قورئانا پیرۆز › سورەتا الأنفال › ئایەتا ٧٢
سورەتا الأنفال · ئایەتا ٧٢ ب تەفسیرا کوردی
Al-Anfal
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
يَـٰٓأَيُّهَا ٱلنَّبِيُّ قُل لِّمَن فِيٓ أَيۡدِيكُم مِّنَ ٱلۡأَسۡرَىٰٓ إِن يَعۡلَمِ ٱللَّهُ فِي قُلُوبِكُمۡ خَيۡرٗا يُؤۡتِكُمۡ خَيۡرٗا مِّمَّآ أُخِذَ مِنكُمۡ وَيَغۡفِرۡ لَكُمۡۚ وَٱللَّهُ غَفُورٞ رَّحِيمٞ ﴿٧٠﴾
ئه‌ى پێغه‌مبه‌ر تو بێژه وان يێن هه‌وه ل (به‌درێ) ئێخسيركرين: هوين ل سه‌ر وێ فديا ژ هه‌وه هاتییه وه‌رگرتن ب خه‌م نه‌كه‌ڤن، ئه‌گه‌ر خودێ بزانت خێره‌ك د دلێن هه‌وه دا هه‌يه تشته‌كێ چێتر ژ وى يێ ژ هه‌وه هاتییه ستاندن دێ ده‌ته هه‌وه كو دلێن هه‌وه بۆ ئيسلامێ فره‌هـ بكه‌ت، وگونه‌هێن هه‌وه بۆ هه‌وه ژێ ببه‌ت، وخودێ ئه‌ڤ سۆزا خۆ بۆ عه‌بباسى -سلاڤ لێ بن- وهنده‌كێن دى ب جهئینا. وخودێ باش گونه‌هـ ژێبرێ گونه‌هێن به‌نییێن خۆيه، يێ دلۆڤانكاره ب وان.
وَإِن يُرِيدُواْ خِيَانَتَكَ فَقَدۡ خَانُواْ ٱللَّهَ مِن قَبۡلُ فَأَمۡكَنَ مِنۡهُمۡۗ وَٱللَّهُ عَلِيمٌ حَكِيمٌ ﴿٧١﴾
وئه‌گه‌ر ئه‌وێن ته -ئه‌ى پێغه‌مبه‌ر- ژ ئێخسيرییێ به‌رداين بڤێن جاره‌كا دى خيانه‌تێ ل ته بكه‌ن تو بێ هيڤى نه‌به؛ چونكى وان به‌رى نوكه خيانه‌ت ل خودێ ژى كربوو وشه‌ڕێ ته كربوو، وخودێ تو ب سه‌ر وان ئێخستى. وخودێ يێ پڕزانايه ب وى تشتێ د سنگێ وان دا ڤه‌شارتى، يێ كاربنه‌جهه د ڕێڤه‌برنا كارێن به‌نییێن خۆ دا.
إِنَّ ٱلَّذِينَ ءَامَنُواْ وَهَاجَرُواْ وَجَٰهَدُواْ بِأَمۡوَٰلِهِمۡ وَأَنفُسِهِمۡ فِي سَبِيلِ ٱللَّهِ وَٱلَّذِينَ ءَاوَواْ وَّنَصَرُوٓاْ أُوْلَـٰٓئِكَ بَعۡضُهُمۡ أَوۡلِيَآءُ بَعۡضٖۚ وَٱلَّذِينَ ءَامَنُواْ وَلَمۡ يُهَاجِرُواْ مَا لَكُم مِّن وَلَٰيَتِهِم مِّن شَيۡءٍ حَتَّىٰ يُهَاجِرُواْۚ وَإِنِ ٱسۡتَنصَرُوكُمۡ فِي ٱلدِّينِ فَعَلَيۡكُمُ ٱلنَّصۡرُ إِلَّا عَلَىٰ قَوۡمِۭ بَيۡنَكُمۡ وَبَيۡنَهُم مِّيثَٰقٞۗ وَٱللَّهُ بِمَا تَعۡمَلُونَ بَصِيرٞ ﴿٧٢﴾
هندى ئه‌ون يێن باوه‌رى ب خودێ وپێغه‌مبه‌رێ وى ئيناى، وكار ب شریعه‌تێ وى كرى، وبۆ جهێ ئيسلامێ یان جهه‌كێ بشێن په‌رستنا خودێ لێ بكه‌ن مشه‌خت بووين، و ب مالى وڕحێ جيهاد د ڕێكا خودێ دا كرى، وئه‌وێن مشه‌خت د مالێن خۆ دا حه‌واندين، و ب مالێ خۆ هاريكارییا وان كرى، ودينێ خودێ ب سه‌ر ئێخستى، ئه‌و هنده‌ك ژ وان پشته‌ڤانێن هنده‌كانه. به‌لێ ئه‌وێن باوه‌رى ئيناى و ژ جهێ كوفرێ مشه‌خت نه‌بووينه جهێ ئيسلامێ به‌ڕه‌ڤانى وپاراستنا وان ل سه‌ر هه‌وه نينه حه‌تا ئه‌و مشه‌خت ببن، وئه‌گه‌ر زۆردارییه‌ك ژ لايێ كافران ڤه ب سه‌ر وان دا هات ووان داخوازا سه‌ركه‌فتنێ ژ هه‌وه كر هوين د به‌رسڤا وان هه‌ڕن، وه‌سا تێ نه‌بت ئه‌گه‌ر ئه‌و دژى وى ملله‌تى بت يێ كو د ناڤبه‌را هه‌وه ووان دا په‌يمانه‌ك هه‌ى ووان ئه‌و په‌يمان نه‌شكاند بت. وخودێ ب كارێن هه‌وه يێ بينه‌ره، ئه‌و جزایێ هه‌ر ئێكى ل دويڤ كريار وئنيه‌تا وى دده‌تێ.
وَٱلَّذِينَ كَفَرُواْ بَعۡضُهُمۡ أَوۡلِيَآءُ بَعۡضٍۚ إِلَّا تَفۡعَلُوهُ تَكُن فِتۡنَةٞ فِي ٱلۡأَرۡضِ وَفَسَادٞ كَبِيرٞ ﴿٧٣﴾
وئه‌وێن كافربووين هنده‌ك ژ وان پشته‌ڤانێن هنده‌كانه، وئه‌گه‌ر هوين -گه‌لى خودان باوه‌ران- پشته‌ڤانییا ئێك ودو نه‌كه‌ن فتنه بۆ خودان باوه‌ران دێ د عه‌ردى دا په‌يدا بت، وخرابكارییه‌كا مه‌زن دێ چێ بت كو ڕێكا خودێ ل خه‌لكى بێته گرتن وستوينێن كوفرێ موكم ببن.
وَٱلَّذِينَ ءَامَنُواْ وَهَاجَرُواْ وَجَٰهَدُواْ فِي سَبِيلِ ٱللَّهِ وَٱلَّذِينَ ءَاوَواْ وَّنَصَرُوٓاْ أُوْلَـٰٓئِكَ هُمُ ٱلۡمُؤۡمِنُونَ حَقّٗاۚ لَّهُم مَّغۡفِرَةٞ وَرِزۡقٞ كَرِيمٞ ﴿٧٤﴾
وئه‌وێن باوه‌رى ب خودێ وپێغه‌مبه‌رێ وى ئيناى، ووه‌لاتێ خۆ هێلاى ومشه‌خت بووينه جهێ ئيسلامێ یان جهه‌كێ ئه‌و بشێن په‌رستنا خودایێ خۆ لێ بكه‌ن، وپێخه‌مه‌ت بلندكرنا په‌يڤا خودێ جيهاد كرى، وئه‌وێن پشته‌ڤانییا برايێن خۆ يێن موهاجر كرى و ب مالێ خۆ پشته‌ڤانى وهاريكارییا وان كرى، ئه‌ون خودان باوه‌رێن ڕاست ودورست، لێبۆرينا ژ گونه‌هان وڕزقه‌كێ ب بها وبه‌رفره‌هـ د به‌حه‌شتێن خۆشییێ دا بۆ وان هه‌يه.