قورئانا پیرۆز › سورەتا الأنفال › ئایەتا ٦٥
سورەتا الأنفال · ئایەتا ٦٥ ب تەفسیرا کوردی
Al-Anfal
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَأَلَّفَ بَيۡنَ قُلُوبِهِمۡۚ لَوۡ أَنفَقۡتَ مَا فِي ٱلۡأَرۡضِ جَمِيعٗا مَّآ أَلَّفۡتَ بَيۡنَ قُلُوبِهِمۡ وَلَٰكِنَّ ٱللَّهَ أَلَّفَ بَيۡنَهُمۡۚ إِنَّهُۥ عَزِيزٌ حَكِيمٞ ﴿٦٣﴾
ووى دلێن وان پشتى ژێكڤه‌بوونێ گه‌هاندنه ئێك، ئه‌گه‌ر ته مالێ دنيايێ هه‌مى خه‌رج كربا دا دلێن وان بگه‌هينییه ئێك تو نه دشياى وێ چه‌ندێ بكه‌ى، به‌لێ خودێ ئه‌و ل سه‌ر باوه‌رییێ گه‌هاندنه ئێك وئه‌و هه‌مى بوونه برايێن ئێك، هندى ئه‌وه ئه‌و د ملكێ خۆ دا يێ زاله، و د كار وڕێڤه‌برنا خۆ دا يێ كاربنه‌جهه.
يَـٰٓأَيُّهَا ٱلنَّبِيُّ حَسۡبُكَ ٱللَّهُ وَمَنِ ٱتَّبَعَكَ مِنَ ٱلۡمُؤۡمِنِينَ ﴿٦٤﴾
ئه‌ى پيغه‌مبه‌ر خودێ به‌سى ته‌يه، وبه‌سى وانه يێن د گه‌ل ته ژ خودان باوه‌ران كو خرابییا دوژمنێن هه‌وه ژ هه‌وه دوير بكه‌ت.
يَـٰٓأَيُّهَا ٱلنَّبِيُّ حَرِّضِ ٱلۡمُؤۡمِنِينَ عَلَى ٱلۡقِتَالِۚ إِن يَكُن مِّنكُمۡ عِشۡرُونَ صَٰبِرُونَ يَغۡلِبُواْ مِاْئَتَيۡنِۚ وَإِن يَكُن مِّنكُم مِّاْئَةٞ يَغۡلِبُوٓاْ أَلۡفٗا مِّنَ ٱلَّذِينَ كَفَرُواْ بِأَنَّهُمۡ قَوۡمٞ لَّا يَفۡقَهُونَ ﴿٦٥﴾
ئه‌ى پيغه‌مبه‌ر تو خودان باوه‌ران بۆ شه‌ڕكرنێ پال بده، ئه‌گه‌ر بيستێن بێنفره‌هـ د ناڤ هه‌وه دا هه‌بن ده‌مێ هوين به‌رانبه‌ر دوژمنى ڕادوه‌ستن هوين دێ شێنه دوسه‌دان ژ وان، وئه‌گه‌ر سه‌دێن جيهادكه‌ر وبێنفره‌هـ د ناڤ هه‌وه دا هه‌بن هوين دێ شێنه هزار كافران؛ چونكى ئه‌و ملله‌ته‌كن نزانن كانێ خودێ چ بۆ موجاهدان ئاماده‌كرییه، وهه‌ما ب تنێ بۆ خرابكارى وخۆمه‌زنكرنا د عه‌ردى دا ئه‌و شه‌ڕى دكه‌ن.
ٱلۡـَٰٔنَ خَفَّفَ ٱللَّهُ عَنكُمۡ وَعَلِمَ أَنَّ فِيكُمۡ ضَعۡفٗاۚ فَإِن يَكُن مِّنكُم مِّاْئَةٞ صَابِرَةٞ يَغۡلِبُواْ مِاْئَتَيۡنِۚ وَإِن يَكُن مِّنكُمۡ أَلۡفٞ يَغۡلِبُوٓاْ أَلۡفَيۡنِ بِإِذۡنِ ٱللَّهِۗ وَٱللَّهُ مَعَ ٱلصَّـٰبِرِينَ ﴿٦٦﴾
نوكه گه‌لى خودان باوه‌ران ژ به‌ر لاوازییا هه‌وه خودێ ل سه‌ر هه‌وه سڤك كر، ڤێجا ئه‌گه‌ر سه‌دێن بێنفره‌هـ د ناڤ هه‌وه دا هه‌بن دێ شێنه دوسه‌د كافران، وئه‌گه‌ر هزار ژ هه‌وه هه‌بن ب ئانه‌هییا خودێ دێ شێنه دو هزاران ژ وان. وخودێ ب سه‌ركه‌فتن وپشته‌ڤانییا خۆ يێ د گه‌ل بێنفره‌هان.
مَا كَانَ لِنَبِيٍّ أَن يَكُونَ لَهُۥٓ أَسۡرَىٰ حَتَّىٰ يُثۡخِنَ فِي ٱلۡأَرۡضِۚ تُرِيدُونَ عَرَضَ ٱلدُّنۡيَا وَٱللَّهُ يُرِيدُ ٱلۡأٓخِرَةَۗ وَٱللَّهُ عَزِيزٌ حَكِيمٞ ﴿٦٧﴾
نه‌بوويه بۆ پێغه‌مبه‌ره‌كى كو وى ئێخسير هه‌بن حه‌تا ئه‌و گه‌له‌ك كوشتنێ بكه‌ت؛ دا ترسێ بێخته دلێن نه‌ياران وستوينێن دينى موكم بدانت، هه‌وه -گه‌لى موسلمانان- ب وه‌رگرتنا فديێ ژ ئێخسيرێن (به‌درێ) په‌رتالێ دنيايێ دڤێت، وخودێ دڤێت دينێ خۆ يێ كو مرۆڤ پێ دگه‌هته ئاخره‌تێ ئاشكه‌را بكه‌ت. وخودێ يێ زاله كه‌س نه‌شێتێ، و ئه‌و د شريعه‌تێ خۆ دا يێ كاربنه‌جهه.