قورئانا پیرۆز › سورەتا الأنفال › ئایەتا ٣
سورەتا الأنفال · ئایەتا ٣ ب تەفسیرا کوردی
Al-Anfal
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
يَسۡـَٔلُونَكَ عَنِ ٱلۡأَنفَالِۖ قُلِ ٱلۡأَنفَالُ لِلَّهِ وَٱلرَّسُولِۖ فَٱتَّقُواْ ٱللَّهَ وَأَصۡلِحُواْ ذَاتَ بَيۡنِكُمۡۖ وَأَطِيعُواْ ٱللَّهَ وَرَسُولَهُۥٓ إِن كُنتُم مُّؤۡمِنِينَ ﴿١﴾
ئه‌ى پێغه‌مبه‌ر هه‌ڤالێن ته پسيارا ده‌سكه‌فتییێن ڕۆژا (به‌درێ) ژ ته دكه‌ن كانێ چاوا تو دێ وان د ناڤبه‌را وان دا لێكڤه‌كه‌ى؟ تو بێژه وان: هندى مه‌سه‌لا ده‌سكه‌فتییانه بۆ خودێ وپێغه‌مبه‌رێ وییه، پێغه‌مبه‌ر ب فه‌رمانا خودايێ خۆ دێ وان لێكڤه كه‌ت، ڤێجا هوين ژ عه‌زابا خودێ بترسن وبێ ئه‌مرییا وى نه‌كه‌ن، وهه‌ڤڕكییێ سه‌را ڤى مالى نه‌كه‌ن، و د ناڤبه‌را خۆ دا حالى چاك بكه‌ن، وپێگيرییێ ب گوهدارییا خودێ وپێغه‌مبه‌رێ وى بكه‌ن، ئه‌گه‌ر هوين دخودان باوه‌رن؛ چونكى باوه‌رى هندێ دخوازت گوهدارییا خودێ وپێغه‌مبه‌رێ وى بێته‌كرن.
إِنَّمَا ٱلۡمُؤۡمِنُونَ ٱلَّذِينَ إِذَا ذُكِرَ ٱللَّهُ وَجِلَتۡ قُلُوبُهُمۡ وَإِذَا تُلِيَتۡ عَلَيۡهِمۡ ءَايَٰتُهُۥ زَادَتۡهُمۡ إِيمَٰنٗا وَعَلَىٰ رَبِّهِمۡ يَتَوَكَّلُونَ ﴿٢﴾
هه‌ما خودان باوه‌رێن ڕاست ودورست ب خودێ ئه‌ون يێن ئه‌گه‌ر به‌حسێ خودێ هاته‌كرن دلێن وان ڤه‌دله‌رزن، وئه‌گه‌ر ئايه‌تێن قورئانێ بۆ وان هاتنه خواندن باوه‌رییا وان پتر لێ دئێت، وئه‌و خۆ دهێلنه ب هيڤییا خودێ ڤه، نه ئه‌و هيڤییێ ژ كه‌سێ دى دكه‌ن، ونه ژ كه‌سێ دى دترسن.
ٱلَّذِينَ يُقِيمُونَ ٱلصَّلَوٰةَ وَمِمَّا رَزَقۡنَٰهُمۡ يُنفِقُونَ ﴿٣﴾
ئه‌وێن به‌رده‌وام نڤێژان ل ده‌مێ وان دكه‌ن، و ژ وى ڕزقێ مه دايێ ئه‌و وێ دده‌ن يا مه فه‌رمان پێ ل وان كرى.
أُوْلَـٰٓئِكَ هُمُ ٱلۡمُؤۡمِنُونَ حَقّٗاۚ لَّهُمۡ دَرَجَٰتٌ عِندَ رَبِّهِمۡ وَمَغۡفِرَةٞ وَرِزۡقٞ كَرِيمٞ ﴿٤﴾
ئه‌ڤه، يێن ڤان كاران دكه‌ن ئه‌ون یێن ب سه‌رڤه و د دل دا ب دورستى باوه‌رى ب وێ ئیناى يا خودێ بۆ وان هنارتى، جهێن بلند بۆ وان ل نك خودێ هه‌نه، ولێبۆرينا ژ گونه‌هان بۆ وان هه‌يه، وڕزقه‌كێ ب بها ژى، كو به‌حشته.
كَمَآ أَخۡرَجَكَ رَبُّكَ مِنۢ بَيۡتِكَ بِٱلۡحَقِّ وَإِنَّ فَرِيقٗا مِّنَ ٱلۡمُؤۡمِنِينَ لَكَٰرِهُونَ ﴿٥﴾
كانێ چاوا ده‌مێ هوين د لێكڤه‌كرنا ده‌سكه‌فتییان دا ژێك جودا بووین خودێ ئه‌و ژ ده‌ستێ هه‌وه ئينا ده‌رێ، ولێكڤه‌كرنا وان هێلا ب هيڤییا خۆ وپێغه‌مبه‌رێ خۆ ڤه، هه‌ر وه‌سا خودايێ ته -ئه‌ى پێغه‌مبه‌ر- ب وێ وه‌حییا جبريل بۆ ته پێ هاتى فه‌رمان ل ته كر كو تو ژ (مه‌دينێ) ده‌ركه‌ڤى دا به‌ر سنگێ كاروانێ قوره‌يشییان بگرى، هه‌ر چه‌نده ده‌سته‌كه‌كێ ژ خودان باوه‌ران پێ نه‌خۆش بوو ژى.