قورئانا پیرۆز › سورەتا الأعراف › ئایەتا ٤٦
سورەتا الأعراف · ئایەتا ٤٦ ب تەفسیرا کوردی
Al-A'raf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَنَادَىٰٓ أَصۡحَٰبُ ٱلۡجَنَّةِ أَصۡحَٰبَ ٱلنَّارِ أَن قَدۡ وَجَدۡنَا مَا وَعَدَنَا رَبُّنَا حَقّٗا فَهَلۡ وَجَدتُّم مَّا وَعَدَ رَبُّكُمۡ حَقّٗاۖ قَالُواْ نَعَمۡۚ فَأَذَّنَ مُؤَذِّنُۢ بَيۡنَهُمۡ أَن لَّعۡنَةُ ٱللَّهِ عَلَى ٱلظَّـٰلِمِينَ ﴿٤٤﴾
وخه‌لكێ به‌حه‌شتێ -پشتى دچنێ- گازى خه‌لكێ ئاگرى دكه‌ن ودبێژنێ: هندى ئه‌مين مه ئه‌و ڕاست ديت يا خودێ ل سه‌ر ئه‌زمانێ پێغه‌مبه‌رێن خۆ سۆز پێ دايه مه، كو خێرا عیباده‌تكه‌ران ئه‌و دێ ده‌ت، ئه‌رێ هه‌وه ژى ئه‌و ڕاست ديت يا خودێ ل سه‌ر ئه‌زمانێن پێغه‌مبه‌رێن هه‌وه سۆز پێ دايه هه‌وه كو نه‌گوهداران عه‌زاب بده‌ت؟ خه‌لكێ ئاگرى به‌رسڤێ دده‌ن ودبێژن: به‌لێ مه ئه‌و ديت یا خودايێ مه سۆز پێ دايه مه. ئينا بانگهلدێره‌كى د ناڤ خه‌لكێ به‌حه‌شتێ وخه‌لكێ جه‌هنه‌مێ دا كره گازى: كو له‌عنه‌تا خودێ ل وان زۆرداران بت يێن پێ ل توخويبێن خودێ داناى، وكافرى ب خودێ وپێغه‌مبه‌رێ وى كرى.
ٱلَّذِينَ يَصُدُّونَ عَن سَبِيلِ ٱللَّهِ وَيَبۡغُونَهَا عِوَجٗا وَهُم بِٱلۡأٓخِرَةِ كَٰفِرُونَ ﴿٤٥﴾
ئه‌ڤ كافره بوون يێن به‌رێ خه‌لكى ژ ڕێكا خودێ يا ڕاست وه‌ردگێڕا، ونه‌دهێلا ئه‌و قه‌ست بكه‌نێ، ودڤێا ڕێك يا خوار بت، دا كه‌س ڤێ نه‌كه‌ڤت، وئه‌و ب ئاخره‌تێ -وتشتێ لێ هه‌ى- دكافرن.
وَبَيۡنَهُمَا حِجَابٞۚ وَعَلَى ٱلۡأَعۡرَافِ رِجَالٞ يَعۡرِفُونَ كُلَّۢا بِسِيمَىٰهُمۡۚ وَنَادَوۡاْ أَصۡحَٰبَ ٱلۡجَنَّةِ أَن سَلَٰمٌ عَلَيۡكُمۡۚ لَمۡ يَدۡخُلُوهَا وَهُمۡ يَطۡمَعُونَ ﴿٤٦﴾
و د ناڤبه‌را خه‌لكێ به‌حه‌شتێ وخه‌لكێ جه‌هنه‌مێ دا په‌رژانه‌كێ مه‌زن يێ كو دبێژنێ: (ئه‌عراف) هه‌يه، و ل سه‌ر ڤى په‌رژانى هنده‌ك زه‌لام هه‌نه خه‌لكێ به‌حه‌شتێ وخه‌لكێ جه‌هنه‌مێ ب نيشانان دنیاسن، وه‌كى سپياتییا ڕوییێ به‌حه‌شتییان، وڕه‌شاتییا ڕوییێ جه‌هنه‌مییان، وئه‌ڤ زه‌لامه ئه‌ون يێن باشى وخرابییێن وان هندى ئێك لێ هاتين ئه‌و چاڤه‌ڕێیى ڕه‌حما خودێنه. وزه‌لامێن ئه‌عرافێ ب سلاڤكرن ڤه گازى خه‌لكێ به‌حه‌شتێ دكه‌ن ودبێژنێ: سلاڤ ل هه‌وه بن، وخه‌لكێ ئه‌عرافێ هێشتا نه‌چووينه به‌حه‌شتێ ووان هيڤى هه‌يه بچنێ.
۞وَإِذَا صُرِفَتۡ أَبۡصَٰرُهُمۡ تِلۡقَآءَ أَصۡحَٰبِ ٱلنَّارِ قَالُواْ رَبَّنَا لَا تَجۡعَلۡنَا مَعَ ٱلۡقَوۡمِ ٱلظَّـٰلِمِينَ ﴿٤٧﴾
وئه‌گه‌ر به‌رێ خه‌لكێ ئه‌عرافێ ب لايێ خه‌لكێ جه‌هنه‌مێ ڤه هاته‌دان، ئه‌و دبێژن: خودايێ مه تو مه نه‌كه د گه‌ل ملله‌تێ ب شرك وكوفرا خۆ زۆردارى كرى.
وَنَادَىٰٓ أَصۡحَٰبُ ٱلۡأَعۡرَافِ رِجَالٗا يَعۡرِفُونَهُم بِسِيمَىٰهُمۡ قَالُواْ مَآ أَغۡنَىٰ عَنكُمۡ جَمۡعُكُمۡ وَمَا كُنتُمۡ تَسۡتَكۡبِرُونَ ﴿٤٨﴾
وخه‌لكێ ئه‌عرافێ گازى هنده‌ك زه‌لامان ژ سه‌رۆكێن كافران كر يێن كو د ئاگرى دا، ب هنده‌ك نيشانێن تايبه‌ت وان ئه‌و دنیاسين، گۆتنێ: ئه‌و مال وزه‌لامێن هه‌وه د دنيايێ دا ل دۆر خۆ كۆم دكرن چو مفا نه‌گه‌هانده هه‌وه، ودفنبلندى وخۆمه‌زنكرنا هه‌وه ژى كو هه‌وه باوه‌رى وحه‌قى قه‌بويل نه‌كرى چو مفا نه‌گه‌هانده هه‌وه.