قورئانا پیرۆز › سورەتا الأعراف › ئایەتا ٣٥
سورەتا الأعراف · ئایەتا ٣٥ ب تەفسیرا کوردی
Al-A'raf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قُلۡ إِنَّمَا حَرَّمَ رَبِّيَ ٱلۡفَوَٰحِشَ مَا ظَهَرَ مِنۡهَا وَمَا بَطَنَ وَٱلۡإِثۡمَ وَٱلۡبَغۡيَ بِغَيۡرِ ٱلۡحَقِّ وَأَن تُشۡرِكُواْ بِٱللَّهِ مَا لَمۡ يُنَزِّلۡ بِهِۦ سُلۡطَٰنٗا وَأَن تَقُولُواْ عَلَى ٱللَّهِ مَا لَا تَعۡلَمُونَ ﴿٣٣﴾
تو -ئه‌ى پێغه‌مبه‌ر- بێژه وان موشركان: خودێ كارێن كرێت حه‌رامكرينه، چ دئاشكه‌را بن، چ دڤه‌شارتى، ووى گونه‌هـ هه‌مى حه‌رامكرينه، وگونه‌ها ژ هه‌مییان مه‌زنتر ئه‌وه مرۆڤ زۆردارییێ ل خه‌لكى بكه‌ت، هندى ئه‌ڤ كاره‌يه يێ دويره ژ حه‌قییێ، ووى حه‌رامكرییه كو هوين ژ بلى خودێ په‌رستنا تشته‌كى بكه‌ن يێ وى چو هێجه‌ت وده‌ليل پێ نه‌ئيناينه خوارێ، ئه‌وێ ڤى كارى بكه‌ت وى چو هێجه‌ت نينن، ووى حه‌رام كرییه كو هوين ژ دره‌و وبێ به‌ختى وى تشتى ل سه‌ر ناڤێ خودێ بێژن يێ وى نه‌گۆتى، وه‌كى پالدانا كوڕه‌كى بۆ وى، وحه‌رامكرنا هنده‌ك جلك وخوارنێن حه‌لال.
وَلِكُلِّ أُمَّةٍ أَجَلٞۖ فَإِذَا جَآءَ أَجَلُهُمۡ لَا يَسۡتَأۡخِرُونَ سَاعَةٗ وَلَا يَسۡتَقۡدِمُونَ ﴿٣٤﴾
وهه‌ر كۆمه‌كا ل سه‌ر كوفرا ب خودێ ونه‌باوه‌رى ئينانا ب پێغه‌مبه‌رێن وى سلاڤ لێ بن كۆم ببن، ده‌مه‌ك هه‌يه كو عه‌زاب تێدا ب سه‌ر وان دا بێت، ڤێجا ئه‌گه‌ر ئه‌و ده‌م هات يێ خودێ بۆ تێبرنا وان داناى ده‌ليڤه‌یه‌كێ نه ئه‌و ژێ دئێنه پاشخستن، ونه پێشخستن.
يَٰبَنِيٓ ءَادَمَ إِمَّا يَأۡتِيَنَّكُمۡ رُسُلٞ مِّنكُمۡ يَقُصُّونَ عَلَيۡكُمۡ ءَايَٰتِي فَمَنِ ٱتَّقَىٰ وَأَصۡلَحَ فَلَا خَوۡفٌ عَلَيۡهِمۡ وَلَا هُمۡ يَحۡزَنُونَ ﴿٣٥﴾
ئه‌ى دوونده‌ها ئاده‌مى ئه‌گه‌ر پێغه‌مبه‌رێن من ژ ملله‌تێن هه‌وه بۆ هه‌وه هاتن، ئايه‌تێن كيتابا من بۆ هه‌وه بخوينن، ووان ده‌ليلان بۆ هه‌وه بێژن يێن ڕاستییا وێ يا ئه‌و بۆ هه‌وه پێ هاتين ئاشكه‌را بكه‌ن هوين گوهدارییا وان بكه‌ن، ئێدى هه‌چییێ خۆ ژ غه‌زه‌با من بپارێزت وكارێ خۆ چاك بكه‌ت، ڕۆژا قيامه‌تێ چو ترسا ژ عه‌زابا خودێ ل سه‌ر وى نينه، وئه‌و ل سه‌ر وێ بارا ژ دنيايێ نه‌گه‌هشتییێ ب خه‌م ناكه‌ڤت.
وَٱلَّذِينَ كَذَّبُواْ بِـَٔايَٰتِنَا وَٱسۡتَكۡبَرُواْ عَنۡهَآ أُوْلَـٰٓئِكَ أَصۡحَٰبُ ٱلنَّارِۖ هُمۡ فِيهَا خَٰلِدُونَ ﴿٣٦﴾
وئه‌و كافرێن دره‌و ب ده‌ليلێن ته‌وحيدا خودێ كرى، وخۆ ژ وان بلندتر ديتى، ئه‌و خه‌لكێ ئاگرینه هه‌ر دێ تێدا مينن، وچو جاران ئه‌و ژێ ده‌رناكه‌ڤن.
فَمَنۡ أَظۡلَمُ مِمَّنِ ٱفۡتَرَىٰ عَلَى ٱللَّهِ كَذِبًا أَوۡ كَذَّبَ بِـَٔايَٰتِهِۦٓۚ أُوْلَـٰٓئِكَ يَنَالُهُمۡ نَصِيبُهُم مِّنَ ٱلۡكِتَٰبِۖ حَتَّىٰٓ إِذَا جَآءَتۡهُمۡ رُسُلُنَا يَتَوَفَّوۡنَهُمۡ قَالُوٓاْ أَيۡنَ مَا كُنتُمۡ تَدۡعُونَ مِن دُونِ ٱللَّهِۖ قَالُواْ ضَلُّواْ عَنَّا وَشَهِدُواْ عَلَىٰٓ أَنفُسِهِمۡ أَنَّهُمۡ كَانُواْ كَٰفِرِينَ ﴿٣٧﴾
كه‌س ژ وى زۆردارتر نينه يێ دره‌وان ل سه‌ر ناڤێ خودێ بكه‌ت، يان دره‌وێ ب وان ئايه‌تێن وى بكه‌ت يێن وى ئيناينه خوارێ، ئه‌وان ئه‌و بارا عه‌زابێ يا كو د له‌وحێ پاراستى دا بۆ وان هاتییه نڤيسين د دنیایێ دا دێ گه‌هتێ، حه‌تا ئه‌گه‌ر ملياكه‌تێ مرنێ وهاريكارێن وى هاتن دا رحا وان بستينن ئه‌و دێ بێژنێ: كانێ ئه‌و هه‌ڤپشك یێن هه‌وه ژ بلى خودێ په‌رستن بۆ دكر، دا هه‌وه ژ ڤى حالى ڕزگار بكه‌ن؟ وان گۆت: وان ئه‌م هێلاين ووان هنگى ئعتراف كر كو ئه‌و د دنيايێ دا دكافر بوون.