قورئانا پیرۆز › سورەتا الأعراف › ئایەتا ١٠
سورەتا الأعراف · ئایەتا ١٠ ب تەفسیرا کوردی
Al-A'raf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَٱلۡوَزۡنُ يَوۡمَئِذٍ ٱلۡحَقُّۚ فَمَن ثَقُلَتۡ مَوَٰزِينُهُۥ فَأُوْلَـٰٓئِكَ هُمُ ٱلۡمُفۡلِحُونَ ﴿٨﴾
وكێشانا كريارێن مرۆڤان ل ڕۆژا قيامه‌تێ دێ ب ته‌رازییه‌كا ڕاست بت، ب دادییا چو زۆردارى د گه‌ل دا نه، ڤێجا هه‌چییێ كێشانا كريارێن وى -ژ به‌ر خێرێن وى يێن زۆر- گران بوو ئه‌و ئه‌ون يێن سه‌ركه‌فتى.
وَمَنۡ خَفَّتۡ مَوَٰزِينُهُۥ فَأُوْلَـٰٓئِكَ ٱلَّذِينَ خَسِرُوٓاْ أَنفُسَهُم بِمَا كَانُواْ بِـَٔايَٰتِنَا يَظۡلِمُونَ ﴿٩﴾
وهه‌چییێ كێشانا كريارێن وى -ژ به‌ر خرابییێن وى يێن زۆر- سڤك بوو ئه‌و ئه‌ون يێن بارا خۆ ژ ڕازيبوونا خودێ به‌رزه‌كرى؛ ژ به‌ر زێده‌گاڤییا وان كرى ب نه‌گوهدانا ئايه‌تێن خودێ، وكار پێ نه‌كرنێ.
وَلَقَدۡ مَكَّنَّـٰكُمۡ فِي ٱلۡأَرۡضِ وَجَعَلۡنَا لَكُمۡ فِيهَا مَعَٰيِشَۗ قَلِيلٗا مَّا تَشۡكُرُونَ ﴿١٠﴾
و ب ڕاستى مه هوين -گه‌لى مرۆڤان- د عه‌ردى دا دانان، ومه ئه‌و بۆ هه‌وه كره جهێ ئاكنجيبوونێ، ومه ئه‌و تشتێ هوين پێ بژين ژ خوارن وڤه‌خوارنان بۆ هه‌وه لێ دانان، و د گه‌ل هندێ ژى شوكرا هه‌وه بۆ قه‌نجییێن خودێ يا كێمه.
وَلَقَدۡ خَلَقۡنَٰكُمۡ ثُمَّ صَوَّرۡنَٰكُمۡ ثُمَّ قُلۡنَا لِلۡمَلَـٰٓئِكَةِ ٱسۡجُدُواْ لِأٓدَمَ فَسَجَدُوٓاْ إِلَّآ إِبۡلِيسَ لَمۡ يَكُن مِّنَ ٱلسَّـٰجِدِينَ ﴿١١﴾
و ب ڕاستى مه قه‌نجى د گه‌ل هه‌وه كر ده‌مێ مه هێڤێنێ هه‌وه -كو بابێ هه‌وه ئاده‌مه- ژ چوننه‌يێ داى، پاشى مه ئه‌و كره خودان ڕه‌نگ وڕوییه‌كێ چێتر ژ يێ گه‌له‌ك چێكرییان، پاشى مه فه‌رمان ل ملیاكه‌تان كر ئه‌و -بۆ قه‌درگرتن- خۆ بۆ وى بچه‌مينن، ئينا وان هه‌مییان خۆ بۆ وى چه‌ماند، ئبليس تێ نه‌بت ئه‌و د گه‌ل وان بوو به‌لێ ژ دلڕه‌شى وى خۆ نه‌چه‌ماند.
قَالَ مَا مَنَعَكَ أَلَّا تَسۡجُدَ إِذۡ أَمَرۡتُكَۖ قَالَ أَنَا۠ خَيۡرٞ مِّنۡهُ خَلَقۡتَنِي مِن نَّارٖ وَخَلَقۡتَهُۥ مِن طِينٖ ﴿١٢﴾
خودێ ب نه‌ڕازيبوون ڤه ل سه‌ر خۆنه‌چه‌ماندنا ئبليسى گۆتێ: ئه‌رێ ئه‌و چ بوو نه‌هێلاى تو خۆ بچه‌مينى ده‌مێ من فه‌رمان ل ته كرى؟ ئبليسى گۆت: ئافراندنا من ژ يا وى چێتره؛ چونكى ئه‌ز ژ ئاگرى يێ هاتيمه ئافراندن، وئه‌و ژ ته‌قنێ. ڤێجا وى هزركر ئاگر ژ ئاخێ ب قه‌درتره.