قورئانا پیرۆز › سورەتا الأعراف › ئایەتا ٧١
سورەتا الأعراف · ئایەتا ٧١ ب تەفسیرا کوردی
Al-A'raf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أَوَعَجِبۡتُمۡ أَن جَآءَكُمۡ ذِكۡرٞ مِّن رَّبِّكُمۡ عَلَىٰ رَجُلٖ مِّنكُمۡ لِيُنذِرَكُمۡۚ وَٱذۡكُرُوٓاْ إِذۡ جَعَلَكُمۡ خُلَفَآءَ مِنۢ بَعۡدِ قَوۡمِ نُوحٖ وَزَادَكُمۡ فِي ٱلۡخَلۡقِ بَصۜۡطَةٗۖ فَٱذۡكُرُوٓاْ ءَالَآءَ ٱللَّهِ لَعَلَّكُمۡ تُفۡلِحُونَ ﴿٦٩﴾
يان تشتێ هوين مه‌نده‌هۆش كرين ئه‌و بوو كو خودێ ئه‌و تشت بۆ هه‌وه هنارت يێ بيرا هه‌وه پێ ل وێ چه‌ندێ بێته‌ڤه يا خێرا هه‌وه تێدا، ل سه‌ر ئه‌زمانێ زه‌لامه‌كى ژ هه‌وه ب خۆ، هوين وى دنیاسن ودزانن ئه‌و يێ ڕاستگۆيه؛ دا ئه‌و هه‌وه ژ عه‌زابا خودێ بترسينت؟ وهوين وێ قه‌نجییا خودێ بيننه بيرا خۆ یا وى د گه‌ل هه‌وه كرى كو وى هوين د عه‌ردى دا كرینه جێگرێن خه‌لكێ به‌رى هه‌وه، پشتى كو وى ملله‌تێ نووحى براندى، ووى له‌شێن هه‌وه ب هێز ومه‌زن كرن، ڤێجا هوين قه‌نجییێن خودێ يێن گه‌له‌ك بيننه بيرا خۆ؛ دا به‌لكى هوين ب سه‌ركه‌فتنا مه‌زن ل دنيايێ وئاخره‌تێ ب سه‌ركه‌ڤن.
قَالُوٓاْ أَجِئۡتَنَا لِنَعۡبُدَ ٱللَّهَ وَحۡدَهُۥ وَنَذَرَ مَا كَانَ يَعۡبُدُ ءَابَآؤُنَا فَأۡتِنَا بِمَا تَعِدُنَآ إِن كُنتَ مِنَ ٱلصَّـٰدِقِينَ ﴿٧٠﴾
عادییان گۆته هوودى سلاڤ لێ بن: ئه‌رێ ته گازى مه كرییه دا ئه‌م په‌رستنا خودێ ب تنێ بكه‌ين، وپه‌رستنا وان صه‌نه‌مان بهێلين يا كو مه ژ بابێن خۆ بۆ خۆ گرتى؟ كانێ تو وێ عه‌زابێ ب سه‌ر مه دا بينه يا تو مه پێ دترسينى، ئه‌گه‌ر تو ژ ڕاستگۆيانى.
قَالَ قَدۡ وَقَعَ عَلَيۡكُم مِّن رَّبِّكُمۡ رِجۡسٞ وَغَضَبٌۖ أَتُجَٰدِلُونَنِي فِيٓ أَسۡمَآءٖ سَمَّيۡتُمُوهَآ أَنتُمۡ وَءَابَآؤُكُم مَّا نَزَّلَ ٱللَّهُ بِهَا مِن سُلۡطَٰنٖۚ فَٱنتَظِرُوٓاْ إِنِّي مَعَكُم مِّنَ ٱلۡمُنتَظِرِينَ ﴿٧١﴾
هوودى گۆته ملله‌تێ خۆ: ب ڕاستى عه‌زاب وغه‌زه‌ب ژ خودايێ هه‌وه ب سه‌ر هه‌وه دا هات، ئه‌رێ هوين د ده‌رحه‌قا ڤان صه‌نه‌مان دا يێن هه‌وه وبابێن هه‌وه ناڤ لێكرين هه‌ڤڕكییێ د گه‌ل من دكه‌ن؟ خودێ چو هێجه‌ت وده‌ليله‌ك پێ نه‌ئينايه خوارێ؛ چونكى ئه‌و يێن هاتينه چێكرن نه چو مفایى دگه‌هينن ونه چو زيانێ، وهه‌ما يێ په‌رستن بۆ بێته‌كرن خودايێ ئافرانده‌ر ب تنێیه، ڤێجا هوين چاڤه‌رێ بن كو عه‌زاب ب سه‌ر هه‌وه دا بێت، ئه‌ز ژى د گه‌ل هه‌وه چاڤه‌رێیى هاتنا وێ مه، وئه‌ڤه دويماهییا گه‌فلێكرن وترساندنێیه.
فَأَنجَيۡنَٰهُ وَٱلَّذِينَ مَعَهُۥ بِرَحۡمَةٖ مِّنَّا وَقَطَعۡنَا دَابِرَ ٱلَّذِينَ كَذَّبُواْ بِـَٔايَٰتِنَاۖ وَمَا كَانُواْ مُؤۡمِنِينَ ﴿٧٢﴾
ئينا عه‌زابا خودێ كو هڕه‌بایه‌كێ دژوار بوو ب سه‌ر وان دا هات، وخودێ هوود وئه‌وێن باوه‌رى د گه‌ل دا ئيناى ب دلۆڤانییا خۆ يا مه‌زن ڕزگاركرن، وكافرێن ملله‌تێ وى هه‌مى براندن وپه‌لخاندن، وئه‌و ژ خودان باوه‌ران نه‌بوون چونكى وان كوفرا ب ئايه‌تێن خودێ د گه‌ل هێلانا كرنا چاكییێ پێكڤه ل نك خۆ كۆم كربوو.
وَإِلَىٰ ثَمُودَ أَخَاهُمۡ صَٰلِحٗاۚ قَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥۖ قَدۡ جَآءَتۡكُم بَيِّنَةٞ مِّن رَّبِّكُمۡۖ هَٰذِهِۦ نَاقَةُ ٱللَّهِ لَكُمۡ ءَايَةٗۖ فَذَرُوهَا تَأۡكُلۡ فِيٓ أَرۡضِ ٱللَّهِۖ وَلَا تَمَسُّوهَا بِسُوٓءٖ فَيَأۡخُذَكُمۡ عَذَابٌ أَلِيمٞ ﴿٧٣﴾
ومه بۆ ئويجاخا ثه‌موودى برايێ وان صالح هنارتبوو، ده‌مێ وان ژ بلى خودێ په‌رستنا صه‌نه‌مان كرى، ئينا صالحى گۆته وان: ئه‌ى ملله‌تێ من عه‌بدينییا خودێ ب تنێ بكه‌ن؛ چونكى ژ وى پێڤه‌تر هه‌وه چو خودايێن دى نينن هێژاى په‌رستنێ بن، ب ڕاستى ئه‌ز ب نيشانه‌كا ئاشكه‌را ڤه ل سه‌ر ڕاستییا گۆتنا خۆ بۆ هه‌وه هاتيمه، كو من ل به‌رچاڤێن هه‌وه دوعا ژ خودێ كر، ئينا وى ژ كه‌ڤرى حێشتره‌كا مه‌زن ئيناده‌ر وه‌كى هه‌وه ڤياى، ڤێجا هوين وێ بهێلن دا ئه‌و ل عه‌ردێ خودێ بچه‌رت، وچو خرابى ونه‌خۆشییێ نه‌گه‌هيننێ، كو عه‌زابه‌كا ب ئێش بگه‌هته هه‌وه.