‌ڤته د ناڤبه‌را مرۆڤى ووى تشتى دا يێ دلێ وى دچتێ، وهوين بزانن كو هوين بۆ ڕۆژه‌كا گومان تێدا نه‌بت دێ ئێنه كۆمكرن.
وَٱتَّقُواْ فِتۡنَةٗ لَّا تُصِيبَنَّ ٱلَّذِينَ ظَلَمُواْ مِنكُمۡ خَآصَّةٗۖ وَٱعۡلَمُوٓاْ أَنَّ ٱللَّهَ شَدِيدُ ٱلۡعِقَابِ ﴿٢٥﴾
وهوين -گه‌لى خودان باوه‌ران- هشيارى فتنه‌كێ بن خراب ونه‌خراب پێ دئێنه جه‌رباندن، نه ب تنێ ب سه‌ر گونه‌هكاران دا دئێت، به‌لكى ئه‌و ب سه‌ر وان چاكان ژى دا دئێت يێن دشێن ل سه‌ر كرنا خرابییێ خۆ نه‌ڕازى كه‌ن به‌لێ خۆ نه‌ڕازى ناكه‌ن، وهوين بزانن هندى خودێیه يێ عه‌زاب دژواره بۆ وى يێ بێ ئه‌مرییا وى بكه‌ت.
وَٱذۡكُرُوٓاْ إِذۡ أَنتُمۡ قَلِيلٞ مُّسۡتَضۡعَفُونَ فِي ٱلۡأَرۡضِ تَخَافُونَ أَن يَتَخَطَّفَكُمُ ٱلنَّاسُ فَـَٔاوَىٰكُمۡ وَأَيَّدَكُم بِنَصۡرِهِۦ وَرَزَقَكُم مِّنَ ٱلطَّيِّبَٰتِ لَعَلَّكُمۡ تَشۡكُرُونَ ﴿٢٦﴾
وهوين وان قه‌نجییان بيننه بيرا خۆ يێن خودێ د گه‌ل هه‌وه كرين ده‌مێ هوين ل (مه‌كه‌هێ) دكێم وبن ده‌ست، هوين دترسیان كافر ب له‌ز هه‌وه ڤه‌ڕه‌ڤينن، ئينا وى جهه‌كێ ڤه‌حه‌ويانێ كو (مه‌دينه) بوو بۆ هه‌وه په‌يداكر، ووى ب سه‌ركه‌فتنا خۆ ل سه‌ر وان ل ڕۆژا (به‌درێ) پشته‌ڤانییا هه‌وه كر، ومالێ وان بۆ هه‌وه كره ده‌سكه‌فتى و ب حه‌لالى دا هه‌وه؛ دا هوين سوپاسییا وى بكه‌ن.
يَـٰٓأَيُّهَا ٱلَّذِينَ ءَامَنُواْ لَا تَخُونُواْ ٱللَّهَ وَٱلرَّسُولَ وَتَخُونُوٓاْ أَمَٰنَٰتِكُمۡ وَأَنتُمۡ تَعۡلَمُونَ ﴿٢٧﴾
ئه‌ى ئه‌وێن باوه‌رى ب خودێ وپێغه‌مبه‌رێ وى ئيناى، وكار ب شریعه‌تێ وى كرى، هوین خيانه‌تێ ل خودێ وپيغه‌مبه‌رێ وى نه‌كه‌ن كو وى تشتى بهێلن يێ خودێ كرنا وى ل سه‌ر هه‌وه فه‌ركرى، ووى تشتى بكه‌ن يێ وى هوين ژێ داينه پاش، وهوين ته‌خسيرییێ د وى ئێمانه‌تى دا نه‌كه‌ن يێ خودێ كرییه د ده‌ستێ هه‌وه دا، وهوين دزانن كو ئه‌و ئێمانه‌ته ودڤێت بێته پاراستن.