قورئانا پیرۆز › سورەتا الأعراف › ئایەتا ١٠٧
سورەتا الأعراف · ئایەتا ١٠٧ ب تەفسیرا کوردی
Al-A'raf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
حَقِيقٌ عَلَىٰٓ أَن لَّآ أَقُولَ عَلَى ٱللَّهِ إِلَّا ٱلۡحَقَّۚ قَدۡ جِئۡتُكُم بِبَيِّنَةٖ مِّن رَّبِّكُمۡ فَأَرۡسِلۡ مَعِيَ بَنِيٓ إِسۡرَـٰٓءِيلَ ﴿١٠٥﴾
هێژايه كو ژ حه‌قییێ پێڤه‌تر ئه‌ز چو گۆتنێن دى ل سه‌ر ناڤێ خودێ نه‌بێژم، وهه‌ژى منه كو ئه‌ز پێگيرییێ ب حه‌قییێ بكه‌م، ب ڕاستى ئه‌ز ب هێجه‌ت ونيشانه‌كا ئاشكه‌را ڤه ل سه‌ر ڕاستییا گۆتنا خۆ ژ لايێ خودايێ هه‌وه ڤه بۆ هه‌وه هاتيمه، ڤێجا تو -ئه‌ى فيرعه‌ون- ئيسرائيلییان ژ ئێخسيرى وكۆله‌تییا خۆ به‌رده، وڕێكا وان بكه دا ئه‌و په‌رستنا خودێ بكه‌ن.
قَالَ إِن كُنتَ جِئۡتَ بِـَٔايَةٖ فَأۡتِ بِهَآ إِن كُنتَ مِنَ ٱلصَّـٰدِقِينَ ﴿١٠٦﴾
فيرعه‌ونى گۆته مووساى: ئه‌گه‌ر تو ب ئايه‌ته‌كێ هاتبى وه‌كى تو دبێژى پا كانێ وێ بينه، و ل نك من ئاماده بكه؛ دا ڕاستییا ته بۆ من ئاشكه‌را ببت، ئه‌گه‌ر ڕاسته كو تو پێغه‌مبه‌رێ خودايێ هه‌مى چێكرییانى.
فَأَلۡقَىٰ عَصَاهُ فَإِذَا هِيَ ثُعۡبَانٞ مُّبِينٞ ﴿١٠٧﴾
ئينا مووساى گۆپالێ خۆ هاڤێت، ڤێجا ئه‌و د گاڤێ دا بۆ شه‌هماره‌كێ ئاشكه‌را.
وَنَزَعَ يَدَهُۥ فَإِذَا هِيَ بَيۡضَآءُ لِلنَّـٰظِرِينَ ﴿١٠٨﴾
ووى گاڤا ده‌ستێ خۆ ژ به‌ريكا خۆ يان ژ بن كه‌فشێ خۆ ئينایه ده‌رێ، د گاڤێ دا ئه‌و وه‌كى شيرى سپى بوو بێى كو نه‌ساخییه‌ك لێ هه‌بت، وگاڤا وى ده‌ستێ خۆ زڤڕاندباڤه وه‌كى به‌رێ لێ دهات.
قَالَ ٱلۡمَلَأُ مِن قَوۡمِ فِرۡعَوۡنَ إِنَّ هَٰذَا لَسَٰحِرٌ عَلِيمٞ ﴿١٠٩﴾
مه‌زنێن ملله‌تێ فيرعه‌ونى گۆتن: هندى مووسايه سێره‌به‌نده‌كه، ئه‌و ب فه‌ند وفيلێن خۆ چاڤێن خه‌لكى دسحرينت، حه‌تا وه ل وان دكه‌ت كو ئه‌و هزر بكه‌ن گۆپال ماره، وتشتى دگوهۆڕت، وزانينا وى ب سێره‌به‌ندییێ يا به‌رفره‌هه.