قورئانا پیرۆز › سورەتا الأعراف › ئایەتا ١٢٩
سورەتا الأعراف · ئایەتا ١٢٩ ب تەفسیرا کوردی
Al-A'raf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَقَالَ ٱلۡمَلَأُ مِن قَوۡمِ فِرۡعَوۡنَ أَتَذَرُ مُوسَىٰ وَقَوۡمَهُۥ لِيُفۡسِدُواْ فِي ٱلۡأَرۡضِ وَيَذَرَكَ وَءَالِهَتَكَۚ قَالَ سَنُقَتِّلُ أَبۡنَآءَهُمۡ وَنَسۡتَحۡيِۦ نِسَآءَهُمۡ وَإِنَّا فَوۡقَهُمۡ قَٰهِرُونَ ﴿١٢٧﴾
وڕێبه‌ر ومه‌زنان ژ ملله‌تێ فيرعه‌ونى گۆته فيرعه‌ونى: ئه‌رێ تو دێ مووساى وملله‌تێ وى ژ ئسرائيلییان هێلى دا ئه‌و خه‌لكى ل عه‌ردێ (مصرێ) د سه‌ر دا ببه‌ن حه‌تا ئه‌و دينێ خۆ بگوهۆڕن وعه‌بدينییا خودايه‌كێ ب تنێ بكه‌ن، وعه‌بدينییا ته ويا خوداوه‌ندێن ته بهێلن؟ فيرعه‌ونى گۆت: ئه‌م دێ كوڕێن ئسرائيلییان كوژين وژنێن وان بۆ خزمه‌تكارییێ هێلينه زێندى، وهندى ئه‌مين ئه‌م ب ملكى وده‌سهه‌لاتێ د سه‌ر وان ڕاينه.
قَالَ مُوسَىٰ لِقَوۡمِهِ ٱسۡتَعِينُواْ بِٱللَّهِ وَٱصۡبِرُوٓاْۖ إِنَّ ٱلۡأَرۡضَ لِلَّهِ يُورِثُهَا مَن يَشَآءُ مِنۡ عِبَادِهِۦۖ وَٱلۡعَٰقِبَةُ لِلۡمُتَّقِينَ ﴿١٢٨﴾
مووساى گۆته ملله‌تێ خۆ -ژ ئسرائيلییان-: هوين داخوازا هاريكارییێ ژ خودێ دژى فيرعه‌ونى وملله‌تێ وى بكه‌ن، وبێهنا خۆ ل سه‌ر وێ نه‌خۆشییا ژ فيرعه‌ونى گه‌هشتییه هه‌وه وعه‌يالێ هه‌وه فره‌هـ بكه‌ن. هندى عه‌رده هه‌مى بۆ خودێیه يێ وى بڤێت ژ به‌نییێن خۆ ب ميراتگرى ئه‌و لێ ددانت، ودويماهییا باش بۆ وییه يێ ته‌قوایا خودێ بكه‌ت وپێگيرییێ ب فه‌رمانێن وى بكه‌ت.
قَالُوٓاْ أُوذِينَا مِن قَبۡلِ أَن تَأۡتِيَنَا وَمِنۢ بَعۡدِ مَا جِئۡتَنَاۚ قَالَ عَسَىٰ رَبُّكُمۡ أَن يُهۡلِكَ عَدُوَّكُمۡ وَيَسۡتَخۡلِفَكُمۡ فِي ٱلۡأَرۡضِ فَيَنظُرَ كَيۡفَ تَعۡمَلُونَ ﴿١٢٩﴾
ملله‌تێ مووساى -ژ ئسرائيلیان- گۆته پێغه‌مبه‌رێ خۆ مووساى: به‌رى تۆ بۆ مه بێى وپشتى تو بۆ مه هاتى ژى ئه‌م ب كوشتنا كوڕێن مه وهێلانا ژنان دهاتينه ئێشاندن، مووساى گۆته وان: به‌لكى خودايێ هه‌وه نه‌يارێ هه‌وه فيرعه‌ونى وملله‌تێ وى تێ ببه‌ت، وپشتى تێبرنا وان هه‌وه ب جێگرى ل عه‌ردێ وان بدانت، ڤێجا به‌رێ خۆ بده‌ته هه‌وه كانێ هوين دێ چاوا كارى كه‌ن، كانێ دێ شوكرا وى كه‌ن يان دێ كافر بن؟
وَلَقَدۡ أَخَذۡنَآ ءَالَ فِرۡعَوۡنَ بِٱلسِّنِينَ وَنَقۡصٖ مِّنَ ٱلثَّمَرَٰتِ لَعَلَّهُمۡ يَذَّكَّرُونَ ﴿١٣٠﴾
و ب ڕاستى مه فيرعه‌ون وملله‌تێ وى ب كولپ وخه‌لايێ، و ب كێمكرنا به‌رهه‌مێ فێقى وده‌رامه‌تێ وان جه‌رباندن؛ دا به‌لكى ئه‌و بيرا خۆ بينن، وخۆ ژ سه‌رداچوونێ بده‌نه پاش، و ل خودايێ خۆ بزڤڕنه‌ڤه.
فَإِذَا جَآءَتۡهُمُ ٱلۡحَسَنَةُ قَالُواْ لَنَا هَٰذِهِۦۖ وَإِن تُصِبۡهُمۡ سَيِّئَةٞ يَطَّيَّرُواْ بِمُوسَىٰ وَمَن مَّعَهُۥٓۗ أَلَآ إِنَّمَا طَـٰٓئِرُهُمۡ عِندَ ٱللَّهِ وَلَٰكِنَّ أَكۡثَرَهُمۡ لَا يَعۡلَمُونَ ﴿١٣١﴾
ڤێجا ئه‌گه‌ر ڕزق وبه‌رفره‌هییه‌ك گه‌هشتبا فيرعه‌ونى وملله‌تێ وى ئه‌و دا بێژن: ئه‌ڤه بۆ مه‌يه ژ به‌ر كو ئه‌م دهه‌ژينه، وئه‌گه‌ر كولپ وهشكاتى ب سه‌ر وان دا هاتبا، ئه‌و دا وێ كه‌نه ژ بێ ئيفله‌حییا مووساى وئه‌وێن د گه‌ل وى دا، ودا بێژن: ئه‌ڤه ژ به‌ر وان گه‌هشته مه. نێ ئه‌وا ب سه‌رێ وان دئێت ژ كولپ وخه‌لايێ ب قه‌ده‌را خودێیه، و ژ به‌ر كوفر وگونه‌هێن وانه، به‌لێ پترییا ملله‌تێ فيرعه‌ونى ڤێ چه‌ندێ نزانن.