قورئانا پیرۆز › سورەتا الأعراف › ئایەتا ٦١
سورەتا الأعراف · ئایەتا ٦١ ب تەفسیرا کوردی
Al-A'raf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
لَقَدۡ أَرۡسَلۡنَا نُوحًا إِلَىٰ قَوۡمِهِۦ فَقَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥٓ إِنِّيٓ أَخَافُ عَلَيۡكُمۡ عَذَابَ يَوۡمٍ عَظِيمٖ ﴿٥٩﴾
ب ڕاستى مه نووح بۆ ملله‌تێ وى هنارتبوو؛ دا ئه‌و به‌رێ وان بده‌ته ته‌وحيدا خودێ، وئخلاصا د په‌رستنێ دا، ئينا وى گۆت: ئه‌ى ملله‌تێ من عه‌بدينییا خودێ، وگوهدارییا وى ب تنێ بكه‌ن، چونكى ژ وى پێڤه‌تر هه‌وه چو خودايێن دى نينن هێژاى په‌رستنێ بن، وئه‌گه‌ر هه‌وه وه نه‌كر، وهوین مانه ل سه‌ر كوفرا خۆ، ئه‌ز دترسم عه‌زابا ڕۆژه‌كا نه‌خۆشییا وێ يا مه‌زن، كو ڕۆژا قيامه‌تێیه، ب سه‌ر هه‌وه دا بێت.
قَالَ ٱلۡمَلَأُ مِن قَوۡمِهِۦٓ إِنَّا لَنَرَىٰكَ فِي ضَلَٰلٖ مُّبِينٖ ﴿٦٠﴾
مه‌زن وڕێبه‌رێن وان گۆته وى: ئه‌ى نووح، ب ڕاستى ئه‌م هزر دكه‌ين كو تو يێ د به‌رزه‌بوونه‌كا ئاشكه‌را دا وتو ژ ڕێكا ڕاست ودورست يێ دويرى.
قَالَ يَٰقَوۡمِ لَيۡسَ بِي ضَلَٰلَةٞ وَلَٰكِنِّي رَسُولٞ مِّن رَّبِّ ٱلۡعَٰلَمِينَ ﴿٦١﴾
نووحى گۆت: ئه‌ى ملله‌تێ من، د چو مه‌سه‌لان دا و ب چو ڕه‌نگان ئه‌ز يێ به‌رزه‌بووى نينم، به‌لكى ئه‌ز پێغه‌مبه‌ره‌كم ژ لايێ خودايێ هه‌مى چێكرییان، خودايێ خۆ وخودايێ هه‌وه ڤه هاتيمه هنارتن.
أُبَلِّغُكُمۡ رِسَٰلَٰتِ رَبِّي وَأَنصَحُ لَكُمۡ وَأَعۡلَمُ مِنَ ٱللَّهِ مَا لَا تَعۡلَمُونَ ﴿٦٢﴾
ئه‌ز وێ په‌يامێ دگه‌هينمه هه‌وه يا ژ لايێ خودايێ خۆ ڤه ئه‌ز پێ هاتيمه هنارتن، وئه‌ز شيره‌تان ل هه‌وه دكه‌م وهه‌وه ژ عه‌زابا خودێ دترسينم، ومزگينییێ ب قه‌نجییا وى دده‌مه هه‌وه، وئه‌ز وى تشتى ژ شريعه‌تێ وى دزانم يێ هوين نه‌زانن.
أَوَعَجِبۡتُمۡ أَن جَآءَكُمۡ ذِكۡرٞ مِّن رَّبِّكُمۡ عَلَىٰ رَجُلٖ مِّنكُمۡ لِيُنذِرَكُمۡ وَلِتَتَّقُواْ وَلَعَلَّكُمۡ تُرۡحَمُونَ ﴿٦٣﴾
وما تشتێ هوين مه‌نده‌هۆش كرين ئه‌و بوو كو خودێ ئه‌و تشت بۆ هه‌وه ئینا خوارێ يێ بيرا هه‌وه پێ ل وێ چه‌ندێ بێته‌ڤه يا خێرا هه‌وه تێدا، ل سه‌ر ئه‌زمانێ زه‌لامه‌كى ژ هه‌وه ب خۆ، هوين وى دنیاسن ودزانن ئه‌و يێ ڕاستگۆيه؛ دا ئه‌و هه‌وه ژ عه‌زابا خودێ بترسينت، ودا هوين ب باوه‌رى ئينانێ خۆ ژ غه‌زه‌با وى بپارێزن، ودا به‌لكى هوين دلۆڤانییا وى ب ده‌ست خۆ ڤه بينن؟