قورئانا پیرۆز › سورەتا الأنفال › ئایەتا ٦٢
سورەتا الأنفال · ئایەتا ٦٢ ب تەفسیرا کوردی
Al-Anfal
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَأَعِدُّواْ لَهُم مَّا ٱسۡتَطَعۡتُم مِّن قُوَّةٖ وَمِن رِّبَاطِ ٱلۡخَيۡلِ تُرۡهِبُونَ بِهِۦ عَدُوَّ ٱللَّهِ وَعَدُوَّكُمۡ وَءَاخَرِينَ مِن دُونِهِمۡ لَا تَعۡلَمُونَهُمُ ٱللَّهُ يَعۡلَمُهُمۡۚ وَمَا تُنفِقُواْ مِن شَيۡءٖ فِي سَبِيلِ ٱللَّهِ يُوَفَّ إِلَيۡكُمۡ وَأَنتُمۡ لَا تُظۡلَمُونَ ﴿٦٠﴾
وهوين -گه‌لى موسلمانان- بۆ به‌رسنكگرتنا دوژمنى هه‌ر تشته‌كێ هوين بشێن ژ هێزێ وهژمارێ ئاماده بكه‌ن؛ دا هوين ب وێ چه‌ندێ ترسێ بهاڤێنه دلێ نه‌يارێن خودێ ونه‌يارێن خۆ ئه‌وێن ل به‌ر هه‌وه ددانن، ودا هوين وان ژى بترسينن يێن هێشتا دوژمنییا خۆ بۆ هه‌وه ئاشكه‌را نه‌كرى، به‌لێ خودێ وان دنیاست و ب يا د دلێ وان دا يێ زانايه. وهه‌ر ماله‌كى يان تشته‌كێ هوين د ڕێكا خودێ دا خه‌رج بكه‌ن بۆ به‌ڕه‌ڤانییا ژ ئيسلامێ خودێ د دنيايێ دا دێ بۆ هه‌وه به‌ده‌ل ڤه‌كه‌ت، وئه‌و دێ خێرا وى ل ئاخره‌تێ ده‌ته هه‌وه، وتشته‌ك ژ خێرا هه‌وه ژ هه‌وه نائێته كێمكرن.
۞وَإِن جَنَحُواْ لِلسَّلۡمِ فَٱجۡنَحۡ لَهَا وَتَوَكَّلۡ عَلَى ٱللَّهِۚ إِنَّهُۥ هُوَ ٱلسَّمِيعُ ٱلۡعَلِيمُ ﴿٦١﴾
وئه‌گه‌ر وان مه‌يلا ئاشتییێ كر وخۆ ژ شه‌ڕى دا پاش، تو ژى -ئه‌ى پێغه‌مبه‌ر- مه‌يلێ بۆ وێ چه‌ندێ بكه وخۆ بهێله ب هيڤییا خودێ ڤه، وباوه‌رییا خۆ ب وى موكم بكه. هندى ئه‌وه ئه‌و گوهدێرێ گۆتنێن وانه، يێ پڕزانايه ب ئنيه‌تێن وان.
وَإِن يُرِيدُوٓاْ أَن يَخۡدَعُوكَ فَإِنَّ حَسۡبَكَ ٱللَّهُۚ هُوَ ٱلَّذِيٓ أَيَّدَكَ بِنَصۡرِهِۦ وَبِٱلۡمُؤۡمِنِينَ ﴿٦٢﴾
وئه‌گه‌ر ئه‌وێن په‌يمان دایه ته دلێ خۆ بره خاپاندنا ته خودێ به‌سى ته‌يه كو نه‌هێلت پيلانێن وان سه‌رى بگرن، هندى ئه‌وه ئه‌وى ب سه‌ركه‌فتنا خۆ و ب موهاجرى وئه‌نصارییێن خودان باوه‌ر پشته‌ڤانییا ته كر.
وَأَلَّفَ بَيۡنَ قُلُوبِهِمۡۚ لَوۡ أَنفَقۡتَ مَا فِي ٱلۡأَرۡضِ جَمِيعٗا مَّآ أَلَّفۡتَ بَيۡنَ قُلُوبِهِمۡ وَلَٰكِنَّ ٱللَّهَ أَلَّفَ بَيۡنَهُمۡۚ إِنَّهُۥ عَزِيزٌ حَكِيمٞ ﴿٦٣﴾
ووى دلێن وان پشتى ژێكڤه‌بوونێ گه‌هاندنه ئێك، ئه‌گه‌ر ته مالێ دنيايێ هه‌مى خه‌رج كربا دا دلێن وان بگه‌هينییه ئێك تو نه دشياى وێ چه‌ندێ بكه‌ى، به‌لێ خودێ ئه‌و ل سه‌ر باوه‌رییێ گه‌هاندنه ئێك وئه‌و هه‌مى بوونه برايێن ئێك، هندى ئه‌وه ئه‌و د ملكێ خۆ دا يێ زاله، و د كار وڕێڤه‌برنا خۆ دا يێ كاربنه‌جهه.
يَـٰٓأَيُّهَا ٱلنَّبِيُّ حَسۡبُكَ ٱللَّهُ وَمَنِ ٱتَّبَعَكَ مِنَ ٱلۡمُؤۡمِنِينَ ﴿٦٤﴾
ئه‌ى پيغه‌مبه‌ر خودێ به‌سى ته‌يه، وبه‌سى وانه يێن د گه‌ل ته ژ خودان باوه‌ران كو خرابییا دوژمنێن هه‌وه ژ هه‌وه دوير بكه‌ت.