قورئانا پیرۆز › سورەتا الأنفال › ئایەتا ٥٢
سورەتا الأنفال · ئایەتا ٥٢ ب تەفسیرا کوردی
Al-Anfal
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَوۡ تَرَىٰٓ إِذۡ يَتَوَفَّى ٱلَّذِينَ كَفَرُواْ ٱلۡمَلَـٰٓئِكَةُ يَضۡرِبُونَ وُجُوهَهُمۡ وَأَدۡبَٰرَهُمۡ وَذُوقُواْ عَذَابَ ٱلۡحَرِيقِ ﴿٥٠﴾
وئه‌گه‌ر تو -ئه‌ى پێغه‌مبه‌ر- ببينى ده‌مێ فريشته ڕحێن كافران دستينن، وئه‌و ل ده‌مێ هاتنا وان ل ڕوییێن وان دده‌ن، و ل ده‌مێ ڕه‌ڤينا وان ل پاشییێن وان دده‌ن، ودبێژنه وان: تام بكه‌نه عه‌زابا سۆژه‌ك، ئه‌گه‌ر تو وێ چه‌ندێ ببينى كاره‌كێ مه‌زن دێ بينى. وئه‌ڤه ئه‌گه‌ر ژ به‌ر شه‌ڕێ به‌درێ هات بت ژى ئه‌و یا گشتییه د حه‌قێ هه‌مى كافران دا.
ذَٰلِكَ بِمَا قَدَّمَتۡ أَيۡدِيكُمۡ وَأَنَّ ٱللَّهَ لَيۡسَ بِظَلَّـٰمٖ لِّلۡعَبِيدِ ﴿٥١﴾
ئه‌وا هه یا ب سه‌رێ هه‌وه -گه‌لى بوتپه‌رێسان- هاتى، ژ به‌ر كريارێن هه‌وه يێن خرابه ل دنیایێ، وخودێ هندى زه‌رره‌یه‌كێ ژى زۆردارییێ ل كه‌سه‌كێ ژ چێكرییێن خۆ ناكه‌ت، به‌لكى ئه‌و فه‌رمان ڕه‌وایه‌كێ دادكه‌ره يێ كو زۆردارییێ ناكه‌ت.
كَدَأۡبِ ءَالِ فِرۡعَوۡنَ وَٱلَّذِينَ مِن قَبۡلِهِمۡۚ كَفَرُواْ بِـَٔايَٰتِ ٱللَّهِ فَأَخَذَهُمُ ٱللَّهُ بِذُنُوبِهِمۡۚ إِنَّ ٱللَّهَ قَوِيّٞ شَدِيدُ ٱلۡعِقَابِ ﴿٥٢﴾
ئه‌وا وێ ڕۆژێ ب سه‌رێ بوتپه‌رێسان هاتى ئه‌و ڕێبازه يا خودێ د عه‌زابدانا سه‌رداچوويێن ملله‌تێن به‌رێ دا ب كار دئيناى، وه‌كى فيرعه‌ونى ويێن به‌رى وى، ده‌مێ وان باوه‌رى ب ئايه‌تێن خودێ نه‌ئيناى وپێغه‌مبه‌رێن وى دره‌وين ده‌رێخستين، ئينا خودێ ژ به‌ر گونه‌هێن وان عه‌زابا خۆ داڕێته سه‌ر وان. هندى خودێیه يێ ب هێزه كه‌س نه‌شێتێ، يێ عه‌زاب دژواره بۆ وى يێ گوهدارییا وى نه‌كه‌ت وتۆبه نه‌كه‌ت.
ذَٰلِكَ بِأَنَّ ٱللَّهَ لَمۡ يَكُ مُغَيِّرٗا نِّعۡمَةً أَنۡعَمَهَا عَلَىٰ قَوۡمٍ حَتَّىٰ يُغَيِّرُواْ مَا بِأَنفُسِهِمۡ وَأَنَّ ٱللَّهَ سَمِيعٌ عَلِيمٞ ﴿٥٣﴾
ئه‌ڤ جزايێ خراب ژ به‌ر هندێيه چونكى نه‌بوويه ئه‌گه‌ر خودێ قه‌نجییه‌كێ د گه‌ل ملله‌ته‌كى بكه‌ت جاره‌كا دى ئه‌و وێ قه‌نجییێ ژ وان بستينت حه‌تا ئه‌و حالێ خۆ نه‌گوهۆڕن ژ باشییێ بۆ خرابییێ، وهندى خودێیه گوهدێرێ گۆتنێن به‌نییێن خۆيه، يێ پڕزانايه ب حالێ وان، ووێ د گه‌ل وان دكه‌ت يا زانین وحه‌زكرنا وى دخوازت.
كَدَأۡبِ ءَالِ فِرۡعَوۡنَ وَٱلَّذِينَ مِن قَبۡلِهِمۡۚ كَذَّبُواْ بِـَٔايَٰتِ رَبِّهِمۡ فَأَهۡلَكۡنَٰهُم بِذُنُوبِهِمۡ وَأَغۡرَقۡنَآ ءَالَ فِرۡعَوۡنَۚ وَكُلّٞ كَانُواْ ظَٰلِمِينَ ﴿٥٤﴾
مه‌ته‌لا ڤان كافران د ڤێ چه‌ندێ دا وه‌كى مه‌ته‌لا ملله‌تێ فيرعه‌ونییه ئه‌وێن مووسا دره‌وين ده‌رێخستى، ووه‌كى مه‌ته‌لا ملله‌تێن به‌رێیه ژى يێن پێغه‌مبه‌رێن خۆ دره‌وين ده‌رێخستين ڤێجا ژ به‌ر گونه‌هێن وان خودێ ئه‌و تێبرن، ووى ده‌سته‌كا فيرعه‌ونى د ده‌ريايێ دا خه‌ندقاندن، ووان ئه‌و دكر يا بۆ وان چێ نه‌دبوو ئه‌و بكه‌ن كو پێغه‌مبه‌رێن خودێ دره‌وين ده‌رێخستين وكوفر ب ئايه‌تێن وى كرى، وشريك بۆ وى د په‌رستنێ دا داناين.